ഒമാനിൽ അനധികൃത പണമിടപാട്; വ്യക്തികൾക്കും, സംഘടനകൾക്കും മുന്നറിയിപ്പുമായി സെൻട്രൽ ബാങ്ക്

  • 05/11/2020

ഒമാനിൽ  അനധികൃതമായി പണമിടപാട് നടത്തുന്ന  വ്യക്തികൾക്കും, സംഘടനകൾക്കും സെൻട്രൽ ബാങ്കിന്റെ മുന്നറിയിപ്പ്.  ഒമാൻ സ്വദേശികളും  രാജ്യത്തെ സ്ഥിരതാമസക്കാരായ വിദേശികളും  പണമിടപാടുകൾ നടത്തുമ്പോൾ  ജാഗ്രത പാലിക്കണമെന്നും വിദേശത്തേക്ക് പണമയക്കുവാൻ  രാജ്യത്ത് നിയമപരമായി അനുവാദമില്ലാത്ത മാർഗ്ഗങ്ങൾ സ്വീകരിക്കുന്ന വ്യക്തികളുമായും  സംഘടനകളുമായും ബന്ധപ്പെടരുതെന്നുമാണ്  സെൻട്രൽ ബാങ്കിന്റെ മുന്നറിയിപ്പ്.

നിയമപരമായി അനുവാദമില്ലാത്ത പണമിടപാടുകൾ രാജ്യത്ത് നടത്തുന്നത് നിയമവിരുദ്ധമാണ്, ഇത് ഒമാൻ നിയമപ്രകാരം ക്രിമിനൽ കുറ്റമാണെന്നും  സെൻട്രൽ ബാങ്കിന്റെ പ്രസ്താവനയിൽ പറയുന്നു. ധനസഹായം നൽകുന്ന രണ്ടാം നിര, അല്ലെങ്കിൽ മൊത്തവ്യാപാര  സ്ഥാപനങ്ങളിൽ നിന്നും  ലൈസൻസില്ലാതെ പണം സ്വരൂപിച്ച് കൈമാറ്റം ചെയ്യുന്നതിനെതിരെയും  ഒമാൻ സെൻട്രൽ ബാങ്ക്  മുന്നറിയിപ്പ് നൽകിയിട്ടുണ്ട്.
അനധികൃത പണമിടപാടുകൾ, ഒമാനി ബാങ്കിംഗ്‌ നിയമം, ദേശീയ പേയ്‌മെന്റ് സിസ്റ്റംസ് നിയമം എന്നിവ അനുസരിച്ചു കള്ളപ്പണം വെളുപ്പിക്കൽ, തീവ്രവാദ ധനകാര്യ നിയമം എന്നിവ ലംഘിക്കുന്നതാണ്. ഇതിൽ ഇടപെടുന്ന വ്യക്തികൾ  തടവും പിഴയും ഉൾപ്പെടെ ശിക്ഷയ്ക്ക്  വിധേയരാകേണ്ടിവരുമെന്നും സെൻട്രൽ ബാങ്കിന്റെ അറിയിപ്പിൽ പറയുന്നു.

Related News

ഒമാൻ എയർ തിരുവനന്തപുരത്ത് നിന്ന് മസ്‌കറ്റിലേക്ക് നേരിട്ടുള്ള ...
  • 01/10/2023
അന്തരീക്ഷ താപനില വര്‍ദ്ധിക്കുന്നു: വിഷപ്പാമ്പുകളുടെ സാന്നിദ് ...
  • 15/06/2023
ഒമാനില്‍ കനത്ത മഴയ്ക്കൊപ്പം റോഡിലേക്ക് പാറകള്‍ ഇടിഞ്ഞുവീണു; ...
  • 10/04/2023
മെസിക്ക് മുന്നിൽ വമ്പനൊരു ഓഫർ വെച്ച് ഒമാൻ അഭിഭാഷകൻ
  • 24/12/2022
ലഗേജ് ഭാരം വര്‍ധിപ്പിച്ച് ഗോ ഫസ്റ്റ് എയര്‍ലൈന്‍; പരിമിതകാല ഓ ...
  • 06/11/2022
മസ്‍കറ്റിൽ നിന്ന് തിരുവനന്തപുരത്തേക്ക് പുറപ്പെട്ട എയർ ഇന്ത്യ ...
  • 29/10/2022
ജിസിസി വീസയുള്ളവർക്ക് യാത്ര ലളിതമാക്കി ഒമാൻ; മലയാളികൾക്കും ഗ ...
  • 26/10/2022
ഒമാനില്‍ രാജകീയ ചിഹ്നം വാണിജ്യ ഉത്പന്നങ്ങളില്‍ ഉപയോഗിക്കുന്ന ...
  • 18/10/2022
ഒമാന്‍ സന്ദര്‍ശനത്തിനായി യുഎഇ പ്രസിഡൻ്റ് മസ്‍കത്തിലെത്തി
  • 28/09/2022
ഒമാനിലെ റെസ്‌റ്റോറന്റുകളിലും കഫേകളിലും പരിശോധന; 92 കിലോ പഴകി ...
  • 16/09/2022
മസ്‌കറ്റില്‍ നിന്ന് കേരള സെക്ടറുകളില്‍ ഉള്‍പ്പെടെ എയര്‍ ഇന്ത ...
  • 12/09/2022
ടിക്കറ്റ് നിരക്കിൽ വർധന; ഒമാന്‍ വഴി യാത്ര ചെയ്ത് യുഎഇ പ്രവാസ ...
  • 20/08/2022