2019 മുതല്‍ 2021 വരെ ഗൾഫ് രാജ്യങ്ങളില്‍ മരിച്ചത് നിരവധി ഇന്ത്യക്കാര്‍, കുവൈത്തിൽ മരണപ്പെട്ടത് 3187 പേർ

  • 25/07/2022



റിയാദ്: കൊവിഡ് മഹാമാരിയുടെ കാലയളവ് ഉള്‍പ്പെടുന്ന 2019 മുതല്‍ 2021 വരെ ജിസിസി രാജ്യങ്ങളില്‍ മരിച്ചത് നിരവധി ഇന്ത്യക്കാര്‍. ഈ കാലയളവില്‍ ഏറ്റവും കൂടുതല്‍ ഇന്ത്യന്‍ തൊഴിലാളികള്‍ മരിച്ചത് യുഎഇയിലും സൗദി അറേബ്യയിലുമാണ്. പാര്‍ലമെന്റില്‍ ഒരു ചോദ്യത്തിന് ഉത്തരം നല്‍കവെയാണ് കേന്ദ്രസര്‍ക്കാര്‍ ഗള്‍ഫില്‍ മരണപ്പെട്ട പ്രവാസി ഇന്ത്യന്‍ തൊഴിലാളികളുടെ കണക്ക് വെളിപ്പെടുത്തിയത്.

2020ല്‍ സൗദി അറേബ്യയിലാണ് ഏറ്റവും കൂടുതല്‍ ഇന്ത്യക്കാര്‍ മരണപ്പെട്ടത്.  3,753 പേരാണ് ആ വര്‍ഷം മരിച്ചത്. 2021 ആയപ്പോഴേക്കും ഇത് 2,328 ആയി കുറഞ്ഞു. ഈ രണ്ടു വര്‍ഷങ്ങളും കൊവിഡ് മഹാമാരിയുടെ പ്രതിസന്ധി ഘട്ടങ്ങളായിരുന്നു. 2019ല്‍ 2,353 ഇന്ത്യക്കാരാണ് സൗദിയില്‍ മരണപ്പെട്ടത്. സൗദിയില്‍ ഇന്ത്യക്കാരുടെ മരണം വര്‍ധിക്കാന്‍ കാരണമായത് കൊവിഡ് മഹാമാരിയാണ്. ധാരാളം കമ്പനികള്‍ ഈ കാലയളവില്‍ പ്രവര്‍ത്തനം നിര്‍ത്തിയതിനാല്‍ ജീവിത നിലവാരത്തെയും ബാധിച്ചു. എന്നാല്‍ മോശം സാഹചര്യം കാരണം എത്രപേര്‍ മരണപ്പെട്ടെന്ന കണക്ക് ലഭ്യമല്ല. 

യുഎഇയില്‍ 2020ല്‍  2,454  ഇന്ത്യന്‍ തൊഴിലാളികളാണ് മരിച്ചത്. 2019ല്‍ ഇത് 1,751 ആയിരുന്നു. 2021 ആയപ്പോഴേക്കും മരണസംഖ്യ  2,714 ആയി. ലോകകപ്പ് ഫുട്‌ബോളുമായി ബന്ധപ്പെട്ട നിര്‍മ്മാണ പ്രവര്‍ത്തനങ്ങള്‍ നടക്കുന്നതിനാല്‍ ഇന്ത്യന്‍ തൊഴിലാളികള്‍ വന്‍തോതില്‍ എത്തിച്ചേര്‍ന്ന ഖത്തറില്‍ 2021ല്‍ 420 ഇന്ത്യന്‍ തൊഴിലാളികളാണ മരണപ്പെട്ടത്. 2020ല്‍ മരണസംഖ്യ 385ഉം 2019ല്‍ 250ഉം ആയിരുന്നു. 2021ല്‍ ബഹ്‌റൈനില്‍ ആകെ 352  ഇന്ത്യന്‍ തൊഴിലാളികള്‍ മരണപ്പെട്ടു. 

2020ലും 2019ലും യഥാക്രമം 303ഉം 211ഉം മരണങ്ങള്‍ റിപ്പോര്‍ട്ട് ചെയ്തു. കുവൈത്തില്‍ 2021ല്‍ മരണപ്പെട്ടത് 1,201 ഇന്ത്യന്‍ തൊഴിലാളികളാണ്. 2020ല്‍  1,279 ഇന്ത്യക്കാരും 2019ല്‍  707 ഇന്ത്യക്കാരും ഇവിടെ മരണപ്പെട്ടു. 2021ല്‍ ഒമാനില്‍ 913 ഇന്ത്യന്‍ തൊഴിലാളികള്‍ മരണമടഞ്ഞു. കഴിഞ്ഞ മൂന്ന് വര്‍ഷത്തിനിടയിലെ ഉയര്‍ന്ന സംഖ്യയാണിത്. 

കുവൈറ്റ് വാർത്തകൾ കൃത്യതയോടെ ഏറ്റവും ആദ്യമറിയാൻ, താഴെ കാണുന്ന ലിങ്ക് വഴി വാട്സ്ആപ്പ് ഗ്രൂപ്പിൽ ചേരാം 👇

വർത്തകളെക്കുറിച്ചുള്ള കമെന്റുകളും, അഭിപ്രായങ്ങളും രേഖപ്പെടുത്താൻ താഴെ കാണുന്ന ലിങ്കിൽ ക്ലിക്ക് ചെയ്യുക👇

Related News

റമദാൻ മാസത്തിൽ ബാങ്കുകളുടെ സമയക്രമത്തിൽ മാറ്റം വന്നേക്കും
  • 21/02/2025
ഫോർത്ത് റിംഗ് റോഡിലെ സെക്കൻഡറി എക്സിറ്റ് അടച്ചതായി ആഭ്യന്തര ...
  • 21/02/2025
മൃതശരീരത്തിൽനിന്ന് സ്വർണ്ണ പല്ലുകളോ കൃത്രിമ അവയവങ്ങളോ നീക്കം ...
  • 21/02/2025
വിപണി മൂല്യം ഏകദേശം 220,000 ദിനാറുള്ള മയക്കുമരുന്ന് പിടിച്ചെ ...
  • 20/02/2025
പരിശീലന അഭ്യാസത്തിനിടെ രണ്ട് സൈനികർക്ക് ജീവൻ നഷ്ടം; അമേരിക്ക ...
  • 20/02/2025
ഷൂട്ടിംഗ് പരിശീലനത്തിനിടെ രണ്ട് സൈനികർക്ക് വീരമൃത്യു; അനുശോച ...
  • 20/02/2025
റമദാൻ മാസത്തോട് അനുബന്ധിച്ച് വില സ്ഥിരത ഉറപ്പിക്കാൻ കുവൈത്തി ...
  • 20/02/2025
ഒരു ബില്യൺ ദിനാർ മൂല്യമുള്ള പുനരുപയോഗ ഊർജ പദ്ധതികളുമായി കുവൈ ...
  • 20/02/2025
എമർജൻസി വിഭാ​ഗത്തിൽ പ്രതി വർഷം പ്രവേശിപ്പിക്കപ്പെടുന്നത് 2.5 ...
  • 19/02/2025
ലോക ടൂറിസം ഭൂപടത്തിലെ നിർണായക ശക്തിയായി മാറാൻ കുവൈറ്റ്
  • 19/02/2025
വിരുന്നുകാരായി ഡോൾഫിൻ കൂട്ടം കുവൈത്തിൽ
  • 19/02/2025
ദേശീയ ആഘോഷങ്ങൾക്കായി സുരക്ഷാ വർധിപ്പിച്ച് കുവൈറ്റ്; 23 സുരക് ...
  • 19/02/2025