രാഹുല്‍ ഗാന്ധിയെ സ്വകാര്യ ആശുപത്രിയുടെ പരസ്യത്തിന് ഉപയോഗിക്കാന്‍ ഡി.സി.സി പ്രസിഡന്റ് ശ്രമിച്ചെന്ന് ആരോപണം

  • 12/09/2022

തിരുവനന്തപുരം:  നെയ്യാറ്റിന്‍കരയിലെ സ്വകാര്യ ആശുപത്രിപരിസരത്തെ സ്വാതന്ത്ര്യ സമരസേനാനികളുടെ സ്മൃതി മണ്ഡപം ഉദ്ഘാടനം ചെയ്യാന്‍ രാഹുല്‍ ഗാന്ധി എത്താതിരുന്നത് ഫണ്ട് പിരിവ് വിവാദം മൂലമെന്നാരോപണം. സ്വകാര്യ ആശുപത്രിയുടെ പരസ്യമെന്ന നിലയില്‍ രാഹുല്‍ ഗാന്ധിയെ എത്തിക്കാനായിരുന്നു നീക്കം. ഇതിനായി ഡി സി സി പ്രസിഡന്റ് പാലോട് രവി സ്വകാര്യ ആശുപത്രിയധികൃതരില്‍ നിന്ന് പണം വാങ്ങിയെന്നുള്ള പരാതി ചില കോണ്‍ഗ്രസ് നേതാക്കളില്‍ നിന്ന് രാഹുല്‍ ഗാന്ധിക്ക് ലഭിച്ചിരുന്നു.

ആശുപത്രി കോമ്പൗണ്ടിനകത്താണ് ഉടമ സ്വാതന്ത്ര്യ സമരസേനാനികളുടെ സ്മൃതി മണ്ഡപം പണിതത്. ഇത് ഉദ്ഘാടനം ചെയ്യുന്നതിനായി രാഹുല്‍ ഗാന്ധിയെ കൊണ്ടുവരുന്നതിന് ഡി സി സി പ്രസിഡന്റ് പണം പിരിച്ചുവെന്നാണ് ആരോപണം. ഉദ്ഘാടന പരിപാടി ആശുപത്രി സ്പോണ്‍സേര്‍ഡ് ആണെന്ന് ആരോപണം ഉയര്‍ന്നതിനെത്തുടര്‍ന്നാണ് രാഹുല്‍ ഗാന്ധി പരിപാടിയില്‍ നിന്നും പിന്‍മാറിയത്. ആശുപത്രി ഈ സ്മാരകം തങ്ങളുടെ കൊമ്പൗണ്ടില്‍ പണിതത് പരസ്യത്തിന് വേണ്ടിയാണെന്ന് ഒരു വിഭാഗം കോണ്‍ഗ്രസുകാര്‍ തന്നെ പറയുന്നു. പണം പിരിച്ചതില്‍ കെ സുധാകരന്‍ തന്റെ അനിഷ്ടം പരസ്യമായി പ്രകടിപ്പിച്ചിരുന്നു.


ഡി സി സി പ്രസിഡന്റ് പാലോട് രവിയെ മാറ്റണമെന്ന് സംസ്ഥാനത്തിന്റെ ചുമതലയുള്ള എ ഐ സിസി സെക്രട്ടറിമാര്‍ ആവശ്യപ്പെട്ടുവെന്നും പറപ്പെടുന്നു. ഭാരത് ജോഡോ യാത്ര ഞായറാഴ്ച കടന്നുപോകുമ്പോള്‍ സ്മൃതി മണ്ഡപം ഉദ്ഘാടനം ചെയ്യുമെന്നായിരുന്നു അറിയിച്ചിരുന്നത്. ചടങ്ങിനായി എല്ലാവരും എത്തിയതിന് ശേഷം രാഹുല്‍ പങ്കെടുക്കില്ലെന്ന് കെ സുധാകരന്‍ അറിയിക്കുകയായിരുന്നു. എന്നാല്‍ രാഹുല്‍ ഗാന്ധിയുടെ തീരുമാനം വിശ്വാസ്യതയെ നശിപ്പിക്കുന്നതാണെന്നും മഹാമോശമായി പോയെന്നും ശശി തരൂര്‍ എംപി വിമര്‍ശിച്ചിരുന്നു. ഗാന്ധിയന്‍ ഗോപിനാഥന്‍നായരുടെയും കെ ഇ മാമന്റെയും ബന്ധുക്കളും, യുഡിഎഫ് കണ്‍വീനര്‍ എം എം ഹസനും ശശി തരൂരും അടക്കമുള്ള നേതാക്കളും ചടങ്ങിനെത്തിയിരുന്നു.

Related News

പാലക്കാട് പരസ്യ പ്രചാരണത്തിന് ഇന്ന് സമാപനം; കൊട്ടിക്കലാശം ഗം ...
  • 17/11/2024
മണിക്കൂറില്‍ 15 മില്ലിമീറ്റര്‍ വരെ മഴയ്ക്ക് സാധ്യത; ഇടിമിന്ന ...
  • 17/11/2024
ഇരട്ടവോട്ടുകള്‍ ഉടൻ നീക്കണം; എല്‍ഡിഎഫിന്റെ പാലക്കാട് കലക്ടറേ ...
  • 17/11/2024
സീപ്ലെയിൻ പദ്ധതിക്കെതിരെ മത്സ്യത്തൊഴിലാളികള്‍ സമരത്തിന്; ആലപ ...
  • 16/11/2024
നാല് മണിക്കൂര്‍ നീണ്ട തിരച്ചില്‍, ചതുപ്പില്‍ ഒളിച്ചിരുന്ന കു ...
  • 16/11/2024
അവസാന വേഷമെന്ന് അറിഞ്ഞില്ല, കാണികളെ ആര്‍ത്തു ചിരിപ്പിച്ച്‌ അ ...
  • 16/11/2024
'സന്ദീപ് വാര്യര്‍ കോണ്‍ഗ്രസില്‍ നീണാള്‍ വാഴട്ടെ'; ആശംസിച്ച്‌ ...
  • 16/11/2024
സംസ്ഥാനത്തെ ഭരണ രംഗത്ത് ഇനി മുതല്‍ 'ടിയാരി' വേണ്ട; സര്‍ക്കുല ...
  • 16/11/2024
സന്ദീപ് വാര്യ‍ര്‍ ഇനി കോണ്‍ഗ്രസുകാരൻ; 'സ്നേഹത്തിന്റെ കടയില്‍ ...
  • 16/11/2024
മുസ്ലിം ലീഗും യുഡിഎഫും സര്‍ക്കാരിനൊപ്പമുണ്ട്, വയനാടിന് ആവശ്യ ...
  • 15/11/2024
അഞ്ച് മാസത്തെ കാത്തിരിപ്പ്, ശക്തന്‍ പ്രതിമ പുനഃസ്ഥാപിച്ചു
  • 15/11/2024
ഏഴാം ക്ലാസ് തുല്യതാ പരീക്ഷ പാസായി ഇന്ദ്രന്‍സ്; അഭിനന്ദിച്ച്‌ ...
  • 15/11/2024