വിഴിഞ്ഞത്തെത്തിയ ആദ്യ കപ്പലിനെ ഔദ്യോഗികമായി സ്വീകരിക്കുന്നതുമായി ബന്ധപ്പെട്ട ചടങ്ങിലേക്ക് വിഴിഞ്ഞം ലത്തീൻ പള്ളി ഇടവക വികാരിയുമായി മന്ത്രി സജി ചെറിയാൻ ചര്‍ച്ച നടത്തി. വികാരി മോണ്‍സിംഗര്‍ നിക്കോളാസ് അടക്കമുള്ളവരെ ചടങ്ങിലേക്ക് ഔദ്യോഗികമായി മന്ത്രി ക്ഷണിച്ചു.
ലത്തീൻ സഭ ഉന്നയിച്ച ആവശ്യങ്ങള്‍ ഉടൻ പരിഗണിക്കാമെന്ന് മന്ത്രി വ്യക്തമാക്കി. ലത്തീൻ സഭ നേതൃത്വം ഉടക്കിട്ട് നില്‍ക്കുമ്ബോഴാണ് മന്ത്രി നേരിട്ട് ഇടവക പള്ളി വികാരിയുമായും ഭാരവാഹികളുമായും ചര്‍ച്ച നടത്തിയത്.
മന്ത്രി ചടങ്ങിലേക്ക് തങ്ങളെ ഔദ്യോഗികമായി ക്ഷണിച്ചുവെന്നും പങ്കെടുക്കണോയെന്ന കാര്യം ആലോചിച്ച്‌ തീരുമാനിക്കുമെന്നും ഇടവക വികാരി പിന്നീട് മാധ്യമങ്ങളോട് പ്രതികരിച്ചു. മന്ത്രിയില്‍ നിന്നും അനുകൂലമായ സമീപനമാണ് ഉണ്ടായത്. തങ്ങള്‍ വികസനത്തിന് എതിരല്ല. എന്നാല്‍ ജനത്തിന്റെ ആവശ്യം പരിഗണിക്കണം.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?