പ്രവാസികൾക്ക് ഉൾപ്പെടെ എല്ലാ യാത്രക്കാർക്കും കൈത്താങ്ങായി എയർ അറേബ്യ. ഷാര്‍ജയില്‍ നിന്നും അബുദാബിയില്‍ നിന്നും യാത്ര ചെയ്യുന്ന എല്ലാ യാത്രക്കാര്‍ക്കും സൗജന്യ ആഗോള കൊവിഡ് കവര്‍ ആനൂകൂല്യം എയര്‍ അറേബ്യ പ്രഖ്യാപിച്ചു. മെഡിക്കല്‍ ചെലവുകളും ക്വാറന്‍റൈന്‍ ചെലവും ഉൾപ്പെടെ യാത്ര പുറപ്പെട്ട ദിവസം മുതല്‍ 31 ദിവസത്തേക്ക് ഇതിന്‍റെ പ്രയോജനം ലഭിക്കുകയെന്ന് അധികൃതർ അറിയിച്ചു. അതേസമയം, യാത്രയ്ക്കിടെ കൊവിഡ് പരിശോധനയ്ക്കായി യാത്രക്കാര്‍ക്ക് 24/7 എയര്‍ അറേബ്യ കൊവിഡ് ഗ്ലോബല്‍ അസിസ്റ്റന്‍സ് കവര്‍ ടീമുമായി ബന്ധപ്പെടാമെന്നും അധികൃതർ വ്യക്തമാക്കി. ടിക്കറ്റ് ബുക്ക് ചെയ്യുമ്പോള്‍ തന്നെ കൊവിഡ് കവര്‍ ആനുകൂല്യം ലഭിക്കും. പുതിയ കൊവിഡ് ആഗോള സഹായ കവര്‍ ഉപഭോക്താക്കള്‍ക്ക് കൂടുതല്‍ ആത്മവിശ്വാസവും മനോധൈര്യവും ലഭിക്കുമെന്ന് എയര്‍ അറേബ്യയിലെ ഗ്രൂപ്പ് ചീഫ് എക്സിക്യൂട്ടീവ് ഓഫീസര്‍ അദെല്‍ അല്‍ അലി വ്യക്തമാക്കി.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?