ഭാര്യയുടെ ഇന്‍സ്റ്റഗ്രാം പോസ്റ്റിനടിയില്‍ അശ്ലീല കമന്റ്; പട്ടാപ്പകല്‍ യുവാവിനെ കുത്തിക്കൊന്നു, ഭര്‍ത്താവും സുഹൃത്തുക്കളും അറസ്റ്റില്‍

  • 20/07/2022

മൈസൂരു: ഭാര്യയുടെ ഇന്‍സ്റ്റഗ്രാം പോസ്റ്റിനടിയില്‍ അശ്ലീല കമന്റിട്ട യുവാവിനെ പട്ടാപ്പകല്‍ കുത്തിക്കൊലപ്പെടുത്തിയ സംഭവത്തില്‍ മൂന്ന് പ്രതികള്‍ അറസ്റ്റില്‍. ഹുന്‍സൂര്‍ അങ്കത്തഹള്ളി സ്വദേശി എച്ച്. ബിരേഷി (23)നെ കൊലപ്പെടുത്തിയ കേസിലാണ് ജിംനേഷ്യം ജീവനക്കാരനായ നിതിന്‍ (23) മനോജ് കുമാര്‍ (24) പൊതുരാജ് (25) എന്നിവരെ പോലീസ് അറസ്റ്റ് ചെയ്തത്. 

നിതിനും മനോജ്കുമാറും കൊല്ലപ്പെട്ട ബിരേഷും സുഹൃത്തുക്കളാണ്. അടുത്തിടെയാണ് നിതിന്‍ വിവാഹിതനായത്. ദിവസങ്ങള്‍ക്ക് മുമ്പ് നിതിന്റെ ഭാര്യയുടെ ഇന്‍സ്റ്റഗ്രാം പോസ്റ്റില്‍ ബിരേഷ് അശ്ലീലച്ചുവയുള്ള കമന്റിട്ടു. ഇതോടെയാണ് സുഹൃത്തിനെ കൊലപ്പെടുത്താന്‍ നിതിന്‍ തീരുമാനിച്ചത്. മറ്റു രണ്ട് പ്രതികളുടെ സഹായത്തോടെയാണ് നിതിന്‍ കൊലപാതകം ആസൂത്രണം ചെയ്തത്. 

ജൂലായ് 12-ാം തീയതിയായിരുന്നു സംഭവം. ബസ് സ്റ്റോപ്പില്‍ നില്‍ക്കുകയായിരുന്ന ബിരേഷിനെ നിതിനും മനോജും ബൈക്കിലെത്തി കൂട്ടിക്കൊണ്ടുപോയി. തുടര്‍ന്ന് യാത്രയ്ക്കിടെ ബൈക്കില്‍ നടുവില്‍ ഇരിക്കുകയായിരുന്ന ബിരേഷിനെ പിന്നിലിരുന്ന നിതിന്‍ കുത്തിപ്പരിക്കേല്‍പ്പിക്കുകയായിരുന്നു. 

കഴുത്തിലാണ് ആഴത്തിലുള്ള കുത്തുകളേറ്റത്. പിന്നാലെ യുവാവിനെ വഴിയരികില്‍ ഉപേക്ഷിച്ച് ഇരുവരും കടന്നുകളഞ്ഞു. ചോരയൊലിച്ച് കിടക്കുന്ന നിലയില്‍ ബിരേഷിനെ കണ്ടെത്തിയ നാട്ടുകാരാണ് പിന്നീട് ആശുപത്രിയിലെത്തിച്ചത്. ചികിത്സയ്ക്കിടെ ജൂലായ് 13-ന് ബിരേഷ് മരിച്ചു. 
 

Related News

'നാളെ മുതല്‍ എനിക്ക് നീതി നല്‍കാന്‍ കഴിയില്ല, എങ്കിലും സംതൃപ ...
  • 08/11/2024
ചീഫ് ജസ്റ്റിസ് ഡി വൈ ചന്ദ്രചൂഡ് പടിയിറങ്ങുന്നു; ഇന്ന് പ്രത്യ ...
  • 07/11/2024
25 ലക്ഷത്തിന്‍റെ ഇൻഷുറൻസ് പരിരക്ഷ, സ്ത്രീകള്‍ക്ക് പ്രതിമാസം ...
  • 07/11/2024
വീണ്ടും ട്രംപ്; വ്യാപാര, നയതന്ത്ര മേഖലകളില്‍ കൂടുതല്‍ സഹകരണം ...
  • 06/11/2024
അമ്മ ബാത്ത്റൂമില്‍ പോയി വന്നപ്പോള്‍ തൊട്ടിലില്‍ കിടന്ന കുഞ്ഞ ...
  • 06/11/2024
കുടുംബാംഗങ്ങള്‍ നേര്‍ക്കുനേര്‍, ഇനിയൊരു മത്സരത്തിനില്ല; രാഷ് ...
  • 05/11/2024
പാര്‍ലമെന്റിന്റെ ശൈത്യകാല സമ്മേളനം നവംബര്‍ 25 മുതല്‍ ഡിസംബര് ...
  • 05/11/2024
ബുള്ളറ്റ് ട്രെയിൻ പദ്ധതിയുടെ ഭാഗമായ പാലം തകര്‍ന്നു; ഗുജറാത്ത ...
  • 05/11/2024
പാലക്കാട് മാത്രമല്ല, ആകെ 14 നിയമസഭാ മണ്ഡലങ്ങളിലെ ഉപതെരഞ്ഞെടു ...
  • 05/11/2024
തെരഞ്ഞെടുപ്പ് പ്രചാരണം ഊര്‍ജിതമാക്കി പാര്‍ട്ടികള്‍; മോദി ഇന് ...
  • 03/11/2024
ഷൊര്‍ണൂര്‍ ട്രെയിൻ അപകടം; മരിച്ചവരുടെ കുടുംബങ്ങളെ ചേര്‍ത്തുപ ...
  • 03/11/2024
'ഇത് ശരിയാകില്ല', കേന്ദ്രമന്ത്രിക്ക് മലയാളത്തില്‍ പ്രതിഷേധ ക ...
  • 03/11/2024