ഡല്‍ഹിയില്‍ 46 വര്‍ഷത്തിനിടയിലെ റെക്കോര്‍ഡ്​ മഴ; വിമാനങ്ങള്‍ വെള്ളത്തില്‍

  • 11/09/2021


ന്യൂഡല്‍ഹി: 46 വര്‍ഷത്തിനിടയില്‍ ലഭിച്ച റെക്കോര്‍ഡ്​ മഴയില്‍ വലഞ്ഞ്​ ഡല്‍ഹി. ഇന്ദിരാഗാന്ധി വിമാനത്താവളത്തിന്‍റെ ടെര്‍മിനലിലും റണ്‍വേയിലും വെള്ളം കയറി. നിരവധി വിമാനങ്ങള്‍ വൈകുകയും വഴിതിരിച്ച്‌​ വിടുകയും ചെയ്​തു. റോഡുകളിലും വെള്ളം നിറഞ്ഞതോടെ ഗാതാഗതക്കുരുക്ക്​ രൂക്ഷമായി. 

കനത്ത മഴയെതുടര്‍ന്ന് ഡല്‍ഹിയില്‍ ഓറഞ്ച്​ അലര്‍ട്ട്​ പ്രഖ്യാപിച്ചു. ​വെള്ളിയാഴ്ചയോടെ 1100 മില്ലിമീറ്റര്‍ മഴ ഈ മണ്‍സൂണ്‍ കാലത്ത്​ ലഭിച്ചുകഴിഞ്ഞു. ഇത്രയുമധികം മഴ ഇതിന്​ മുമ്ബ്​ ലഭിക്കുന്നത്​ 1975ലാണ്​. അന്ന്​ 1150 മില്ലിമീറ്ററാണ്​ ലഭിച്ചത്​. സാധാരണഗതിയില്‍ മണ്‍സൂണ്‍ കാലത്ത്​ ശരാശരി 648.9 മില്ലിമീറ്റര്‍ മഴയാണ്​ രേഖപ്പെടുത്താറ്​.

എയര്‍പോര്‍ട്ടില്‍ വെള്ളം കയറിയതിന്‍റെ ദൃശ്യങ്ങള്‍ പുറത്തുവന്നിട്ടുണ്ട്​. നിരവധി വിമാനസര്‍വിസുകളെയാണ്​ മഴ പ്രതികൂലമായി ബാധിച്ചത്​. ഇന്‍ഡിഗോ, സ്‌പൈസ് ജെറ്റ് തുടങ്ങിയ വിമാനക്കമ്ബനികള്‍ തങ്ങളുടെ സര്‍വിസുകള്‍ റീഷെഡ്യൂള്‍ ചെയ്​തതായി അറിയിച്ചു. യാത്രക്കാരോട്​ വിമാനങ്ങളുടെ തല്‍സ്​ഥിതി പരിശോധിക്കാനും നിര്‍ദേശം നല്‍കി. ജയ്​പുര്‍, അഹമ്മദാബാദ്​ എന്നിവിടങ്ങളിലേക്കാണ്​ വിമാനങ്ങള്‍ വഴിതിരിച്ച്‌​ വിട്ടത്​.

അതേസമയം, വിമാനത്താവള ടെര്‍മിനലില്‍ വെള്ളം കയറിയത്​ നീക്കിയെന്ന്​ അധികൃതര്‍ അറിയിച്ചു. ജീവനക്കാര്‍ ഒരുമിച്ച്‌​ ചേര്‍ന്ന്​ വെള്ളം നീക്കുകയായിരുന്നു.

ഡല്‍ഹിയിലും സമീപ പ്രദേശങ്ങളിലും ഇടിമിന്നലോടുകൂടിയ ശക്തമായ മഴക്ക്​ സാധ്യതയുണ്ടെന്ന് ഇന്ത്യന്‍ കാലാവസ്ഥാ വകുപ്പ് പ്രവചിക്കുന്നു. കഴിഞ്ഞദിവസങ്ങളില്‍ ചെറിയ തോതില്‍ മഴ ലഭിച്ചിരുന്നു. ഇത് നഗരത്തിലെ ചൂടിന് ആശ്വാസം നല്‍കി. എന്നാല്‍, വെള്ളിയാഴ്ച മഴ ഏറെനേരം നീണ്ടുനിന്നതോടെയാണ്​ കാര്യങ്ങള്‍ കൈവിട്ടത്​. അടുത്ത 12 മണിക്കൂര്‍ കൂടി മഴ തുടരും.

Related News

വിവസ്ത്രയാക്കി, കൈക്കൂലി ചോദിച്ചു; യുവതിയുടെ ആത്മഹത്യയില്‍ പ ...
  • 25/11/2024
മത്സ്യബന്ധന ബോട്ടിനെ സംശയം, കുതിച്ചെത്തി ഇന്ത്യൻ കോസ്റ്റ് ഗാ ...
  • 25/11/2024
പാര്‍ലമെന്റ് ശീതകാല സമ്മേളനത്തിന് ഇന്ന് തുടക്കം; ഡിസംബര്‍ 20 ...
  • 24/11/2024
'ഈ പോക്ക് ഒരു രാജ്യം ഒരു പാര്‍ട്ടിയിലേയ്ക്ക്'; മഹായുതിയുടെ വ ...
  • 24/11/2024
'പ്രിയങ്ക ഗാന്ധിയുടെ ജയം ജനാധിപത്യത്തിന് നല്ലത്, പാര്‍ലമെന്റ ...
  • 24/11/2024
പാര്‍ലമെന്റിന്റെ ശീതകാല സമ്മേളനത്തിന് നാളെ തുടക്കമാകും; വയനാ ...
  • 23/11/2024
എഫ്‍സിഐ ഗോഡൗണിന്‍റെ തകര്‍ന്ന ജനലിലൂടെ കടന്ന നൂറിലേറെ കുരങ്ങു ...
  • 23/11/2024
'ദിവസം മുഴുവൻ വോട്ടെടുപ്പ് നടന്നിട്ടും ഇവിഎമ്മില്‍ 99% ബാറ്റ ...
  • 23/11/2024
'വഖഫ് സാമൂഹിക നീതിക്കെതിരാണ്, ഭരണഘടനയില്‍ സ്ഥാനമില്ല'; വഖഫിന ...
  • 23/11/2024
മഹായുതി കൊടുങ്കാറ്റില്‍ അടിതെറ്റി അഘാഡി; മഹാരാഷ്ട്ര നിയമസഭയി ...
  • 23/11/2024
അഞ്ച് ദിവസത്തെ വിദേശ സന്ദര്‍ശനത്തിനിടെ പ്രധാനമന്ത്രി നരേന്ദ് ...
  • 22/11/2024
ദേശീയ ഷൂട്ടിംഗ് താരം അടക്കം ദില്ലിയെ വിറപ്പിച്ച ഗോഗി സംഘത്തി ...
  • 21/11/2024