വിമാനത്തിലെത്തി നഗരത്തില്‍ കവര്‍ച്ച നടത്തും; കുട്ടികളടക്കം പ്രതികള്‍, മോഷ്ടാക്കള്‍ അറസ്റ്റില്‍

  • 06/07/2022

കോയമ്പത്തൂര്‍: വിമാനത്തിലെത്തി നഗരത്തില്‍ കവര്‍ച്ച നടത്തി മടങ്ങുന്ന സംഘം അറസ്റ്റില്‍. ബിഹാര്‍, ജാര്‍ഖണ്ഡ് സംസ്ഥാനങ്ങളില്‍ നിന്നുള്ളവരാണ് പ്രതികളെല്ലാം. ജാര്‍ഖണ്ഡ് സ്വദേശികളായ ബഹദൂര്‍ മകടോ (36), സന്തോഷ് മകടോ (33), ബബ്ലു മകടോ (23), ബിഹാര്‍ സ്വദേശി മനീഷ് മക്കോളി (22) എന്നിവരും 10, 14, 15 വയസ്സുള്ള ആണ്‍കുട്ടികളുമാണ് പ്രതികള്‍.

ആഴ്ചയിലൊരിക്കല്‍ പട്ന-കോയമ്പത്തൂര്‍ വിമാനത്തില്‍ എത്തുന്ന പ്രതികള്‍ കവര്‍ച്ചനടത്തി മടങ്ങുകയാണ് പതിവെന്ന് പോലീസിന്റെ പ്രത്യേക അന്വേഷണസംഘം അറിയിച്ചു. കോയമ്പത്തൂരിലെത്തി ഗാന്ധിപുരത്ത് മുറിയെടുക്കും. ശേഷം ഇവര്‍ ഒന്നിച്ചാണ് കവര്‍ച്ചയ്ക്കിറങ്ങുന്നത്. വിശേഷ ദിവസങ്ങളല്ലെങ്കില്‍ നഗരത്തിലെ കടകളില്‍ സാധനങ്ങള്‍ വാങ്ങുന്നതുപോലെയെത്തി മോഷ്ടിക്കും. വിശേഷദിവസങ്ങളില്‍ തിരുപ്പൂര്‍, പൊള്ളാച്ചി, മേട്ടുപ്പാളയം ഉള്‍പ്പെടെയുള്ള നഗരങ്ങളിലേക്കും കവര്‍ച്ച വ്യാപിപ്പിക്കും.

തിരക്കുള്ള സ്ഥലങ്ങളില്‍ കവര്‍ച്ചനടത്താന്‍ കുട്ടികളെ വിടും. പിടിയിലായാലും കുട്ടികളെ ആളുകള്‍ വിരട്ടിവിടുകയാണ് പതിവ്. കവര്‍ച്ചസാധനങ്ങളുമായി ഒരാള്‍ വിമാനത്തിലും മറ്റുള്ളവര്‍ തീവണ്ടിയിലുമാണ് മടങ്ങുന്നത്. ഓരോ തവണ വിമാനത്തില്‍ തിരികെ പോകുമ്പോഴും ആള്‍ മാറും. ആഡംബരജീവിതം നയിച്ച് പണംതീര്‍ന്നാല്‍ വീണ്ടും വിമാനത്തില്‍ കോയമ്പത്തൂരില്‍ എത്തുന്നതാണ് പതിവ്. നാലുപേരെ ജയിലിലേക്കും കുട്ടികളെ നിരീക്ഷണകേന്ദ്രത്തിലേക്കും മാറ്റിയിട്ടുണ്ട്. 

Related News

റോഡില്ല, പാമ്ബുകടിയേറ്റ 13 കാരിയെ കമ്ബില്‍ കെട്ടി ചുമന്നത് 8 ...
  • 29/11/2024
19കാരിയെ ബലാത്സംഗം ചെയ്ത് കൊലപ്പെടുത്തിയ കേസില്‍ പ്രതി അറസ്റ ...
  • 28/11/2024
മുഖ്യമന്ത്രി ഫട്നാവിസ് തന്നെ, ഷിൻഡെക്ക് എതിര്‍പ്പില്ല; 3 ആവശ ...
  • 28/11/2024
റെയില്‍വേ സ്റ്റേഷനില്‍ നിര്‍മ്മാണ പ്രവര്‍ത്തനത്തിനായി കുഴിയെ ...
  • 28/11/2024
പങ്കാളിയെ ബലാത്സംഗം ചെയ്ത ശേഷം കൊലപ്പെടുത്തി; 50 കഷണങ്ങളാക്ക ...
  • 28/11/2024
20കാരിയുമായി ഒളിച്ചോടി; വിവാഹച്ചടങ്ങ് വീട്ടില്‍ നടത്താമെന്ന് ...
  • 28/11/2024
അധികാരമേറ്റ് ഹേമന്ത് സോറന്‍; ചടങ്ങില്‍ പങ്കെടുത്ത് ഇന്ത്യാസഖ ...
  • 28/11/2024
വയനാട് എംപിയായി പ്രിയങ്കാ ഗാന്ധി ഇന്ന് സത്യപ്രതിജ്ഞ ചെയ്യും
  • 27/11/2024
'പതിറ്റാണ്ടായ ഹര്‍ജി വീണ്ടും മാറ്റുന്നതില്‍ അതൃപ്തി'; പാമോലി ...
  • 27/11/2024
ചുഴലിക്കാറ്റ്: തമിഴ്‌നാട്ടില്‍ കനത്തമഴയ്ക്ക് സാധ്യത, ഒന്‍പത് ...
  • 26/11/2024
പോള്‍ ചെയ്തതിനേക്കാള്‍ അഞ്ചുലക്ഷം വോട്ട് കൂടുതല്‍; റിപ്പോര്‍ ...
  • 26/11/2024
വിവസ്ത്രയാക്കി, കൈക്കൂലി ചോദിച്ചു; യുവതിയുടെ ആത്മഹത്യയില്‍ പ ...
  • 25/11/2024