ഈ വർഷം ആദ്യപാദത്തിൽ മിന്നുന്ന പ്രകടനം കാഴ്ചവെച്ച് യുഎഇയിലെ വിനോദസഞ്ചാരമേഖല

  • 22/05/2022



ദുബായ്: ഈ വർഷം ആദ്യപാദത്തിൽ മിന്നുന്ന പ്രകടനം കാഴ്ചവെച്ച് യുഎഇയിലെ വിനോദസഞ്ചാരമേഖല. കോവിഡിനു മുൻപുള്ള കാലത്തെക്കാളും വലിയ കുതിച്ചു ചാട്ടമാണ് ഈ വർഷം ആദ്യ മാസങ്ങളിൽ യുഎഇ നടത്തിയതെന്ന് യുഎഇ സംരംഭകത്വ മന്ത്രിയും വിനോദ സഞ്ചാര കൗൺസിൽ ചെയർമാനുമായ ഡോ.അഹമ്മദ് ബൽഹൌൽ അൽ ഫലാസി വ്യക്തമാക്കി.

വിനോദസഞ്ചാരികളിൽ ഏറ്റവും കൂടുതൽ പേർ വന്നിരിക്കുന്നത് ഇന്ത്യയിൽ നിന്ന്. സൗദി, യുകെ, റഷ്യ, അമേരിക്ക എന്നിങ്ങനെയാണ് തുടർന്നുള്ള രാജ്യങ്ങളുടെ സ്ഥാനം. വരുമാനത്തിനും ഹോട്ടൽ മുറികൾ വാടകയ്ക്കു പോയ കാര്യത്തിലും മികച്ച മുന്നേറ്റമാണ് ഈ വർഷം ആദ്യം നടത്തിയിരിക്കുന്നത്.

കഴിഞ്ഞ വർഷത്തെ ഇതേ കാലയളവ് അപേക്ഷിച്ച് 20% വർധന. 1100 കോടി ദിർഹം ഈ വർഷം ആദ്യ പാദത്തിലെ വരുമാനം. ഹോട്ടലുകളിലെ ഒക്കുപൻസി നിരക്കാകട്ടെ ആഗോളതലത്തിലെ തന്നെ ഏറ്റവും ഉയർച്ച രേഖപ്പെടുത്തി 80% ആയി. മേഖലയിലും രാജ്യാന്തര തലത്തിലും യുഎഇയുടെ ഈ രംഗത്തെ മികവാണ് ഇതിലൂടെ വെളിപ്പെടുന്നതെന്ന് മന്ത്രി ചൂണ്ടിക്കാട്ടി.

വിനോദ സഞ്ചാര മേഖലയിലെ കണക്കുകൾ അനുസരിച്ച് ഈ വർഷം ആദ്യപാദത്തിൽ 60 ലക്ഷം പേരാണ് വിനോദസഞ്ചാരത്തിന് എത്തിയത്. ഇവർ രണ്ടരക്കോടി രാത്രികൾ ചെലവഴിച്ചു. കഴിഞ്ഞ വർഷത്തെ ഇതേ കാലയളവിനെ അപേക്ഷിച്ച് പത്തു ശതമാനം വർധനയാണിത്. ഹോട്ടലുകളിലെ താമസത്തിന്റെ കാലയളവിലും വർധന. 25% വരെയാണ് ഇക്കാര്യത്തിൽ വളർച്ചാനിരക്ക് കാണിച്ചിരിക്കുന്നത്. മൂന്നും നാലും രാത്രികൾ മാത്രം മുൻവർഷങ്ങളിൽ ചെലവിട്ടതിൽ നിന്നു വ്യത്യസ്തമാണിത്.

രണ്ടു ലക്ഷം ഹോട്ടൽ മുറികളും ഏതാണ്ട് പൂർണമായ തോതിൽ സജ്ജമായി. ആഭ്യന്തര ടൂറിസം വളർച്ചയിലും കഴിഞ്ഞ രണ്ടു വർഷങ്ങളെ അപേക്ഷിച്ചു മാത്രമല്ല 2019 വർഷത്തെയും കടത്തിവെട്ടുന്ന പ്രകടനമാണ് ഈ വർഷം ആദ്യപാദത്തിൽ ഉണ്ടായിരിക്കുന്നത്. അടുത്ത സമയത്ത് ഏറ്റവുമധികം വിനോദസഞ്ചാരികളെ ആകർഷിച്ച പ്രധാന പരിപാടി എക്സ്പോ 2020യാണ്.

2.4 കോടി ആളുകളാണ് എത്തിയത്. പിന്നീട് വേൾഡ്സ് കൂളസ്റ്റ് വിന്റർ എന്ന പദ്ധതിയിലാണ് ഏറ്റവുമധികം പേരെ പ്രാദേശികമായി ആകർഷിച്ചത്. 150 കോടി ദിർഹം ഇതിലൂടെ വരുമാനം ലഭിച്ചത്. 13 ലക്ഷം പ്രാദേശിക വിനോദസഞ്ചാരികളും ഇവിടെയെത്തിയതായി കണക്കുകൾ വ്യക്തമാക്കുന്നു.

Related News

യൂണിയൻ കോപ് കമ്മ്യൂണിറ്റി കോൺട്രിബ്യൂഷൻ 8.508 മില്യൺ ദിർഹം
  • 22/09/2023
സ്റ്റോറുകളും ഇ-കൊമേഴ്സും റീട്ടെയിൽ വിപണി നിയന്ത്രിക്കുന്നു: ...
  • 08/09/2023
യുവതി ഷാര്‍ജയിൽ തൂങ്ങിമരിച്ചതിൽ ഭര്‍ത്താവിനും കുടുംബത്തിനുമെ ...
  • 28/07/2023
സ്വദേശികളും പ്രവാസികളും കൈവശമുള്ള വിലപിടിപ്പുള്ള വസ്തുക്കളെക ...
  • 27/07/2023
ശൈഖ് സഈദ് ബിന്‍ സായിദ് അല്‍ നഹ്യാന്‍ അന്തരിച്ചു
  • 27/07/2023
നെറ്റ്ഫ്‌ലിക്‌സിന്റെ പാസ്‍വേഡുകൾ പുറത്തുള്ളവരുമായി പങ്കുവെക് ...
  • 24/07/2023
ഇന്ത്യ യുഎഇ ഉഭയകക്ഷി വ്യാപാരം രൂപയിലും ദിർഹത്തിലും നടത്താൻ ധ ...
  • 15/07/2023
യുഎഇയിൽ എത്തി ഇന്ത്യൻ പ്രധാനമന്ത്രി: അബുദാബി കിരീടവകാശി ഷെയ് ...
  • 15/07/2023
പ്രധാനമന്ത്രി നരേന്ദ്ര മോദി ഇന്ന് യുഎഇയിൽ
  • 14/07/2023
സന്ദർശക വീസയിൽ യുഎഇയിലേക്ക് വരുന്നവർ ശ്രദ്ധിക്കേണ്ടത്...
  • 14/07/2023
യുഎഇയിലെ പെര്‍ഫ്യൂം ഫാക്ടറിയില്‍ വന്‍ തീപിടിത്തം
  • 11/07/2023
സ്വകാര്യ കമ്പനികളില്‍ സ്വദേശിവത്കരണത്തിന്റെ അര്‍ധ വാര്‍ഷിക ട ...
  • 08/07/2023