കോഴിക്കോട് മുഖ്യമന്ത്രി പിണറായി വിജയനെതിരെ കരിങ്കൊടി പ്രതിഷേധം. തിരുവങ്ങൂരിലാണ് യൂത്ത് കോണ്‍ഗ്രസ് പ്രവര്‍ത്തകര്‍ കരിങ്കൊടി കാണിച്ച്‌ പ്രതിഷേധിച്ചത്. യൂത്ത് കോണ്‍ഗ്രസ് നിയോജക മണ്ഡലം പ്രസിഡന്‍റ് തൻഹീര്‍ കൊല്ലം, ജില്ലാ ജനറല്‍ സെക്രട്ടറി എം കെ ,സായീഷ്, എ കെ ജാനിബ് , ഷഫീര്‍ വെങ്ങളം, ഷംനാസ്, കെ എം ആദര്‍ശ്, ഷെനസ് എന്നിവരുടെ നേതൃത്വത്തിലായിരുന്നു പ്രതിഷേധം. കരിങ്കൊടി കാണിച്ച ഇവരെ കൊയിലാണ്ടി പൊലീസ് അറസ്റ്റ് ചെയ്തുനീക്കുകയായിരുന്നു.
ഇന്നലെ രാത്രിയിലും കോഴിക്കോട് യൂത്ത് കോണ്‍ഗ്രസ്, കെ എസ് യു പ്രവര്‍ത്തകര്‍ മുഖ്യമന്ത്രിക്കുനേരെ കരിങ്കൊടികാണിച്ച്‌ പ്രതിഷേധിച്ചിരുന്നു. വടകരയിലെ നവ കേരള സദസ്സ് പരിപാടി കഴിഞ്ഞ് മടങ്ങിവരും വഴി കോഴിക്കോട് വെങ്ങാലിയില്‍ വെച്ച്‌ കരിങ്കൊടി വീശിയത്.
കോഴിക്കോട് നവകേരള സദസ്സിനെതിരെ ഇന്നും വിവിധ പ്രതിപക്ഷ സംഘടനകളുടെ പ്രതിഷേധമുണ്ടായി. കോഴിക്കോട് എരഞ്ഞിപ്പാലത്ത് മുഖ്യമന്ത്രിയെ കരിങ്കൊടി കാണിക്കാനെത്തിയ കെഎസ്‍യു ജില്ലാ പ്രസിഡൻ്റ് വി.ടി. സൂരജ് ഉള്‍പ്പെടെയുള്ള പ്രവര്‍ത്തകരെ പൊലീസ് അറസ്റ്റ് ചെയ്ത് നീക്കി. കെഎസ്‍യു സംസ്ഥാന എക്സിക്യുട്ടീവ് അംഗം റനീഫ് മുണ്ടോത്ത്, യൂത്ത് കോണ്‍ഗ്രസ് ഉള്ളിയേരി മണ്ഡലം ഭാരവാഹികളായ അൻവര്‍ ചിറക്കല്‍, അനഫി ഉള്ളൂര്‍ എന്നിവരെ അത്തോളി പൊലീസ് കരുതല്‍ കസ്റ്റഡിയില്‍ എടുത്തു. പ്രഭാതയോഗം നടന്ന വേദിയിലേക്ക് കെഎസ്‍ആര്‍ടിസിയിലെ ഐഎൻടിയുസി പ്രവര്‍ത്തകരും മാര്‍ച്ച്‌ നടത്തിയിരുന്നു. ഇവരെ പൊലീസ് അറസ്റ്റ് ചെയ്ത് നീക്കി.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?