യുവനടി ഫ്‌ളാറ്റില്‍ മരിച്ച നിലയിൽ; പ്രണയ പരാജയമെന്ന് സംശയം

  • 18/09/2022

ചെന്നൈ: തമിഴിലെ അറിയപ്പെടുന്ന യുവനടി ദീപ ഫ്‌ളാറ്റില്‍ മരിച്ച നിലയിൽ. ഇന്ന് ഉച്ചയോടെയാണ് യുവതിയെ ചെന്നൈയിലെ അപ്പാര്‍ട്ടുമെന്റില്‍ തൂങ്ങിമരിച്ച നിലയില്‍ കണ്ടെത്തിയത്. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം. പ്രണയ പരാജയത്തെ തുടര്‍ന്നാകാം ആത്മഹത്യ ചെയ്തതെന്നാണ് സംശയം.

29 കാരിയായ ദീപ ഇതിനോടകം നിരവധി തമിഴ് സിനിമകളില്‍ അഭിനയിച്ചിട്ടുണ്ട്. ചെന്നൈ വിരുഗമ്ബാക്കത്തുള്ള സ്വകാര്യ ഫ്ളാറ്റിലാണ് ദീപ താമസിച്ചിരുന്നത്. വിരുഗമ്ബാക്കത്തെ സ്വകാര്യ അപ്പാര്‍ട്ട്മെന്റില്‍ ദീപ തനിച്ചാണ് താമസിക്കുന്നതെന്നാണ് വിവരം. ഇന്ന് ഉച്ചയോടെ മുറിയില്‍ ദുപ്പട്ട കൊണ്ട് തൂങ്ങി മരിച്ച നിലയിലാണ് ദീപയെ കണ്ടെത്തിയത്. വീട്ടുകാര്‍ നടിയുടെ മൊബൈലിലേക്ക് വിളിച്ചിട്ടും എടുക്കാതെയായതോടെയാണ് കുടുംബാംഗങ്ങള്‍ ദീപയുടെ സുഹൃത്തിനെ വിവരം അറിയിച്ചത്. സുഹൃത്ത് അപ്പാര്‍ട്ട്‌മെന്റില്‍ എത്തിയപ്പോഴാണ് ദീപയെ മരിച്ച നിലയില്‍ കണ്ടെത്തിയത്.

നടി ദീപ വര്‍ഷങ്ങളായി വീട്ടില്‍ നിന്ന് മാറി ഒറ്റയ്ക്കാണ് അപ്പാര്‍ട്ട്മെന്റില്‍ താമസിച്ചിരുന്നത്. അടുത്തകാലത്തായി ഇവര്‍ കടുത്ത മാനസിക സമ്മര്‍ദ്ദത്തിലായിരുന്നുവെന്നാണ് സൂചന. പ്രണയ പരാജയത്തെ തുടര്‍ന്നാകാം ആത്മഹത്യ ചെയ്തതെന്നും സംശയിക്കുന്നു. ദീപയുടെ അച്ഛനും അമ്മയും വിവാഹത്തിനായി സമ്മര്‍ദ്ദം ചെലുത്തിയിരുന്നതായാണ് അടുത്ത സുഹൃത്തുക്കള്‍ പറയുന്നത്. സമ്മര്‍ദ്ദം താങ്ങാനാവാതെ ആത്മഹത്യ ചെയ്തതായി സംശയിക്കുന്നു. ആത്മഹത്യ ചെയ്യുന്നതിനുമുമ്ബ് ദീപ ആത്മഹത്യകുറിപ്പ് എഴുതിയിരുന്നതായി പറയപ്പെടുന്നു, അത് പൊലീസ് പിടിച്ചെടുത്തിട്ടുണ്ട്.

അതേസമയം ആന്ധ്രയിലുള്ള ബന്ധുക്കള്‍ ചെന്നൈയിലെത്തിയ ശേഷം ദീപയുടെ മൃതദേഹം പോസ്റ്റ്മോര്‍ട്ടം ചെയ്യും. ദീപയുടെ സെല്‍ഫോണും ലാപ്ടോപ്പും പൊലീസ് പിടിച്ചെടുത്തു. ദീപയുടെ മരണകാരണം കണ്ടെത്താന്‍ പൊലീസ് അന്വേഷണം ആരംഭിച്ചിട്ടുണ്ട്. പ്രശസ്ത തമിഴ് നടന്‍ വിശാല്‍ നായകനാകുന്ന തുപ്പരിവാളനില്‍ വേലക്കാരിയുടെ വേഷത്തിലാണ് ദീപ അഭിനയിച്ചത്. ചെറിയ വേഷമാണെങ്കിലും മികച്ച പ്രകടനത്തിലൂടെ അവര്‍ ശ്രദ്ധ നേടി. നാസര്‍ നായകനായ വൈദ എന്ന ചിത്രത്തിലും അവര്‍ പ്രധാന വേഷം ചെയ്തു. നിരവധി ടിവി ഷോകളിലും ദീപ പ്രത്യക്ഷപ്പെട്ടിട്ടുണ്ട്.

(ആത്മഹത്യ ഒന്നിനും പരിഹാരമല്ല. ഇത്തരം ചിന്തകൾ മനസിലേക്ക് വരുമ്പോൾ തനിച്ചിരിക്കുന്നത് ഒഴിവാക്കുകയും സുഹൃത്തുക്കളെയോ ബന്ധുക്കളെയോ വിളിച്ച് സംസാരിക്കുകയും ചെയ്യുക. ആവശ്യമെങ്കില്‍ മാനസികാരോഗ്യ വിദഗ്ധരുടെ സഹായം തേടുക.)

Related News

ട്രംപിന്റെ വിജയം: അദാനിയുടെ കണ്ണുകള്‍ യുഎസിലേക്ക്, വൻ നിക്ഷേ ...
  • 14/11/2024
'ഞെട്ടിക്കുന്ന അനീതി, കേന്ദ്ര സര്‍ക്കാര്‍ രാഷ്ട്രീയം കളിക്കു ...
  • 14/11/2024
193 പേരുമായി പറക്കുന്നതിനിടെ യാത്രക്കാരന്റെ സംശയം; ഇന്റിഗോ വ ...
  • 14/11/2024
ജന്‍ജാതീയ ഗൗരവ് ദിവസ് നവംബര്‍ 15ന്; മോദി ഉദ്ഘാടനം ചെയ്യും
  • 13/11/2024
ഝാര്‍ഖണ്ഡ് പോളിങ് ബൂത്തില്‍, ആദ്യഘട്ടത്തില്‍ ജനവിധി തേടി ചംപ ...
  • 12/11/2024
അറിഞ്ഞുകൊണ്ട് സെക്‌സിന് സമ്മതം നല്‍കിയാല്‍ വിവാഹവാഗ്ദാന പീഡന ...
  • 12/11/2024
സിദ്ദിഖിന്റെ മുന്‍കൂര്‍ ജാമ്യാപേക്ഷ അടുത്തയാഴ്ചയിലേക്കു മാറ് ...
  • 12/11/2024
വിസ്താരയ്ക്ക് വികാരപരമായ യാത്രയയപ്പ്; അവസാന വിമാനങ്ങള്‍ക്ക് ...
  • 11/11/2024
ഹൈവേയിലൂടെ പോകവേ കണ്ടെയ്നറിനെ വിഴുങ്ങി തീജ്വാലകള്‍, പ്രദേശത് ...
  • 10/11/2024
ഡ്രൈവര്‍ ഉറങ്ങിപ്പോയി, നിര്‍ത്തിയിട്ടിരുന്ന ട്രക്കിലേക്ക് കാ ...
  • 10/11/2024
ശസ്ത്രക്രിയയ്ക്ക് പോയ ദമ്ബതികള്‍ക്ക് വീല്‍ ചെയര്‍ പോലും നല്‍ ...
  • 10/11/2024
ഭാര്യയേയും മകനേയും കൊലപ്പെടുത്തിയ ശേഷം ബാങ്ക് ജീവനക്കാരനായ 3 ...
  • 10/11/2024