'തന്റെ ജീവിതത്തെ കീഴ്‌മേൽ മറിച്ച സംഭവങ്ങളാണ് ഉണ്ടായത്, വളരെ ബുദ്ധിമുട്ടേറിയ യാത്രയിലാണ് താൻ'; അന്തിമഫലം കാണും വരെ പോരാട്ടം തുടരുമെന്ന് ഭാവന

  • 06/03/2022

താൻ നേരിടേണ്ടിവന്ന അതിക്രമത്തെക്കുറിച്ചും അതിനു ശേഷം നേരിടേണ്ടിവന്ന പ്രതിസന്ധികളെക്കുറിച്ചും തുറന്നു പ്രതികരിച്ച് നടി ഭാവന. വനിതാ ദിനവുമായി ബന്ധപ്പെട്ട് 'വി ദ വിമെൻ ഓഫ് ഏഷ്യ' കൂട്ടായ്മയോടൊപ്പം ചേർന്ന് നടത്തുന്ന 'ഗ്ലോബൽ ടൗൺ ഹാൾ' പരിപാടിയിൽ പങ്കെടുത്താണ് ഭാവനയുടെ പ്രതികരണം. മുതിർന്ന മാധ്യമ പ്രവർത്തക ബർഖ ദത്തിൻറെ ചോദ്യങ്ങൾക്കാണ് ഭാവന മറുപടി പറഞ്ഞത്. തൻറെ ജീവിതത്തെ കീഴ്‌മേൽ മറിച്ച സംഭവങ്ങളാണ് ഉണ്ടായതെന്നും വളരെ ബുദ്ധിമുട്ടേറിയ യാത്രയിലാണ് താനെന്നും ഭാവന പറഞ്ഞു. ഇരയല്ല, അതിജീവിതയാണ് താനെന്ന് അടിവരയിട്ട ഭാവന അന്തിമഫലം കാണും വരെ പോരാട്ടം തുടരുമെന്നും അറിയിച്ചു.

ഭാവനയുടെ പ്രതികരണം

കോടതിയുടെ പരിഗണനയിൽ ആയതിനാൽ കേസിൻറെ വിശദാംശം പറയുന്നില്ല. കോടതിയിൽ 15 ദിവസം പോയി. അഞ്ച് വർഷത്തെ യാത്ര ബുദ്ധിമുട്ട് ഏറിയതായിരുന്നു. ഇരയിൽ നിന്ന് അതിജീവിതയിലേക്കായിരുന്നു ആ യാത്ര. സമൂഹ മാധ്യമങ്ങളിൽ എനിക്കെതിരെ ഉണ്ടായ നെഗറ്റീവ് പ്രചരണം വേദനിപ്പിച്ചു. ചിലർ മുറിവേൽപ്പിക്കുകയും അപവാദ പ്രചരണം നടത്തുകയും ചെയ്തു. ഞാൻ നുണ പറയുകയാണെന്നും ഇത് കള്ളക്കേസ് ആണെന്നുമൊക്കെ പ്രചരണം നടന്നു. ചിലർ കുറ്റപ്പെടുത്തി. 

വ്യക്തിപരമായ തകർന്നുപോയ സന്ദർഭങ്ങൾ ഉണ്ടായിട്ടുണ്ട്. എനിക്ക് ഇത് മതിയായി എന്ന് ഒരു ഘട്ടത്തിൽ സുഹൃത്തുക്കളോട് പറഞ്ഞു. തീർച്ഛയായും കുറേ വ്യക്തികൾ എന്നെ പിന്തുണച്ചു. ഡബ്ല്യുസിസി ധൈര്യം നൽകി. എനിക്കൊപ്പം നിന്നവർക്ക് നന്ദി. ഞാൻ പോരാടും. ചെയ്തത് ശരിയെന്ന് തെളിയിക്കും. എനിക്ക് എൻറെ മാന്യത തിരിച്ചുകിട്ടണം. വ്യക്തിപരമായി ഇപ്പോഴും ഭയത്തിലാണ്. പക്ഷേ അത് എന്തിനെന്ന് കൃത്യമായ ഉത്തരമില്ല. തൊഴിൽ നിഷേധിക്കപ്പെട്ട സാഹചര്യം ഉണ്ടായി. എന്നാൽ കുറച്ചുപേർ അവസരങ്ങൾ വാഗ്ദാനം ചെയ്തു. എന്നാൽ ഞാനത് വേണ്ടെന്നുവച്ചു, ഭാവന പ്രതികരിച്ചു.

തനിക്കെതിരെ നടന്ന ലൈം?ഗിക അതിക്രമത്തെ കുറിച്ച് ഭാവന തുറന്നുപറയുമെന്ന് ബർഖ ദത്ത് ഇന്നലെ അറിയിച്ചിരുന്നു. 'നടി മൗനം വെടിയുന്നു. ഒരു ലൈംഗികാതിക്രമ കേസിൽ കേരളത്തിലെ ഏറ്റവും വലിയ ഒരു സിനിമാ താരത്തെ നേരിടുന്നതെങ്ങനെയെന്ന് അവർ പറയുന്നു.' ബർഖാ ദത്ത് ഇന്നലെ ഇൻസ്റ്റഗ്രാമിൽ കുറിച്ചിരുന്നു. പരിപാടിയുടെ പോസ്റ്റർ 'വി ദ വിമെൻ ഏഷ്യ'യും ഇൻസ്റ്റഗ്രാമിലൂടെ പങ്കുവച്ചിരുന്നു.

Related News

വീണ്ടും ട്രംപ്; വ്യാപാര, നയതന്ത്ര മേഖലകളില്‍ കൂടുതല്‍ സഹകരണം ...
  • 06/11/2024
അമ്മ ബാത്ത്റൂമില്‍ പോയി വന്നപ്പോള്‍ തൊട്ടിലില്‍ കിടന്ന കുഞ്ഞ ...
  • 06/11/2024
കുടുംബാംഗങ്ങള്‍ നേര്‍ക്കുനേര്‍, ഇനിയൊരു മത്സരത്തിനില്ല; രാഷ് ...
  • 05/11/2024
പാര്‍ലമെന്റിന്റെ ശൈത്യകാല സമ്മേളനം നവംബര്‍ 25 മുതല്‍ ഡിസംബര് ...
  • 05/11/2024
ബുള്ളറ്റ് ട്രെയിൻ പദ്ധതിയുടെ ഭാഗമായ പാലം തകര്‍ന്നു; ഗുജറാത്ത ...
  • 05/11/2024
പാലക്കാട് മാത്രമല്ല, ആകെ 14 നിയമസഭാ മണ്ഡലങ്ങളിലെ ഉപതെരഞ്ഞെടു ...
  • 05/11/2024
തെരഞ്ഞെടുപ്പ് പ്രചാരണം ഊര്‍ജിതമാക്കി പാര്‍ട്ടികള്‍; മോദി ഇന് ...
  • 03/11/2024
ഷൊര്‍ണൂര്‍ ട്രെയിൻ അപകടം; മരിച്ചവരുടെ കുടുംബങ്ങളെ ചേര്‍ത്തുപ ...
  • 03/11/2024
'ഇത് ശരിയാകില്ല', കേന്ദ്രമന്ത്രിക്ക് മലയാളത്തില്‍ പ്രതിഷേധ ക ...
  • 03/11/2024
വരും വരും വരും..., കെ റെയിലുമായി ബന്ധപ്പെട്ട് ചോദ്യത്തോട് പ് ...
  • 03/11/2024
ഗോത്രവര്‍ഗക്കാരുടെ പെണ്‍മക്കളെ നുഴഞ്ഞുകയറ്റക്കാര്‍ വശീകരിച്ച ...
  • 03/11/2024
ലാബ് ടെക്നീഷ്യൻ ദീപാവലി ആഘോഷിക്കാൻ പോയി, രോഗിക്ക് യൂട്യൂബ് വ ...
  • 03/11/2024