ബസിന് മുമ്ബില്‍ അഭ്യാസപ്രകടനവുമായി സ്കൂട്ടര്‍ യാത്രികൻ. കോഴിക്കോട് മീഞ്ചന്തയിലാണ് സംഭവം. കല്ലായി സ്വദേശി ഫര്‍ഹാനാണ് അഭ്യാസപ്രകടനം നടത്തിയത്. ഇയാള്‍ക്കെതിരെ പൊലീസ് കേസെടുത്തിട്ടുണ്ട്. മദ്യലഹരിയിലാണ് ഫര്‍ഹാൻ സ്കൂട്ടറോടിച്ചത്.
അപകടകരമായ ഡ്രൈവിംഗിനും മദ്യപിച്ച്‌ വാഹനം ഓടിച്ചതിനും ഇയാള്‍ക്കെതിരെ കേസെടുത്തിട്ടുണ്ട്. ഫര്‍ഹാന്റെ ലൈസൻസ് സസ്‌പെൻഡ് ചെയ്യുമെന്ന് മോട്ടോര്‍ വാഹന വകുപ്പ് അറിയിച്ചു.
കഴിഞ്ഞ ദിവസം യുവാക്കള്‍ ചേര്‍ന്ന് കെഎസ്‌ആര്‍ടിസി ബസിന് യാത്രാതടസം ഉണ്ടാക്കുകയും റോഡില്‍ പോര്‍വിളി നടത്തുകയും ചെയ്ത സംഭവം ഉണ്ടായി. രാത്രി ആയിരുന്നതിനാല്‍ മുഖം തിരിച്ചറിയാൻ കഴിഞ്ഞിരുന്നില്ല. ഇതിനാല്‍ അജ്ഞാതര്‍ എന്ന തരത്തിലാണ് കേസെടുത്തിരിക്കുന്നത്. യുവാക്കള്‍ സഞ്ചരിച്ചിരുന്ന കെ എല്‍-01-എസ്- 3510 ടൊയോട്ടാ ക്വാളിസ് കാറും കസ്റ്റഡിയിലെടുത്തു. നിലവില്‍ പ്രതികള്‍ ഒളിവിലാണ്.
സംഭവത്തിന്റെ വീഡിയോ പുറത്തു വന്നിരുന്നു. കേശവദാസപുരത്തിന് സമീപത്ത് വച്ചാണ് യുവാക്കള്‍ ബസ് കടന്നു പോകാൻ അനുവദിക്കാതെ ഭീകരാന്തരീക്ഷം സൃഷ്ടിച്ചത്. ബസിന് കുറുകെ കാറോടിച്ച്‌ പല പ്രാവശ്യം തടസം സൃഷ്ടിക്കുകയും ഇടക്കിടെ സഡൻ ബ്രേക്കിടുകയും ചെയ്യുന്നത് വീഡിയോയില്‍ കാണാം. മല്ലപ്പള്ളിയില്‍ നിന്ന് പത്തനംതിട്ട വഴി തിരുവനന്തപുരത്തേയ്‌ക്ക് വരികയായിരുന്നു ബസ്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?