പ്രായം കുറച്ചുകാണിക്കാന്‍ ബ്യൂട്ടി പാര്‍ലറില്‍ പോയി ഒരുങ്ങും, പണവും സ്വത്തും തട്ടിയെടുത്ത് മുങ്ങും; വിവാഹത്തട്ടിപ്പ് നടത്തിയ 54കാരി പിടിയില്‍

  • 06/07/2022

ചെന്നൈ:  പുനര്‍വിവാഹത്തിന് താത്പര്യമുള്ള മധ്യവയസ്‌ക്കരെ വിവാഹം കഴിച്ച് തട്ടിപ്പ് നടത്തിവന്ന സ്ത്രീ അറസ്റ്റില്‍. ആന്ധ്രപ്രദേശിലെ തിരുപ്പതി പുത്തൂര്‍ സ്വദേശിയായ സുകന്യ(54)യെയാണ് തമിഴ്‌നാട് പോലീസ് അറസ്റ്റ് ചെയ്തത്. 

തിരുവള്ളൂര്‍ പുതുപ്പേട്ടയിലെ 35-കാരനെ തെറ്റിദ്ധരിപ്പിച്ച് വിവാഹം കഴിച്ചതിനും സ്വത്ത് തട്ടിയെടുക്കാന്‍ ശ്രമിച്ചതുമായി ബന്ധപ്പെട്ട കേസിലാണ് ഇവര്‍ പിടിയിലായത്. തിരുവള്ളൂര്‍ സ്വദേശിയായ ഇന്ദ്രാണി(65) എന്ന സ്ത്രീയാണ് സുകന്യക്കെതിരേ പോലീസില്‍ പരാതി നല്‍കിയത്. തുടര്‍ന്നാണ് പോലീസ് സംഘം സുകന്യയെക്കുറിച്ച് വിശദമായി അന്വേഷിച്ചത്.

ശരണ്യ എന്ന പേരിലാണ് സുകന്യ ഇന്ദ്രാണിയുടെ മകനെ വിവാഹം കഴിച്ചതെന്ന് പോലീസ് പറഞ്ഞു. സ്വകാര്യ കമ്പനിയില്‍ മാനേജരായ ഇന്ദ്രാണിയുടെ മകന്‍ വിവാഹമോചിതനായിരുന്നു. കഴിഞ്ഞ ആറുവര്‍ഷമായി മകനുവേണ്ടി ഒരു പെണ്‍കുട്ടിയെ തേടുകയായിരുന്നു ഇവര്‍. ഇതിനിടെയാണ് വിവാഹദല്ലാള്‍ വഴി തിരുപ്പതി സ്വദേശിയായ ശരണ്യയുടെ വിവാഹാലോചന വരുന്നത്. തുടര്‍ന്ന് ഇന്ദ്രാണിയും മകനും തിരുപ്പതിയിലെത്തി പെണ്ണുകാണലും നടത്തി. 

54-കാരിയായ സുകന്യ മുപ്പതുവയസ്സാണെന്നാണ് പറഞ്ഞത്. പ്രായം തോന്നിക്കാതിരിക്കാന്‍ ഇവര്‍ ബ്യൂട്ടി പാര്‍ലറില്‍ പോയി ഒരുങ്ങുന്നത് പതിവായിരുന്നു. ഇന്ദ്രാണിയും മകനും പെണ്ണുകാണലിന് വരുന്നതിന് മുമ്പും പ്രതി ബ്യൂട്ടി പാര്‍ലര്‍ പോയി അടിമുടി മാറ്റംവരുത്തിയിരുന്നു. സുകന്യയും ഇന്ദ്രാണിയുടെ മകനും തമ്മിലുള്ള വിവാഹം നടന്നതോടെ വിവാഹചടങ്ങില്‍ ഇന്ദ്രാണി മരുമകള്‍ക്കായി 25 പവന്റെ സ്വര്‍ണാഭരണങ്ങളും നല്‍കി. 

വിവാഹം കഴിഞ്ഞ് ദിവസങ്ങള്‍ കഴിഞ്ഞതോടെ മരുമകളുടെ ഉപദ്രവം തുടങ്ങിയെന്നാണ് ഇന്ദ്രാണിയുടെ പരാതിയില്‍ പറയുന്നത്. സ്വത്തുക്കളെല്ലാം സ്വന്തം പേരില്‍ എഴുതിനല്‍കണമെന്ന് ആവശ്യപ്പെട്ടായിരുന്നു സുകന്യ ഉപദ്രവിച്ചിരുന്നത്. ഇന്ദ്രാണിയെ വീട്ടില്‍നിന്ന് ഇറക്കിവിടുകയും ചെയ്തു. ഇതോടെ എല്ലാ സ്വത്തുക്കളും സുകന്യയുടെ പേരില്‍ എഴുതിനല്‍കാമെന്ന് ഭര്‍ത്താവ് സമ്മതിച്ചു. തുടര്‍ന്ന് രജിസ്‌ട്രേഷന്‍ നടപടികള്‍ക്കായി ആധാര്‍ കാര്‍ഡ് ചോദിച്ചു. എന്നാല്‍ ആധാര്‍ കാര്‍ഡില്‍ മറ്റൊരു പേര് കണ്ടതോടെ ഇവര്‍ക്ക് സംശയം തോന്നുകയായിരുന്നു. തുടര്‍ന്നാണ് ഇവര്‍ പോലീസില്‍ പരാതി നല്‍കിയത്. 

ആധാര്‍ കാര്‍ഡ് കേന്ദ്രീകരിച്ച് പോലീസ് നടത്തിയ അന്വേഷണത്തിലാണ് സുകന്യയുടെ തട്ടിപ്പുകള്‍ വെളിപ്പെടുന്നത്. ശരണ്യ, സുകന്യ, സന്ധ്യ തുടങ്ങിയ പേരുകളില്‍ ഇവര്‍ മറ്റുചിലരെയും വിവാഹം കഴിച്ച് മുങ്ങിയതാണെന്ന് അന്വേഷണത്തില്‍ സ്ഥിരീകരിച്ചു. തിരുപ്പതി പുത്തൂരിലെ രവി എന്നയാളെയാണ് സുകന്യ ആദ്യം വിവാഹം കഴിച്ചത്. ഈ ബന്ധത്തില്‍ രണ്ടുമക്കളുണ്ട്. ഏതാനും വര്‍ഷങ്ങള്‍ക്ക് ശേഷം ഭര്‍ത്താവുമായി തെറ്റിപിരിഞ്ഞ് സുകന്യ അമ്മയുടെ അടുത്തേക്ക് തിരിച്ചെത്തിയതോടെ കുടുംബത്തിന്റെ ചെലവുകള്‍ക്കായി സ്വന്തമായി പണം കണ്ടത്തേണ്ട സ്ഥിതിയായി. സാമ്പത്തിക പ്രയാസം രൂക്ഷമായതോടെ വിവാഹത്തട്ടിപ്പിലേക്ക് നീങ്ങുകയായിരുന്നു. വിവാഹദല്ലാളന്മാര്‍ വഴി പുനര്‍വിവാഹത്തിന് താത്പര്യമുള്ള മധ്യവയസ്‌ക്കരെയാണ് ഇവര്‍ ലക്ഷ്യമിട്ടിരുന്നത്. വിവാഹശേഷം പണവും സ്വത്തും കൈക്കലാക്കിയ ശേഷം സ്വന്തം നാട്ടിലേക്ക് മടങ്ങുന്നതായിരുന്നു രീതി. 

സന്ധ്യ എന്ന പേരിലാണ് ഇവര്‍ സുബ്രഹ്‌മണി എന്നയാളെ വിവാഹം കഴിച്ചത്. ഇയാള്‍ക്കൊപ്പം വര്‍ഷങ്ങളോളം താമസിച്ച ശേഷം കോവിഡ് ലോക്ഡൗണ്‍ കാലത്ത് ഇയാളെ ഉപേക്ഷിച്ച് മുങ്ങുകയായിരുന്നു. പുനര്‍വിവാഹങ്ങളിലൂടെ പണവും മറ്റും കൈക്കലാക്കിയിരുന്ന സുകന്യ, നേരത്തെ ആദ്യഭര്‍ത്താവിനെതിരേ കേസും നല്‍കിയിരുന്നു. ഈ കേസില്‍ പത്തു ലക്ഷം രൂപയാണ് ഇവര്‍ക്ക് ഭര്‍ത്താവില്‍നിന്ന് ജീവനാംശമായി ലഭിച്ചത്. 

Related News

റോഡില്ല, പാമ്ബുകടിയേറ്റ 13 കാരിയെ കമ്ബില്‍ കെട്ടി ചുമന്നത് 8 ...
  • 29/11/2024
19കാരിയെ ബലാത്സംഗം ചെയ്ത് കൊലപ്പെടുത്തിയ കേസില്‍ പ്രതി അറസ്റ ...
  • 28/11/2024
മുഖ്യമന്ത്രി ഫട്നാവിസ് തന്നെ, ഷിൻഡെക്ക് എതിര്‍പ്പില്ല; 3 ആവശ ...
  • 28/11/2024
റെയില്‍വേ സ്റ്റേഷനില്‍ നിര്‍മ്മാണ പ്രവര്‍ത്തനത്തിനായി കുഴിയെ ...
  • 28/11/2024
പങ്കാളിയെ ബലാത്സംഗം ചെയ്ത ശേഷം കൊലപ്പെടുത്തി; 50 കഷണങ്ങളാക്ക ...
  • 28/11/2024
20കാരിയുമായി ഒളിച്ചോടി; വിവാഹച്ചടങ്ങ് വീട്ടില്‍ നടത്താമെന്ന് ...
  • 28/11/2024
അധികാരമേറ്റ് ഹേമന്ത് സോറന്‍; ചടങ്ങില്‍ പങ്കെടുത്ത് ഇന്ത്യാസഖ ...
  • 28/11/2024
വയനാട് എംപിയായി പ്രിയങ്കാ ഗാന്ധി ഇന്ന് സത്യപ്രതിജ്ഞ ചെയ്യും
  • 27/11/2024
'പതിറ്റാണ്ടായ ഹര്‍ജി വീണ്ടും മാറ്റുന്നതില്‍ അതൃപ്തി'; പാമോലി ...
  • 27/11/2024
ചുഴലിക്കാറ്റ്: തമിഴ്‌നാട്ടില്‍ കനത്തമഴയ്ക്ക് സാധ്യത, ഒന്‍പത് ...
  • 26/11/2024
പോള്‍ ചെയ്തതിനേക്കാള്‍ അഞ്ചുലക്ഷം വോട്ട് കൂടുതല്‍; റിപ്പോര്‍ ...
  • 26/11/2024
വിവസ്ത്രയാക്കി, കൈക്കൂലി ചോദിച്ചു; യുവതിയുടെ ആത്മഹത്യയില്‍ പ ...
  • 25/11/2024