സംസ്ഥാനത്ത് അടുത്ത മണിക്കൂറുകളില്‍ ഒറ്റപ്പെട്ടയിടങ്ങളില്‍ ശക്തമായ മഴയ്ക്ക് സാധ്യതയെന്ന് മുന്നറിയിപ്പ്. തെക്കൻ, മധ്യ കേരളത്തിലാണ് കൂടുതല്‍ മഴ സാധ്യത. പത്തനംതിട്ടയില്‍ യെല്ലോ അലര്‍ട്ട് പ്രഖ്യാപിച്ചിരിക്കുകയാണ്. ഇടിമിന്നലോട് കൂടിയ മഴ പ്രതീക്ഷിക്കാം.
തെക്കൻ തമിഴ്നാടിന് മുകളിലായി ഒരു ചക്രവാതച്ചുഴി നിലനില്‍ക്കുന്നുണ്ട്. തെക്ക്-പടിഞ്ഞാറൻ ബംഗാള്‍ ഉള്‍ക്കടലില്‍ മറ്റൊരു ചക്രവാതച്ചുഴിയും നിലനില്‍ക്കുന്നുണ്ട്. ഞായര്‍, തിങ്കള്‍ ദിവസങ്ങളില്‍ സംസ്ഥാനത്ത് മഴ കനത്തേക്കുമെന്നാണ് റിപ്പോര്‍ട്ട്.
കൊച്ചിയില്‍ പെയ്ത കനത്ത മഴയെ തുടര്‍ന്ന് എറണാകുളം അങ്കമാലി മാര്‍ക്കറ്റ് റോഡ് മുങ്ങി. നാല് കടകളില്‍ വെള്ളം കയറി. ഗതാഗതം തടസപ്പെട്ടു. വൈകിട്ട് 5 മണിയോടെയാണ് മഴ തുടങ്ങിയത്. ശക്തമായ കാറ്റില്‍ ബേക്കറി കടയുടെ മേല്‍ക്കൂര കാറിനു മുകളിലേക്കു വീണു. സിവിആര്‍ ട്രേഡ് സെന്ററില്‍ പ്രവര്‍ത്തിക്കുന്ന കടയുടെ മേല്‍കൂരയാണ് തകര്‍ന്നത്. സമീപത്തു പാര്‍ക്ക് ചെയ്തിരുന്ന ബൈക്കുകള്‍ക്കും നാശനഷ്ടം സംഭവിച്ചിട്ടുണ്ട്. കടയിലെ സെക്യൂരിറ്റി ജീവനക്കാരൻ തലനാരിഴയ്ക്കാണ് രക്ഷപ്പെട്ടത്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?