പി.ജി. ഡോക്ടറെന്ന വ്യാജേന മെഡിക്കൽ കോളേജിൽ കയറി രോഗിയെ ചികിത്സിച്ച് തട്ടിപ്പ്; യുവാവ് പിടിയില്‍

  • 22/05/2022

തിരുവനന്തപുരം: പി.ജി. ഡോക്ടറാണെന്ന വ്യാജേന മെഡിക്കല്‍ കോളേജ് ആശുപത്രിയില്‍ കയറി രോഗിയെ ചികിത്സിച്ച് തട്ടിപ്പുനടത്തിയ യുവാവ് പിടിയില്‍. പൂന്തുറ മാണിക്യവിളാകം സ്വദേശി നിഖിലിനെ(22)യാണ് ആശുപത്രി ജീവനക്കാര്‍ പിടികൂടി പോലീസില്‍ ഏല്‍പ്പിച്ചത്.

തിരുവനന്തപുരം മെഡിക്കൽ കോളേജിലെ ഒന്നാം വാർഡിൽ കാലിനു പരിക്കുപറ്റി ചികിത്സയിലായിരുന്ന വിഴിഞ്ഞം സ്വദേശി റിനുവിനെയാണ് നിഖിൽ കബളിപ്പിച്ചത്. ഒരു വർഷം മുൻപ് മെഡിക്കൽ കോളേജിൽ വെച്ച് തന്നെയാണ് ഡോക്ടർ എന്ന വ്യാജേന റിനുവിന്‍റെ സഹോദരനെ നിഖിൽ പരിചയപ്പെടുന്നത്. ഈ പരിചയം നിഖിലിനെ ഇവരുടെ കുടുംബ സുഹൃത്താക്കി മാറ്റി. നേരത്തേയുള്ള പരിചയം മുതലെടുത്ത് റിനുവിനു കൂട്ടിരിക്കാനെന്ന പേരില്‍ പത്തു ദിവസമാണ് ഇയാള്‍ സ്റ്റെതസ്‌കോപ്പ് ധരിച്ച് ആശുപത്രിയില്‍ കഴിഞ്ഞത്.

മാരകമായ രോഗങ്ങളുണ്ടെന്നു പറഞ്ഞു ഭയപ്പെടുത്തി മരുന്നിനും പരിശോധനകള്‍ക്കുമായി റിനുവിന്റെ കൈയില്‍നിന്ന് നിഖില്‍ പണവും കൈക്കലാക്കി. റിനുവിന്‍റെ രക്ത സാമ്പിളുകൾ പരിശോധനയ്ക്കായി ലാബിലേക്ക് കൊണ്ടുപോകുന്നത് നിഖിലാണ്. അതിനാൽ തന്നെ റിനു ആശുപത്രിയിൽ നിന്ന് ഡിസ്ചാർജ് ആകാതെ ഇരിക്കാൻ വേണ്ടി നിഖിൽ സാമ്പിളുകളിൽ കൃത്രിമം കാട്ടിയതായി പോലീസ് പറഞ്ഞു. 

പരിശോധന ഫലങ്ങളിൽ വന്ന ആശയകുഴപ്പം ഡോക്ടർമാരെ വലച്ചിരുന്നു. ഇതോടെയാണ് ശനിയാഴ്ച രാവിലെ ഡ്യൂട്ടി ഡോക്ടർ ഡോ. ശ്രീനാഥും മറ്റു ജീവനക്കാരും ചേർന്ന് നിഖിലിനെ പിടികൂടി നടത്തിയ അന്വേഷണത്തിലാണ് ഇയാൾ ഡോക്ടർ അല്ലെന്ന് തെളിഞ്ഞത്. 

തുടർന്ന് പ്രതിയെ മെഡിക്കൽ കോളേജ് പൊലീസിൽ ഏൽപ്പിച്ചു. പ്രതി റിനുവിന്‍റെ കുടുംബത്തിൽ നിന്ന് നാലു ലക്ഷത്തോളം രൂപയും തുടർപഠനത്തിനായി 80,000 രൂപയും തട്ടിയെടുത്തതായി പൊലീസ് പറഞ്ഞു. നിഖിലിനെതിരേ ആൾമാറാട്ടം, വഞ്ചന എന്നീ കുറ്റങ്ങൾ ചുമത്തിയതായി പോലീസ് പറഞ്ഞു. 

Related News

'മിണ്ടാതിരിക്കാന്‍ പറയാന്‍ ഇത് തമ്ബുരാക്കന്മാരുടെ കാലമൊന്നുമ ...
  • 31/12/2024
ശ്രീനാരായണ ഗുരുവിനെ സനാതന ധര്‍മ്മത്തിന്റെ വക്താവാക്കാന്‍ സംഘ ...
  • 31/12/2024
വീട്ടുകാര്‍ കല്യാണത്തിനു പോയി; വീട് കുത്തിത്തുറന്ന് കള്ളൻ, 1 ...
  • 30/12/2024
കണ്ണ് തുറന്നു, കൈ കാലുകള്‍ അനക്കി; ഉമ തോമസിന്റെ ആരോഗ്യ നിലയി ...
  • 30/12/2024
ഉമാ തോമസിന് പരിക്കേറ്റ അപകടം; മൃദംഗ വിഷന്‍ സിഇഒ കസ്റ്റഡിയില് ...
  • 30/12/2024
തൃശൂരില്‍ അരും കൊല; വീട്ടില്‍ കയറി സ്ത്രീയുടെ കഴുത്തറുത്തു; ...
  • 30/12/2024
വിനോദ സഞ്ചാരകേന്ദ്രങ്ങളില്‍ ഡ്രോണ്‍ നിരീക്ഷണം, മൊബൈല്‍ നമ്ബര ...
  • 30/12/2024
കാട്ടാന ആക്രമണം: അമര്‍ ഇലാഹിയുടെ കബറടക്കം ഇന്ന്; വണ്ണപ്പുറം ...
  • 29/12/2024
ഉമ തോമസിന് ഉടന്‍ ശസ്ത്രക്രിയയില്ല; ഐസിയുവില്‍ തുടരുന്നു, സംഘ ...
  • 29/12/2024
ശബരിമലയില്‍ മകരവിളക്ക് തീര്‍ത്ഥാടനം ഇന്നു മുതല്‍
  • 29/12/2024
കൊച്ചി മെട്രോയ്ക്ക് തദ്ദേശ സ്ഥാപന വസ്തു നികുതി വേണ്ട; ഉത്തരവ ...
  • 29/12/2024
പൊലീസ് മേധാവി അവധിയില്‍; എഡിജിപി മനോജ് എബ്രഹാമിന് ചുമതല
  • 29/12/2024