കുവൈറ്റ് സിറ്റി: സെപ്റ്റംബർ 27 ഞായറാഴ്ച കുവൈറ്റിൽ രാവും പകലും തുല്യസമയമായിരിക്കുമെന്നും, അതിനുശേഷമുള്ള ദിവസങ്ങളിൽ ശരത്കാലത്തിന്റെ ലക്ഷണങ്ങൾ പ്രകടമായിതുടങ്ങുമെന്നും അൽ-ഉജൈരി സയന്റിഫിക് സെന്റർ അറിയിച്ചു. ഓരോ വർഷവും സെപ്റ്റംബർ 22-ഓടെ വേനൽക്കാലം ജ്യോതിശാസ്ത്രപരമായി അവസാനിക്കുമെന്നും, ഈ സമയത്ത് സൂര്യന്റെ കിരണങ്ങൾ ഭൂമധ്യരേഖയ്ക്ക് ലംബമായി പതിക്കുന്നതിനാൽ രാപ്പകലുകൾ തുല്യമായി മാറുമെന്നും കേന്ദ്രം വ്യക്തമാക്കി. കുവൈറ്റ് ആകാശത്ത് സൂര്യന്റെ കിരണങ്ങളുടെ പതിക്കുന്ന കോൺ 60 ഡിഗ്രിയായി കുറയുന്നതോടെയാണ് വിഷുവം ആരംഭിക്കുന്നത്.
ശരത്കാല വിഷുവത്തോടെ പകൽ സമയങ്ങൾ കുറഞ്ഞുതുടങ്ങുമെന്നും പകലിന്റെ ചെലവിൽ രാത്രിയുടെ ദൈർഘ്യം ക്രമേണ വർദ്ധിച്ചുവരുമെന്നും അധികൃതർ ചൂണ്ടിക്കാണിച്ചു. തുടർന്ന് വസന്തകാലം എത്തുന്നതുവരെ രാത്രികൾ നീണ്ടുനിൽക്കുന്ന സ്ഥിതി ക്രമേണ രൂപപ്പെടും.
