2036ഓടെ ഇന്ത്യയിലെ ജനസംഖ്യ 152.2 കോടി ആകുമെന്ന് കേന്ദ്ര സ്റ്റാറ്റിസ്റ്റിക്‌സ് മന്ത്രാലയത്തിന്റെ വിമൻ ആന്റ് മെൻ ഇന്ത്യ 2023 റിപ്പോർട്ട്. 2011 ഫെബ്രുവരിയിലെ ദേശീയ സെൻസസ് പ്രകാരം രാജ്യത്തെ ജനസംഖ്യ 121, 08,54,977 കോടിയായിരുന്നു.
പുതിയ പഠനമനുസരിച്ച്‌, 2036-ല്‍ ജനസംഖ്യയുടെ 48.8 ശതമാനം സ്ത്രീകളായിരിക്കും. 2011-ല്‍ ഇത് 48.5 ശതമാനമായിരുന്നു. ഇതോടെ സ്ത്രീ-പുരുഷ അനുപാതം 952 ആയി വർധിക്കും. 2011ല്‍ 1000 പുരുഷന്മാർക്ക് 943 സ്ത്രീകള്‍ എന്നായിരുന്നു കണക്ക്.
കൂടാതെ 15 വയസിന് താഴെയുള്ളവരുടെ എണ്ണത്തിലും കുറവ് വരും. പ്രത്യുല്‍പാദനക്ഷമത കുറയുന്നതാണ് ഇതിന്റെകാരണം.60 വയസും അതില്‍ കൂടുതലുമുള്ളവരുടെ അനുപാതം ഈ 25 വർഷത്തിനുള്ളില്‍ വർധിക്കുമെന്നും റിപ്പോർട്ട് വ്യക്തമാക്കുന്നു. അതേസമയം, പൊതുതെരഞ്ഞെടുപ്പില്‍ സ്ത്രീവോട്ടർമാരുടെ പങ്കാളിത്തം കൂടി.2017-18 മുതല്‍ 2022-23 വരെ പുരുഷന്മാരുടെ തൊഴില്‍പങ്കാളത്ത നിരക്ക് 75.8 നിന്ന് 78.5 ആയി വർധിച്ചു. സ്ത്രീകളുടെ തൊഴില്‍ പങ്കാളിത്ത നിരക്ക് 23.3 ല്‍ നിന്ന് 37 ആയും വർധിച്ചിട്ടുണ്ട്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?