എസ്.എസ്.എല്‍.വി കൗണ്ട്ഡൗണ്‍ തുടങ്ങി

  • 07/08/2022

ചെന്നൈ: ചെറിയ ഉപഗ്രഹങ്ങളെ ഭൂമിക്കടുത്തുള്ള ഭ്രമണപഥങ്ങളില്‍ എത്തിക്കുന്നതിന് ഐ.എസ്.ആര്‍.ഒ. രൂപകല്പന ചെയ്ത സ്മോള്‍ സാറ്റലൈറ്റ് ലോഞ്ച് വെഹിക്കിള്‍ (എസ്.എസ്.എല്‍.വി.) ആദ്യവിക്ഷേപണം ഞായറാഴ്ച രാവിലെ നടക്കും. ഭൗമനിരീക്ഷണ ഉപഗ്രഹമായ ഇ.ഒ.എസ്. 02-നെയും രാജ്യത്തെ 75 സര്‍ക്കാര്‍ സ്‌കൂളുകളിലെ 750 പെണ്‍കുട്ടികള്‍ചേര്‍ന്നു നിര്‍മിച്ച ആസാദിസാറ്റിനെയും എസ്.എസ്.എല്‍.വി. ഭ്രമണപഥത്തിലെത്തിക്കും.

സ്വാതന്ത്ര്യത്തിന്റെ എഴുപത്തഞ്ചാം വാര്‍ഷികാഘോഷത്തിന് മുന്നോടിയായി ശ്രീഹരിക്കോട്ടയിലെ സതീഷ് ധവാന്‍ സ്പേസ് സെന്ററിലെ വിക്ഷേപണം കാണാന്‍ പൊതുജനങ്ങളെയും വിദ്യാര്‍ഥികളെയും ക്ഷണിച്ചിട്ടുണ്ട്. രാവിലെ 9.18-ന് നടക്കുന്ന വിക്ഷേപണത്തിന്റെ കൗണ്ട്ഡൗണ്‍ തുടങ്ങി. വിക്ഷേപണത്തിന് ആറര മണിക്കൂറു മുമ്പാണ് കൗണ്ട്ഡൗണ്‍ തുടങ്ങിയത്. നിര്‍മാണച്ചെലവ് വളരെ കുറവുള്ള എസ്.എസ്.എല്‍.വി. വിക്ഷേപണ സജ്ജമാക്കാന്‍ കുറച്ചു സമയം മതി എന്നതുകൊണ്ടാണ് കൗണ്ട്ഡൗണ്‍ സമയം കുറച്ചത്. ബഹിരാകാശ ഗവേഷണ മേഖല സ്വകാര്യമേഖലയ്ക്കുകൂടി തുറന്നുകൊടുക്കുന്നതിന് മുന്നോടിയായാണ് എസ്.എസ്.എല്‍.വി.ക്കു രൂപം നല്‍കിയത്.രാജ്യത്തിനകത്തും പുറത്തുമുള്ള സ്വകാര്യസംരംഭകര്‍ക്ക് ഇതിന്റെ സേവനം ഉപയോഗപ്പെടുത്താനാവും. ഐ.എസ്.ആര്‍.ഒ.യുടെ വാണിജ്യ വിഭാഗമായ എന്‍.എസ്.ഐ.എലിനായിരിക്കും അതിന്റെ ചുമതല. 72 മണിക്കൂര്‍കൊണ്ട് വിക്ഷേപണ സജ്ജമാക്കാംരണ്ടു മീറ്റര്‍ വ്യാസവും 34 മീറ്റര്‍ ഉയരവുമുള്ള എസ്.എസ്.എല്‍.വി. നിര്‍മിക്കാന്‍ 30 കോടി രൂപയേ ചെലവുവരൂ. ആറുപേര്‍ മാത്രമടങ്ങുന്ന സംഘത്തിന് 72 മണിക്കൂര്‍കൊണ്ട് ഇതിനെ വിക്ഷേപണസജ്ജമാക്കാന്‍ പറ്റും. എട്ടു കിലോഗ്രാം മാത്രമുള്ള ആസാദിസാറ്റിനെയും പ്രധാന ഉപഗ്രഹമായ ഇ.ഒ.എസ്.-02 നെയും ഭ്രമണപഥത്തിലെത്തിക്കാന്‍ എസ്.എസ്.എല്‍.വി.ക്ക് 12 മിനിറ്റു സമയം മതി. ഭൂപടനിര്‍മാണം പോലുള്ള ആവശ്യങ്ങള്‍ക്കാണ് ഇ.ഒ.എസ്.-02 പ്രധാനമായും ഉപയോഗിക്കുക.പെണ്‍കുട്ടികളില്‍ ശാസ്ത്രഗവേഷണാഭിരുചി വളര്‍ത്തുകയെന്നത് ലക്ഷ്യമിട്ടാണ് ആസാദി സാറ്റ് എന്ന കുഞ്ഞന്‍ ഉപഗ്രഹത്തെ എസ്.എസ്.എല്‍.വി. ഭ്രമണപഥത്തിലെത്തിക്കുന്നത്. ബഹിരാകാശ ഗവേഷണസ്ഥാപനമായ സ്പേസ് കിഡ്‌സിന്റെ നേതൃത്വത്തില്‍ ഈ ഉപഗ്രഹനിര്‍മാണത്തില്‍ പങ്കാളികളായവരില്‍ കേരളത്തിലെ മങ്കട, ചേരിയം ജി.എച്ച്.എസിലെ പത്തു കുട്ടികളും ഉള്‍പ്പെടുന്നു

Related News

ഥറിന്റെ മുകളില്‍ ഇരുന്ന് സാഹസിക യാത്ര; കോളേജിലേക്ക് 'മാസ്സ് ...
  • 21/01/2025
തെരുവ് നായ കുറുകെ ചാടി, ബ്രേക്കിട്ടു; വിവാഹ നിശ്ചയം കഴിഞ്ഞ് ...
  • 21/01/2025
മാളിന്‍റെ ബേസ്മെന്‍റില്‍ 30കാരിയുടെ മൃതദേഹം, കണ്ടത് വെള്ളത്ത ...
  • 21/01/2025
രാഷ്ട്രപതിയും പ്രധാന മന്ത്രിയും മഹാകുംഭ മേളയില്‍ പങ്കെടുക്കു ...
  • 21/01/2025
അഞ്ച് ദിവസത്തെ ആശുപത്രി വാസം, സെയ്ഫ് അലി ഖാനെ ‍ഡിസ്ചാര്‍ജ് ച ...
  • 21/01/2025
സെല്‍ഫിയും വിഡിയോയും മാത്രം, മാല വില്‍പ്പന നടക്കുന്നില്ല; കു ...
  • 21/01/2025
'ഗോഡ്‌സെ ഉതിര്‍ത്തത് ഒരു ബുള്ളറ്റ് മാത്രം, കണ്ടെത്തിയത് മൂന് ...
  • 20/01/2025
വീണ്ടും ഗര്‍ഭിണിയായ പശുവിന്റെ അകിട് അറുത്തു; കിടാവിനെ പുറത്ത ...
  • 20/01/2025
കുട്ടിയെ കാണണം, ടെക്കി അതുല്‍ സുഭാഷിന്റെ കുഞ്ഞിനെ അര മണിക്കൂ ...
  • 20/01/2025
താല്‍ക്കാലിക ആശ്വാസം, രാഹുല്‍ ഗാന്ധിക്കെതിരെയുള്ള മാനനഷ്ടക്ക ...
  • 20/01/2025
'നഷ്ടപരിഹാരമല്ല, നീതിയാണ് വേണ്ടത്'; 17 ലക്ഷം വേണ്ടെന്ന് ഡോക് ...
  • 20/01/2025
ആദ്യ ഭാര്യയെയും മക്കളെയും തിരിഞ്ഞു നോക്കിയില്ല, 65000 രൂപയ്ക ...
  • 19/01/2025