'സാറല്ല, ആരായാലും ന്യായം നോക്കിയേ ഇടപെടൂ': മന്ത്രിയോട് തര്‍ക്കിച്ച സി.ഐയെ സ്ഥലം മാറ്റി

  • 23/08/2022

തിരുവനന്തപുരം: ഭക്ഷ്യ വകുപ്പ് മന്ത്രി ജി ആര്‍ അനിലുമായി വാക്കുതര്‍ക്കത്തിലേര്‍പ്പെട്ട പോലീസ് ഇന്‍സ്‌പെക്ടറെ സ്ഥലം മാറ്റി. പീഡന പരാതിയുമായി ബന്ധപ്പെട്ട് നെടുമങ്ങാട് സ്വദേശിയായ യുവതിയുടെ പരാതിയില്‍ നടപടിയെടുക്കണമെന്നാവശ്യപ്പെട്ട് മന്ത്രി വട്ടപ്പാറ സിഐ ഗിരിലാലിനെ വിളിച്ചപ്പോഴാണ് വാക്കേറ്റമുണ്ടായത്. ഇതിന്റെ ഓഡിയോ പുറത്തുവന്നിട്ടുണ്ട്.

ന്യായം നോക്കി ഇടപെടുമെന്ന് പൊലീസ് ഉദ്യോഗസ്ഥന്‍ പറഞ്ഞതാണ് മന്ത്രിയെ ചൊടിപ്പിച്ചത്. ഇതോടെ ഇരുവരും വാക്കേറ്റത്തിലായി. സാറല്ല ആര് വന്ന് പറഞ്ഞാലും ന്യായം നോക്കിയേ ഇടപെടൂവെന്ന് സി.ഐ പറഞ്ഞു. പരാതി കേട്ടയുടന്‍ ആളെ തൂക്കിയെടുത്ത് കൊണ്ടുവരികയല്ലേ വേണ്ടതെന്ന് മന്ത്രി ചോദിക്കുന്നുണ്ട്. തുടര്‍ന്നാണ് അങ്ങനെയൊന്നും പറ്റില്ലെന്നും ഞങ്ങളെയൊന്നും സംരക്ഷിക്കാന്‍ ആരുമില്ലെന്നും ന്യായം നോക്കിയേ ഇടപെടുകയുള്ളൂവെന്നും പൊലീസുകാരന്‍ പറഞ്ഞത്.

രണ്ടാം ഭര്‍ത്താവിനെതിരേ ആയിരുന്നു സ്ത്രീ മന്ത്രിയോട് പരാതി പറഞ്ഞത്. തുടര്‍ന്ന് മന്ത്രി സി.ഐയെ നേരിട്ട് വിളിക്കുകയായിരുന്നു. ഓഡിയോ പുറത്തെത്തുകയും വിവാദമാകുകയും ചെയ്ത പശ്ചാത്തലത്തില്‍ സിഐയ്‌ക്കെതിരെ ഉന്നത പൊലീസ് ഉദ്യോഗസ്ഥരുടെ അടുത്ത് പരാതി എത്തിയിട്ടുണ്ട്. സംഭവത്തില്‍ മന്ത്രി ജി ആര്‍ അനില്‍ ഔദ്യോഗികമായി പരാതി നല്‍കിയിട്ടില്ല. യുവതിയുടെ പരാതിയില്‍ പൊലീസ് നിലവില്‍ അന്വേഷണം ആരംഭിച്ചിട്ടുണ്ട്.

Related News

സാന്‍റിയാഗോ മാര്‍ട്ടിന്‍റെ വീട്ടിലെയും ഓഫീസുകളിലെയും റെയ്ഡ്; ...
  • 18/11/2024
സിപിഎം ഏരിയ സമ്മേളനത്തില്‍ ഇപി ജയരാജനും പി പി ദിവ്യക്കും വിമ ...
  • 18/11/2024
കുട്ടികള്‍ക്ക് പോലും തെറ്റായ സന്ദേശം നല്‍കുന്നു; സീരിയലുകള്‍ ...
  • 18/11/2024
അടിക്കടി ഉരുള്‍പൊട്ടല്‍, കായല്‍ മലിനീകരണം; വിനോദ സഞ്ചാരികള്‍ ...
  • 18/11/2024
മുനമ്ബം; മുസ്ലീം ലീഗ് നേതാക്കള്‍ ലത്തീന്‍സഭാ നേതൃത്വത്തെ കണ് ...
  • 18/11/2024
പാലക്കാട് ആവേശ കൊടുങ്കാറ്റ്, പരസ്യപ്രചാരണത്തിന് കൊട്ടിക്കലാശ ...
  • 18/11/2024
'മകള്‍ ജീവനൊടുക്കില്ല': നഴ്സിങ് വിദ്യാര്‍ഥിനിയുടെ മരണത്തില്‍ ...
  • 18/11/2024
പാലക്കാട് പരസ്യ പ്രചാരണത്തിന് ഇന്ന് സമാപനം; കൊട്ടിക്കലാശം ഗം ...
  • 17/11/2024
മണിക്കൂറില്‍ 15 മില്ലിമീറ്റര്‍ വരെ മഴയ്ക്ക് സാധ്യത; ഇടിമിന്ന ...
  • 17/11/2024
ഇരട്ടവോട്ടുകള്‍ ഉടൻ നീക്കണം; എല്‍ഡിഎഫിന്റെ പാലക്കാട് കലക്ടറേ ...
  • 17/11/2024
സീപ്ലെയിൻ പദ്ധതിക്കെതിരെ മത്സ്യത്തൊഴിലാളികള്‍ സമരത്തിന്; ആലപ ...
  • 16/11/2024
നാല് മണിക്കൂര്‍ നീണ്ട തിരച്ചില്‍, ചതുപ്പില്‍ ഒളിച്ചിരുന്ന കു ...
  • 16/11/2024