ഒമാന്‍ വാണിജ്യ മന്ത്രിയുടെ നേതൃത്വത്തിലുള്ള ഉന്നതതല പ്രതിനിധി സംഘം ഇന്ത്യ സന്ദർശിക്കുന്നു

  • 11/05/2022



ദില്ലി: ഒമാനിലെ വാണിജ്യ, വ്യവസായ, നിക്ഷേപ പ്രോത്സാഹന വകുപ്പ് മന്ത്രി ഖായിസ് ബിൻ മുഹമ്മദ് അൽ യൂസഫിന്റെ നേതൃത്വത്തിലുള്ള ഉന്നതതല മൾട്ടി - സെക്ടറൽ പ്രതിനിധി സംഘം ഇന്ത്യ സന്ദർശിക്കുന്നു. 48 അംഗ പ്രതിനിധി സംഘത്തിൽ ആരോഗ്യം, ഫാർമസ്യൂട്ടിക്കൽസ്, ഖനനം, വിനോദസഞ്ചാരം, ടെലികമ്മ്യൂണിക്കേഷൻ, ഊർജ്ജം, ഷിപ്പിംഗ്, റിയൽ എസ്റ്റേറ്റ് തുടങ്ങിയ മേഖലകളിൽ നിന്നുള്ള ബിസിനസ് പ്രതിനിധികളും മുതിർന്ന ഉദ്യോഗസ്ഥരും ഉൾപ്പെടുന്നു.

ബുധനാഴ്‍ച ന്യൂ ഡൽഹിയിൽ നടക്കുന്ന ഇന്ത്യ - ഒമാൻ സംയുക്ത കമ്മീഷൻ യോഗത്തിന്റെ പത്താമത് സെഷനിൽ ഇരുഭാഗത്തു നിന്നുമുള്ള മുതിർന്ന ഉദ്യോഗസ്ഥർ പങ്കെടുക്കും. വാണിജ്യ വ്യവസായ മന്ത്രി പിയുഷ് ഗോയൽ, ഒമാൻ മന്ത്രി ഖായിസ് ബിൻ മുഹമ്മദ് അൽ യൂസഫ് എന്നിവർ യോഗത്തില്‍ അധ്യക്ഷത വഹിക്കും. 2021-2022 സാമ്പത്തിക വർഷത്തിൽ ഇരു രാജ്യങ്ങളും തമ്മിലുള്ള ഉഭയകക്ഷി വ്യാപാരം 82 ശതമാനം വർധിച്ച് 9.94 ബില്യൺ യു.എസ് ഡോളറിലെത്തി നിൽക്കുന്ന ഒരു പ്രധാന സമയത്താണ് ഒമാനി പ്രതിനിധി സംഘത്തിന്റെ സന്ദർശനം.

വ്യാഴാഴ്‍ച ഇന്ത്യ - ഒമാൻ ജോയിന്റ് ബിസിനസ് കൗൺസിലിന്റെ യോഗം FICCIയും ഒമാൻ ചേംബർ ഓഫ് കൊമേഴ്‌സ് ആന്റ് ഇൻഡസ്‍ട്രിയും സംയുക്തമായി സംഘടിപ്പിക്കും.  ഇരു രാജ്യങ്ങളിലെയും മന്ത്രിമാരും യോഗത്തിന് സാക്ഷ്യം വഹിക്കും.  ബി2ബി പരിപാടികൾ, വ്യവസായ മേഖലകൾ തമ്മിലുള്ള ആശയവിനിമയം, നിക്ഷേപക യോഗങ്ങൾ തുടങ്ങി ന്യൂ ഡൽഹിയിലും മുംബൈയിലും ആയി മറ്റ് നിരവധി പരിപാടികൾ ഒമാൻ പ്രതിനിധികൾക്കായി സംഘടിപ്പിക്കുന്നുണ്ട്.

Related News

ഒമാൻ എയർ തിരുവനന്തപുരത്ത് നിന്ന് മസ്‌കറ്റിലേക്ക് നേരിട്ടുള്ള ...
  • 01/10/2023
അന്തരീക്ഷ താപനില വര്‍ദ്ധിക്കുന്നു: വിഷപ്പാമ്പുകളുടെ സാന്നിദ് ...
  • 15/06/2023
ഒമാനില്‍ കനത്ത മഴയ്ക്കൊപ്പം റോഡിലേക്ക് പാറകള്‍ ഇടിഞ്ഞുവീണു; ...
  • 10/04/2023
മെസിക്ക് മുന്നിൽ വമ്പനൊരു ഓഫർ വെച്ച് ഒമാൻ അഭിഭാഷകൻ
  • 24/12/2022
ലഗേജ് ഭാരം വര്‍ധിപ്പിച്ച് ഗോ ഫസ്റ്റ് എയര്‍ലൈന്‍; പരിമിതകാല ഓ ...
  • 06/11/2022
മസ്‍കറ്റിൽ നിന്ന് തിരുവനന്തപുരത്തേക്ക് പുറപ്പെട്ട എയർ ഇന്ത്യ ...
  • 29/10/2022
ജിസിസി വീസയുള്ളവർക്ക് യാത്ര ലളിതമാക്കി ഒമാൻ; മലയാളികൾക്കും ഗ ...
  • 26/10/2022
ഒമാനില്‍ രാജകീയ ചിഹ്നം വാണിജ്യ ഉത്പന്നങ്ങളില്‍ ഉപയോഗിക്കുന്ന ...
  • 18/10/2022
ഒമാന്‍ സന്ദര്‍ശനത്തിനായി യുഎഇ പ്രസിഡൻ്റ് മസ്‍കത്തിലെത്തി
  • 28/09/2022
ഒമാനിലെ റെസ്‌റ്റോറന്റുകളിലും കഫേകളിലും പരിശോധന; 92 കിലോ പഴകി ...
  • 16/09/2022
മസ്‌കറ്റില്‍ നിന്ന് കേരള സെക്ടറുകളില്‍ ഉള്‍പ്പെടെ എയര്‍ ഇന്ത ...
  • 12/09/2022
ടിക്കറ്റ് നിരക്കിൽ വർധന; ഒമാന്‍ വഴി യാത്ര ചെയ്ത് യുഎഇ പ്രവാസ ...
  • 20/08/2022