പഠനത്തിൽ മകളേക്കാള്‍ മുമ്പില്‍; എട്ടാം ക്ലാസുകാരന്‍റെ മരണത്തില്‍ ദുരൂഹത, സഹപാഠിയുടെ അമ്മ വിഷം കൊടുത്തു കൊലപ്പെടുത്തിയതെന്ന് ബന്ധുക്കള്‍

  • 04/09/2022

പുതുച്ചേരി: എട്ടാം ക്ലാസ് വിദ്യാര്‍ത്ഥി വിഷബാധയേറ്റ് മരിച്ച സംഭവത്തില്‍ സഹപാഠിയുടെ അമ്മക്കെതിരെ മരിച്ച കുട്ടിയുടെ ബന്ധുക്കള്‍. മകളുടെ സഹപാഠിയെ എട്ടാം ക്ലാസുകാരിയുടെ അമ്മ വിഷം കൊടുത്തു കൊലപ്പെടുത്തിയതാണെന്നാണ് ആരോപണം. പഠനത്തിൽ മകളേക്കാൾ മികവ് പുലര്‍ത്തിയതിനാണ് ക്രൂരത. പുതുച്ചേരി കാരയ്ക്കൽ സ്വദേശികളായ രാജേന്ദ്രൻ, മാലതി ദമ്പതിമാരുടെ മകൻ ബാലമണികണ്ഠൻ ആണ് മരിച്ചത്. വിഷബാധയേറ്റാണ് കുട്ടി മരിച്ചത്. 

സ്കൂൾ വാര്‍ഷിക ആഘോഷ പരിപാടികളുടെ പരിശീലത്തിന് എത്തിയ കുട്ടിക്ക് സഹപാഠിയുടെ അമ്മ വിഷം കലർത്തിയ ശീതളപാനീയം നൽകിയെന്നാണ് ആരോപണം. വീട്ടിലെത്തിയ ഉടൻ കുട്ടി തുടർച്ചയായിഛർദ്ദിക്കുകയും ശാരീരിക അസ്വസ്ഥതകൾ പ്രകടിപ്പിക്കുകയും ചെയ്തു.  തുടര്‍ന്ന് മാതാപിതാക്കള്‍ ബാല മണികണ്ഠനെ ഉടനെ കാരയ്ക്കൽ സർക്കാർ ജനറൽ ആശുപത്രിയിൽ പ്രവേശിപ്പിച്ചു. ചികിത്സയിലിരിക്കെ ഇന്നലെ രാത്രി പത്തരയോടെയാണ് കുട്ടി മരിച്ചത്. 

ക്ലാസിൽ ഒന്നാമനായ ബാല മണികണ്ഠനോടുള്ള അസൂയ മൂലം രണ്ടാം സ്ഥാനക്കാരിയായ സഹപാഠിയുടെ അമ്മ വിക്ടോറിയ സകയ റാണി ശീതളപാനീയത്തിൽ വിഷം കലർത്തി നൽകിയെന്നാണ് ബന്ധുക്കൾ ആരോപിക്കുന്നത്. കുട്ടിയുടെ മരണത്തെ തുടർന്ന് വിക്ടോറിയ സകയറാണിയെ പോലീസ് അറസ്റ്റ് ചെയ്തു. 

സ്കൂളിലെ സി സി ടി വി ദൃശ്യങ്ങൾ പരിശോധിച്ച പോലീസ് സകയ തന്നെയാണ് കുട്ടിക്ക് ശീതള പാനീയം നൽകിയതെന്ന് കണ്ടെത്തിയിട്ടുണ്ട്. ചോദ്യം ചെയ്യലിൽ കൂടുതൽ വിവരങ്ങൾ പുറത്തുവരുമെന്നാണ് പോലീസ് കരുതുന്നത്. എന്നാല്‍ ആശുപത്രിയിൽ പ്രവേശിപ്പിച്ചതിന് ശേഷവും നന്നായി സംസാരിക്കുകയും വലിയ അവശത പ്രകടമാക്കാതിരിക്കുകയും ചെയ്ത കുട്ടി പെട്ടെന്ന് മരിച്ചതിൽ ചികിത്സാപ്പിഴവുണ്ടെന്നും കുട്ടിയുടെ ബന്ധുക്കൾ ആരോപിക്കുന്നുണ്ട്. ന്യായവില കടയിൽ സെയിൽസ്മാനായ രാജേന്ദ്രന്റേയും മാലതിയുടേയും മൂന്ന് മക്കളിൽ രണ്ടാമനാണ് ബാല മണികണ്ഠൻ.   

Related News

'ഞെട്ടിക്കുന്ന അനീതി, കേന്ദ്ര സര്‍ക്കാര്‍ രാഷ്ട്രീയം കളിക്കു ...
  • 14/11/2024
193 പേരുമായി പറക്കുന്നതിനിടെ യാത്രക്കാരന്റെ സംശയം; ഇന്റിഗോ വ ...
  • 14/11/2024
ജന്‍ജാതീയ ഗൗരവ് ദിവസ് നവംബര്‍ 15ന്; മോദി ഉദ്ഘാടനം ചെയ്യും
  • 13/11/2024
ഝാര്‍ഖണ്ഡ് പോളിങ് ബൂത്തില്‍, ആദ്യഘട്ടത്തില്‍ ജനവിധി തേടി ചംപ ...
  • 12/11/2024
അറിഞ്ഞുകൊണ്ട് സെക്‌സിന് സമ്മതം നല്‍കിയാല്‍ വിവാഹവാഗ്ദാന പീഡന ...
  • 12/11/2024
സിദ്ദിഖിന്റെ മുന്‍കൂര്‍ ജാമ്യാപേക്ഷ അടുത്തയാഴ്ചയിലേക്കു മാറ് ...
  • 12/11/2024
വിസ്താരയ്ക്ക് വികാരപരമായ യാത്രയയപ്പ്; അവസാന വിമാനങ്ങള്‍ക്ക് ...
  • 11/11/2024
ഹൈവേയിലൂടെ പോകവേ കണ്ടെയ്നറിനെ വിഴുങ്ങി തീജ്വാലകള്‍, പ്രദേശത് ...
  • 10/11/2024
ഡ്രൈവര്‍ ഉറങ്ങിപ്പോയി, നിര്‍ത്തിയിട്ടിരുന്ന ട്രക്കിലേക്ക് കാ ...
  • 10/11/2024
ശസ്ത്രക്രിയയ്ക്ക് പോയ ദമ്ബതികള്‍ക്ക് വീല്‍ ചെയര്‍ പോലും നല്‍ ...
  • 10/11/2024
ഭാര്യയേയും മകനേയും കൊലപ്പെടുത്തിയ ശേഷം ബാങ്ക് ജീവനക്കാരനായ 3 ...
  • 10/11/2024
സുപ്രീംകോടതി ചീഫ് ജസ്റ്റിസായി ജസ്റ്റിസ് സഞ്ജീവ് ഖന്ന നാളെ ചു ...
  • 10/11/2024