മുംബൈ: അഞ്ച് വയസ്സുകാരിയായ കുട്ടിയെ ക്രൂരമായി ബലാത്സംഗം ചെയ്ത് സ്കൂൾ പ്യൂൺ. മുംബൈയിലെ കിഴക്കൻ പ്രദേശമായ മുളുന്ദിലാണ് സംഭവം ഉണ്ടായത്. 51 കാരനായ പ്രതിയെ പൊലീസ് പിടികൂടി. പ്രദേശത്ത് താമസിച്ചിരുന്ന പെൺകുട്ടി തിങ്കളാഴ്ച സ്കൂൾ ഗ്രൗണ്ടിൽ കളിക്കാൻ എത്തിയപ്പോഴായിരുന്നു സംഭവമെന്ന് പൊലീസ് പറഞ്ഞു. പ്രതി കുട്ടിയെ ചോക്ലേറ്റ് കൊടുത്ത് പ്രലോഭിപ്പിച്ച് പരിസരത്തെ മുറികളിലൊന്നിലേക്ക് കൊണ്ടുപോയി ലൈംഗികമായി പീഡിപ്പിക്കുകയും സംഭവസ്ഥലത്ത് നിന്ന് രക്ഷപ്പെടുകയുമായിരുന്നു. വീട്ടിലെത്തിയ കുട്ടി തനിക്ക് നേരിട്ട ആക്രമണം മാതാപിതാക്കളോട് പറഞ്ഞതോടെ ഇവർ പൊലീസ് സ്റ്റേഷനിലെത്തി പരാതി നൽകി. പ്രതി കഴിഞ്ഞ 30 വർഷമായി സ്‌കൂളിൽ ജോലി ചെയ്യുന്നുണ്ടെന്ന് ഉദ്യോഗസ്ഥർ പറഞ്ഞു. ഐപിസി സെക്ഷൻ 376 (ബലാത്സംഗം) പ്രകാരമുള്ള കുറ്റവും ലൈംഗിക കുറ്റകൃത്യങ്ങളിൽ നിന്ന് കുട്ടികളെ സംരക്ഷിക്കൽ (പോക്‌സോ) നിയമത്തിലെ പ്രസക്തമായ വകുപ്പുകളും ഇയാൾക്കെതിരെ രജിസ്റ്റർ ചെയ്തിട്ടുണ്ടെന്ന് പൊലീസ് വ്യക്തമാക്കി.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?