ഓസ്‌ട്രേലിയക്കെതിരായ ടി-20 പരമ്പര സ്വന്തമാക്കി ഇന്ത്യ

  • 26/09/2022

ഹൈദരാബാദ്: ഓസ്‌ട്രേലിയയ്‌ക്കെതിരായ ടി-20 പരമ്പരയില്‍ ഇന്ത്യ ജേതാക്കളായി. മൂന്നാമത്തെയും അവസാനത്തെയും മത്സരത്തില്‍ ആറ് വിക്കറ്റിനാണ് വിജയം. ഓസ്‌ട്രേലിയ 186/7, ഇന്ത്യ 187/4. ഓസ്‌ട്രേലിയ ഉയര്‍ത്തിയ 187 റണ്‍സ് വിജയലക്ഷ്യം ഒരു പന്തു ബാക്കിനില്‍ക്കെയാണ് ഇന്ത്യ മറികടന്നത്. 

സൂര്യകുമാര്‍ യാദവ് (36 പന്തില്‍ 69), വിരാട് കോലി (48 പന്തില്‍ 63) എന്നിവരുടെ അര്‍ധസെഞ്ചറിയാണ് ഇന്ത്യയെ വിജയത്തിലെത്തിച്ചത്. അവസാന ഓവറുകളില്‍ ഹാര്‍ദിക് പാണ്ഡ്യയും (16 പന്തില്‍ 25*) മികച്ച പിന്തുണ നല്‍കി. അവസാന ഓവറുകളില്‍ ഹാര്‍ദിക് പാണ്ഡ്യയും (16 പന്തില്‍ 25*) മികച്ച പിന്തുണ നല്‍കി.അവസാന ഓവറില്‍ 11 റണ്‍സാണ് വിജയത്തിനായി ഇന്ത്യയ്ക്ക് വേണ്ടിയിരുന്നത്. ആദ്യ പന്തില്‍ തന്നെ സിക്‌സര്‍ പറത്തി കോലി ആവേശമുയര്‍ത്തി. പക്ഷേ തൊട്ടടുത്ത പന്തില്‍ ഫിഞ്ചിനു ക്യാച്ച് നല്‍കി കോലി മടങ്ങി. ജയത്തില്‍ പിന്നെ വേണ്ടത് നാല് പന്തില്‍ അഞ്ച് റണ്‍സ്. പിന്നാലെ ക്രീസിലെത്തിയ ദിനേഷ് കാര്‍ത്തിക് ആദ്യ പന്തില്‍ സിംഗിള്‍ നേടി സ്‌ട്രൈക് ഹാര്‍ദിക്കിന് കൈമാറി. ഇനി വേണ്ടത് 3 പന്തില്‍ 4 റണ്‍സ്. തൊട്ടടുത്ത പന്ത് ഡോട്ട് ബോളായതോടെ സമ്മര്‍ദമേറി. എന്നാല്‍ അഞ്ചാം പന്ത് യോര്‍ക്കര്‍ എറിയാനുള്ള ഡാനിയല്‍ സാംസിന്റെ ശ്രമം പാളി പന്ത് ബൗണ്ടറി കടന്നതോടെ ഇന്ത്യയ്ക്ക് ആവേശ ജയം.

ആദ്യം ബാറ്റ് ചെയ്ത ഓസ്‌ട്രേലിയ, നിശ്ചിത 20 ഓവറില്‍ ഏഴു വിക്കറ്റ് നഷ്ടത്തിലാണ് 186 റണ്‍സ് എടുത്തത്. അര്‍ധസെഞ്ചറി നേടിയ ടിം ഡേവിഡ് (27 പന്തില്‍ 54), ഓപ്പണര്‍ കാമറൂണ്‍ ഗ്രീന്‍ (21 പന്തില്‍ 52) എന്നിവരുടെ ബാറ്റിങ് മികവിലാണ് ഓസീസ് ഉയര്‍ന്ന സ്‌കോര്‍ നേടിയത്.മറ്റ് ഓസീസ് ബാറ്റര്‍മാരില്‍ ജോഷ് ഇംഗ്ലിസ് (22 പന്തില്‍ 24), ഡാനിയര്‍ സാംസ് (20 പന്തില്‍ 28*) എന്നിവര്‍ മാത്രമാണ് രണ്ടക്കം കടന്നത്. ക്യാപ്റ്റന്‍ ആരോണ്‍ ഫിഞ്ച് (6 പന്തില്‍ 7), സ്റ്റീവന്‍ സ്മിത്ത് (10 പന്തില്‍ 9), ഗ്ലെന്‍ മാക്സ്വെല്‍ (11 പന്തില്‍ 6), മാത്യു വെയ്ഡ് (3 പന്തില്‍ 1), പാറ്റ് കമ്മിന്‍സ് (0*) എന്നിങ്ങനെയാണ് മറ്റു ബാറ്റര്‍മാരുടെ സ്‌കോറുകള്‍.ഇന്ത്യയ്ക്കായി അക്ഷര്‍ പട്ടേല്‍ മൂന്നു വിക്കറ്റും ഭുവനേശ്വര്‍ കുമാര്‍, ഹര്‍ഷല്‍ പട്ടേല്‍, യുസ്വേന്ദ്ര ചെഹല്‍ എന്നിവര്‍ ഓരോ വിക്കറ്റ് വീതവും വീഴ്ത്തി. ജസ്പ്രീത് ബുമ്ര നാല് ഓവറില്‍ 50 റണ്‍സ് വഴങ്ങിയത് ഇന്ത്യയ്ക്ക് പ്രഹരമായി. ബോളര്‍മാരില്‍ ഏറ്റവുമധികം റണ്‍സ് വിട്ടുകൊടുത്ത ബുമ്രയ്ക്ക് വിക്കറ്റൊന്നും നേടാനുമായില്ല.

Related News

ട്രംപിന്റെ വിജയം: അദാനിയുടെ കണ്ണുകള്‍ യുഎസിലേക്ക്, വൻ നിക്ഷേ ...
  • 14/11/2024
'ഞെട്ടിക്കുന്ന അനീതി, കേന്ദ്ര സര്‍ക്കാര്‍ രാഷ്ട്രീയം കളിക്കു ...
  • 14/11/2024
193 പേരുമായി പറക്കുന്നതിനിടെ യാത്രക്കാരന്റെ സംശയം; ഇന്റിഗോ വ ...
  • 14/11/2024
ജന്‍ജാതീയ ഗൗരവ് ദിവസ് നവംബര്‍ 15ന്; മോദി ഉദ്ഘാടനം ചെയ്യും
  • 13/11/2024
ഝാര്‍ഖണ്ഡ് പോളിങ് ബൂത്തില്‍, ആദ്യഘട്ടത്തില്‍ ജനവിധി തേടി ചംപ ...
  • 12/11/2024
അറിഞ്ഞുകൊണ്ട് സെക്‌സിന് സമ്മതം നല്‍കിയാല്‍ വിവാഹവാഗ്ദാന പീഡന ...
  • 12/11/2024
സിദ്ദിഖിന്റെ മുന്‍കൂര്‍ ജാമ്യാപേക്ഷ അടുത്തയാഴ്ചയിലേക്കു മാറ് ...
  • 12/11/2024
വിസ്താരയ്ക്ക് വികാരപരമായ യാത്രയയപ്പ്; അവസാന വിമാനങ്ങള്‍ക്ക് ...
  • 11/11/2024
ഹൈവേയിലൂടെ പോകവേ കണ്ടെയ്നറിനെ വിഴുങ്ങി തീജ്വാലകള്‍, പ്രദേശത് ...
  • 10/11/2024
ഡ്രൈവര്‍ ഉറങ്ങിപ്പോയി, നിര്‍ത്തിയിട്ടിരുന്ന ട്രക്കിലേക്ക് കാ ...
  • 10/11/2024
ശസ്ത്രക്രിയയ്ക്ക് പോയ ദമ്ബതികള്‍ക്ക് വീല്‍ ചെയര്‍ പോലും നല്‍ ...
  • 10/11/2024
ഭാര്യയേയും മകനേയും കൊലപ്പെടുത്തിയ ശേഷം ബാങ്ക് ജീവനക്കാരനായ 3 ...
  • 10/11/2024