കാമുകിക്ക് മറ്റൊരു ബന്ധമുണ്ടെന്ന് സംശയം; പതിനെട്ടുകാരിയെ പേനാക്കത്തി കൊണ്ട് കുത്തിക്കൊല്ലാൻ ശ്രമം, യുവാവ് അറസ്റ്റില്‍

  • 08/07/2022

ചെന്നൈ: മറ്റൊരു പ്രണയബന്ധം സംശയിച്ച് കാമുകിയായ പതിനെട്ടുകാരിയെ കുത്തിക്കൊലപ്പെടുത്താന്‍ ശ്രമിച്ച യുവാവ് അറസ്റ്റിൽ. തമിഴ്നാട് വെല്ലൂർ തിരുവല്ലത്താണ് സംഭവം. കാമുകി മറ്റാരെയോ പ്രണയിക്കുന്നു എന്ന സംശയത്തിലാണ് കൊലപാതകശ്രമം. ആശുപത്രിയിൽ പ്രവേശിപ്പിച്ച പെൺകുട്ടി അതീവ ഗുരുതരാവസ്ഥയിൽ ചികിത്സയിലാണ്. സംഭവവുമായി ബന്ധപ്പെട്ട് വെല്ലൂർ സ്വദേശി സതീഷിനെ അറസ്റ്റ് ചെയ്തു. 

തമിഴ്നാട് വെല്ലൂർ ജില്ലയിലെ ഗുപ്പതമൊട്ടൂർ സ്വദേശിയാണ് ഇരുപതുകാരനായ സതീഷ്. വെല്ലൂരിലെ സ്വകാര്യ കോളേജിൽ ബിഎസ്‍സി ഒപ്റ്റോമെട്രിക്സ് വിദ്യാർത്ഥിയായ ഇയാൾ റാണിപേട്ടയിലെ മറ്റൊരു കോളേജിൽ പഠിക്കുന്ന പെൺകുട്ടിയുമായി മൂന്ന് വർഷമായി പ്രണയത്തിലായിരുന്നു. പാരാ മെഡിക്കൽ കോഴ്സ് വിദ്യാർത്ഥിനിയാണ് പെൺകുട്ടി. മറ്റേതോ ചെറുപ്പക്കാരനുമായി ബന്ധമുണ്ടെന്ന് സംശയിച്ചാണ് സതീഷ് പെൺകുട്ടിയെ കൊലപ്പെടുത്താന്‍ തീരുമാനിച്ചത്. 

കോളേജിൽ പോകാനായി തിരുവല്ലം ബസ് സ്റ്റാൻഡിൽ എത്തിയ പെൺകുട്ടിയെ ഇയാൾ പിന്തുടർന്ന് ചെന്ന് ശല്യപ്പെടുത്തി പ്രകോപിപ്പിക്കുകയായിരുന്നു. വാക്കുതർക്കം ഉണ്ടായതോടെ പെട്ടെന്ന് കയ്യിൽ കരുതിയിരുന്ന പേനാക്കത്തിയെടുത്ത് പെൺകുട്ടിയുടെ മുഖത്തും കഴുത്തിലും കുത്തി. രക്തത്തിൽ കുളിച്ച് റോഡിൽ വീണ പെൺകുട്ടിയെ കണ്ടുനിന്നവർ വെല്ലൂർ ക്രിസ്ത്യൻ മെഡിക്കൽ കോളേജ് ആശുപത്രിയിലെത്തിച്ചു. 

കുട്ടിയുടെ നില അതീവ ഗുരുതരമായി തുടരുകയാണ്. നാട്ടുകാർ തന്നെയാണ് സതീഷിനെ തടഞ്ഞുവച്ച് പോലീസില്‍ ഏൽപ്പിച്ചത്. കൊലപാതകശ്രമം, സ്ത്രീകൾക്കെതിരായ അതിക്രമം, തമിഴ്നാട് സ്ത്രീപീഡന നിരോധന നിയമം തുടങ്ങിയ വകുപ്പുകൾ പ്രകാരം കേസെടുത്ത് റിമാൻഡ് ചെയ്തു. 

Related News

'നാളെ മുതല്‍ എനിക്ക് നീതി നല്‍കാന്‍ കഴിയില്ല, എങ്കിലും സംതൃപ ...
  • 08/11/2024
ചീഫ് ജസ്റ്റിസ് ഡി വൈ ചന്ദ്രചൂഡ് പടിയിറങ്ങുന്നു; ഇന്ന് പ്രത്യ ...
  • 07/11/2024
25 ലക്ഷത്തിന്‍റെ ഇൻഷുറൻസ് പരിരക്ഷ, സ്ത്രീകള്‍ക്ക് പ്രതിമാസം ...
  • 07/11/2024
വീണ്ടും ട്രംപ്; വ്യാപാര, നയതന്ത്ര മേഖലകളില്‍ കൂടുതല്‍ സഹകരണം ...
  • 06/11/2024
അമ്മ ബാത്ത്റൂമില്‍ പോയി വന്നപ്പോള്‍ തൊട്ടിലില്‍ കിടന്ന കുഞ്ഞ ...
  • 06/11/2024
കുടുംബാംഗങ്ങള്‍ നേര്‍ക്കുനേര്‍, ഇനിയൊരു മത്സരത്തിനില്ല; രാഷ് ...
  • 05/11/2024
പാര്‍ലമെന്റിന്റെ ശൈത്യകാല സമ്മേളനം നവംബര്‍ 25 മുതല്‍ ഡിസംബര് ...
  • 05/11/2024
ബുള്ളറ്റ് ട്രെയിൻ പദ്ധതിയുടെ ഭാഗമായ പാലം തകര്‍ന്നു; ഗുജറാത്ത ...
  • 05/11/2024
പാലക്കാട് മാത്രമല്ല, ആകെ 14 നിയമസഭാ മണ്ഡലങ്ങളിലെ ഉപതെരഞ്ഞെടു ...
  • 05/11/2024
തെരഞ്ഞെടുപ്പ് പ്രചാരണം ഊര്‍ജിതമാക്കി പാര്‍ട്ടികള്‍; മോദി ഇന് ...
  • 03/11/2024
ഷൊര്‍ണൂര്‍ ട്രെയിൻ അപകടം; മരിച്ചവരുടെ കുടുംബങ്ങളെ ചേര്‍ത്തുപ ...
  • 03/11/2024
'ഇത് ശരിയാകില്ല', കേന്ദ്രമന്ത്രിക്ക് മലയാളത്തില്‍ പ്രതിഷേധ ക ...
  • 03/11/2024