കാമുകനൊപ്പം ചുറ്റാന്‍ ഇന്ത്യയിലെത്തി; കയ്യിലെ കാശ് തീര്‍ന്നപ്പോള്‍ 'സ്വയം തട്ടിക്കൊണ്ടുപോയി', യുവതി പിടിയില്‍

  • 18/07/2022

ന്യൂഡല്‍ഹി: കാമുകനൊപ്പം ഇന്ത്യയിലെത്തിയ അമേരിക്കന്‍ യുവതി കൈയിലെ പണം തീര്‍ന്നതിനെ തുടര്‍ന്ന് വീട്ടുകാരെ കബളിപ്പിച്ച് സ്വയം തട്ടിക്കൊണ്ടുപോകല്‍ നാടകം നടത്തി. നൈജീരിയന്‍ സ്വദേശിയായ കാമുകന്റെ സഹായത്തോടെയായിരുന്നു യുവതി പദ്ധതി ആസൂത്രണം ചെയ്തത്. സംഭവത്തില്‍  ക്ലോ മാഗ്ലിന്‍ എന്ന യുവതിയാണ് പിടിയിലായത്.

ഇവര്‍ മെയ് മൂന്നിനാണ് ഡല്‍ഹിയിലെത്തിയത്. അമേരിക്കന്‍ ബിരുദധാരിയായ ഇവര്‍ വാഷിങ്ടണ്‍ ഡിസിയിലാണ് താമസമെന്നും പിതാവ് മുന്‍ സൈനികോദ്യോഗസ്ഥനാണെന്നും പോലീസ് പറഞ്ഞു. ജൂലായ് ഏഴിനാണ് താന്‍ സുരക്ഷിതയല്ലെന്നും തന്നെ ഒരാള്‍ മര്‍ദ്ദിച്ചിക്കുകയും ചെയ്താതായി യുവതി പോലീസിനെ വിളിച്ചറിയിച്ചത്. എന്നാല്‍ താന്‍ എവിടെയാണെന്ന് പറയാന്‍ യുവതി തയ്യാറായില്ലെന്ന് പോലീസ് പറഞ്ഞു.

ജൂലായ് പത്തിന് യുവതി യുഎസിലുള്ള അമ്മയെ വീഡിയോ കോള്‍ വിളിച്ച് തന്നെ തട്ടിക്കൊണ്ടുപോയ കാര്യം അറിയിക്കുകയായിരുന്നു. തന്നെ ആരോ റാഞ്ചിയെന്നും ഉടന്‍ പണം അയച്ച് മോചിപ്പിക്കണമെന്നും യുവതി വീട്ടില്‍ വിളിച്ചറിയിച്ചു. മകളുടെ ജീവന്‍ അപകടത്തിലാണെന്ന് മനസിലാക്കിയ യുവതിയുടെ അമ്മ ഇന്ത്യന്‍ എംബസിയെ സമീപിച്ചു. എംബസി കേസ് ഡല്‍ഹി പോലീസിന് കൈമാറുകയും ചെയ്തു. പോലീസ് യുവതിയുടെ വിലാസം സംഘടിപ്പിച്ച് അന്വേഷണം നടത്തിയെങ്കിലും ഗ്രേയിറ്റര്‍ നോയിഡയിലെ ഹോട്ടലില്‍ അത്തരത്തില്‍ ഒരാള്‍ താമസിച്ചതായി വിവരം ലഭിച്ചില്ല. 

അന്വേഷണത്തിനിടെ യുവതി മറ്റൊരാളുടെ വൈഫൈ ഉപയോഗിക്കുന്നതായി പോലീസ് കണ്ടെത്തി. അതനുസരിച്ച് നടത്തിയ അന്വേഷണത്തിലാണ് ഗുരുഗ്രാമില്‍ താമസിക്കുന്ന യുവതിയുടെ കാമുകനായ നൈജീരിയന്‍ പൗരനിലേക്ക് പോലീസ് എത്തിയത്. തുടര്‍ന്ന് യുവതിയുടെ വിവരങ്ങള്‍ ഇയാള്‍ പോലീസിന് കൈമാറി. ഇതോടെ യുവതിയെ പോലീസ് കസ്റ്റഡിയിലെടുക്കുകയായിരുന്നു. ഡല്‍ഹിയിലെത്തി പണം തീര്‍ന്നതിന് പിന്നാലെയാണ് താനും കാമുകനും ചേര്‍ന്ന് ഇത്തരമൊരു പദ്ധതി ആസൂത്രണം ചെയ്തതെന്നും മാതാപിതാക്കളില്‍ നിന്ന് പണം തട്ടലായിരുന്നു ലക്ഷ്യമെന്നും യുവതി പോലീസിനോട് സമ്മതിച്ചു.  

Related News

'നാളെ മുതല്‍ എനിക്ക് നീതി നല്‍കാന്‍ കഴിയില്ല, എങ്കിലും സംതൃപ ...
  • 08/11/2024
ചീഫ് ജസ്റ്റിസ് ഡി വൈ ചന്ദ്രചൂഡ് പടിയിറങ്ങുന്നു; ഇന്ന് പ്രത്യ ...
  • 07/11/2024
25 ലക്ഷത്തിന്‍റെ ഇൻഷുറൻസ് പരിരക്ഷ, സ്ത്രീകള്‍ക്ക് പ്രതിമാസം ...
  • 07/11/2024
വീണ്ടും ട്രംപ്; വ്യാപാര, നയതന്ത്ര മേഖലകളില്‍ കൂടുതല്‍ സഹകരണം ...
  • 06/11/2024
അമ്മ ബാത്ത്റൂമില്‍ പോയി വന്നപ്പോള്‍ തൊട്ടിലില്‍ കിടന്ന കുഞ്ഞ ...
  • 06/11/2024
കുടുംബാംഗങ്ങള്‍ നേര്‍ക്കുനേര്‍, ഇനിയൊരു മത്സരത്തിനില്ല; രാഷ് ...
  • 05/11/2024
പാര്‍ലമെന്റിന്റെ ശൈത്യകാല സമ്മേളനം നവംബര്‍ 25 മുതല്‍ ഡിസംബര് ...
  • 05/11/2024
ബുള്ളറ്റ് ട്രെയിൻ പദ്ധതിയുടെ ഭാഗമായ പാലം തകര്‍ന്നു; ഗുജറാത്ത ...
  • 05/11/2024
പാലക്കാട് മാത്രമല്ല, ആകെ 14 നിയമസഭാ മണ്ഡലങ്ങളിലെ ഉപതെരഞ്ഞെടു ...
  • 05/11/2024
തെരഞ്ഞെടുപ്പ് പ്രചാരണം ഊര്‍ജിതമാക്കി പാര്‍ട്ടികള്‍; മോദി ഇന് ...
  • 03/11/2024
ഷൊര്‍ണൂര്‍ ട്രെയിൻ അപകടം; മരിച്ചവരുടെ കുടുംബങ്ങളെ ചേര്‍ത്തുപ ...
  • 03/11/2024
'ഇത് ശരിയാകില്ല', കേന്ദ്രമന്ത്രിക്ക് മലയാളത്തില്‍ പ്രതിഷേധ ക ...
  • 03/11/2024