കുവൈറ്റ് സിറ്റി : ഞായറാഴ്ച മുതൽ കുവൈറ്റിലേക്ക് വരുന്ന യാത്രക്കാരുടെ എണ്ണം 1000 ആയി കുറയ്ക്കാനുള്ള പുതിയ സിവിൽ ഏവിയേഷൻ തീരുമാനം, യാത്രക്കാരെയും വിമാന കമ്പനികളെയും ട്രാവൽ ഓപ്പറേറ്റർമാരെയും ഒരുപോലെ ആശയക്കുഴപ്പത്തി ലാക്കുന്നതായി റിപ്പോർട്ടുകൾ. ഈ തീരുമാനം വരും ദിവസങ്ങളിൽ കുവൈറ്റിൽ എത്തുമെന്ന് പ്രതീക്ഷിച്ചിരുന്ന 21000 യാത്രക്കാരെയാണ് ബാധിക്കുന്നത്. തീരുമാനം പ്രാബല്യത്തിൽ വരുന്നതിനു മുൻപ് തന്നെ ടിക്കറ്റ് റിസർവേഷൻ നടത്തിയവരാണ് ഇക്കൂട്ടർ. വെള്ളി,ശനി ദിവസങ്ങളിൽ വിമാന ടിക്കറ്റ് റിസർവേഷന്‌ ആവശ്യക്കാർ ഏറെയായിരുന്നു. ഇത് ടിക്കറ്റ് നിരക്ക് 300 ശതമാനം വരെ വർധിപ്പിക്കാൻ കാരണമായി .കൂടാതെ ഈ രണ്ടു ദിവസങ്ങളിലും ലഭ്യമായ സീറ്റുകൾ മിനിറ്റുകൾക്കുള്ളിൽ വിറ്റുപോയിരുന്നു. വിമാനത്താവളത്തിലെ പ്രവർത്തനങ്ങളെല്ലാം ക്രമേണ പഴയ രീതിയിലേക്ക് കൊണ്ടുവരുന്നതിന്റെ ഭാഗമായിട്ടായിരുന്നു അയ്യായിരത്തിൽ നിന്നും ആയിരത്തിലേക്കുള്ള യാത്രക്കാരുടെ എണ്ണത്തിലെ ഈ വെട്ടിച്ചുരുക്കൽ.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?