മരുമകൻ 108 കോടി രൂപയും ആയിരം പവനും തട്ടിയെടുത്തു; പരാതിയുമായി പ്രവാസി വ്യവസായി

  • 25/11/2022

ആലുവ: മരുമകൻ 108 കോടിയിലധികം രൂപയും ആയിരം പവനും തട്ടിയെടുത്തെന്ന് പരാതി നല്‍കി പ്രവാസി മലയാളി വ്യവസായി. യു.എ.ഇ.യിൽ വിദ്യാഭ്യാസ മേഖലയിൽ പ്രവർത്തിക്കുന്ന, ആലുവ തൈനോത്തിൽ റോഡിൽ അബ്ദുൾ ലാഹിർ ഹസൻ ആണ് മരുമകനെതിരെ പരാതി നല്‍കിയത്.

കാസർകോട് സ്വദേശിയായ മരുമകൻ മുഹമ്മദ് ഹാഫിസ് പലപ്പോഴായി തെറ്റിദ്ധരിപ്പിച്ച് പണം തട്ടിയെടുത്തെന്നാണ് പരാതി. പരാതിയിൽ അന്വേഷണം റൂറൽ ജില്ലാ ക്രൈം ബ്രാഞ്ചിന് കൈമാറി. വിവിധ പദ്ധതികളെക്കുറിച്ചു പറഞ്ഞ് നാല് വർഷത്തിനിടെ 108 കോടി രൂപ തട്ടിയെടുത്തെന്നാണ് പോലീസിൽ നൽകിയ പരാതിയിലുള്ളത്. 

അഞ്ച് വർഷം മുമ്പാണ് അബ്ദുൾ ലാഹിർ ഹസൻറെ മകളും ഹാഫിസുമായുള്ള വിവാഹം നടന്നത്. തന്റെ കമ്പനിയിൽ എൻഫോഴ്‌സ്‌മെന്റ് റെയ്ഡ് നടന്നുവെന്നു പറഞ്ഞ് പിഴയടയ്ക്കാനെന്ന മട്ടിൽ 3.9 കോടി രൂപ വാങ്ങിയാണ് ഇയാള്‍ തട്ടിപ്പിന്റെ തുടക്കമിട്ടത്.  

പിന്നീട് ബെംഗളൂരുവിൽ കെട്ടിടം വാങ്ങാൻ പണം നൽകിയെങ്കിലും വ്യാജരേഖ നൽകി കബളിപ്പിച്ചു. ബോളിവുഡ് താരം സോനം കപൂറിനെന്ന പേരിൽ 35 ലക്ഷം രൂപയോളം ചെലവാക്കി വസ്ത്രം ഡിസൈന്‍ ചെയ്യിപ്പിച്ച് ബൊട്ടീക് ഉടമയായ തന്റെ ഭാര്യയെയും കബളിപ്പിച്ചെന്ന് വ്യവസായി പരാതിയില്‍ പറയുന്നു. വിവാഹത്തിനു നൽകിയ 1000 പവൻ സ്വർണവും വജ്രവുമടങ്ങുന്ന ആഭരണങ്ങളും വിറ്റു. 1.5 കോടി രൂപയുടെ കാറും കോടികളുടെ കെട്ടിടങ്ങളും തട്ടിയെടുത്തു.

പണം വാങ്ങുന്നതിനായി ഹാഫിസ് നൽകിയ ബിരുദ സർട്ടിഫിക്കറ്റും മറ്റ് രേഖകളുമെല്ലാം വ്യാജമാണെന്ന് കണ്ടെത്തി. മുഹമ്മദ് ഹാഫിസിനെതിരേ ആലുവ ഡിവൈ.എസ്.പി.ക്ക്‌ ഓഗസ്റ്റിൽ പരാതിയും തെളിവുകളും നൽകിയെങ്കിലും അന്വേഷണത്തിൽ പുരോഗതിയുണ്ടായില്ലെന്ന് അദ്ദേഹം ആരോപിച്ചു. പിന്നീടാണ് എ.ഡി.ജി.പി.ക്ക്‌ പരാതി നൽകിയത്. തുടർന്നാണ് കേസന്വേഷണം ആലുവ റൂറൽ ജില്ലാ ക്രൈം ബ്രാഞ്ചിന് കൈമാറിയത്.

 

Related News

രണ്ട് ചക്രവാതച്ചുഴികള്‍; കേരളത്തില്‍ ശക്തമായ മഴയ്ക്ക് സാദ്ധ് ...
  • 22/09/2024
അൻവറിന് സിപിഎം വധശിക്ഷ:കുരുക്കിടുന്നതിനു മുമ്ബ് തടവറയില്‍ നി ...
  • 22/09/2024
'ജീവനെടുത്തത് ശ്വാസകോശത്തിലേറ്റ ആഴത്തിലുള്ള മുറിവ്';19 കാരന് ...
  • 21/09/2024
പൂരം കലക്കല്‍: ബാഹ്യ ഇടപെടലില്ല എന്ന റിപ്പോര്‍ട്ട് അംഗീകരിക് ...
  • 21/09/2024
'ഇവിടെയൊക്കെ തന്നെ കാണും, ആരും ഒരു ചുക്കും ചെയ്യില്ല'; പി.വി ...
  • 21/09/2024
പി വി അൻവറിനെതിരെ അതിരൂക്ഷ വിമര്‍ശനവുമായി മുഖ്യമന്ത്രി, ഇടതു ...
  • 21/09/2024
തൃശൂര്‍ പൂരം കലക്കലിലെ അന്വേഷണം; തെറ്റായ വിവരാകാശ മറുപടി നല് ...
  • 20/09/2024
ആര്‍എസ്‌എസ് കൂടിക്കാഴ്ച; അജിത് കുമാറിനെ ക്രമസമാധാന ചുമതലയില് ...
  • 19/09/2024
നിപയും എം പോക്സും; മലപ്പുറത്ത് കര്‍ശന നിയന്ത്രണങ്ങള്‍ തുടരുന ...
  • 19/09/2024
മലയാളി യുവതിയുടെ മരണം; ഇവൈ കമ്ബനിയെ പ്രതിരോധത്തിലാക്കി ജീവനക ...
  • 19/09/2024
കേരളത്തില്‍ അഞ്ചു ദിവസം ചൂടുകൂടും, നാലു ജില്ലകള്‍ക്ക് മുന്നറ ...
  • 19/09/2024
പി. ശശിക്കെതിരെ സിപിഎമ്മിന് പരാതി എഴുതിനല്‍കി പി.വി അൻവര്‍ എ ...
  • 19/09/2024