മുഖ്യമന്ത്രി ക്വാറന്റീനിൽ പോയാൽ ആളുകൾക്ക് സ്വതന്ത്രമായി സഞ്ചരിക്കാം; പി.കെ കൃഷ്ണദാസ്

  • 23/02/2023

മുഖ്യമന്ത്രി ക്വാറന്റീനിൽ പോയാൽ ആളുകൾക്ക് സ്വതന്ത്രമായി സഞ്ചരിക്കാമെന്ന് ബിജെപി നേതാവ് പി.കെ കൃഷ്ണദാസിന്റെ പരിഹാസം. മുഖ്യമന്ത്രിയെ ക്വാറന്റീനിൽ ആക്കിയാൽ സർക്കാരിന് അത് ലാഭമാകും. ജനാധിപത്യ പ്രതിഷേധത്തെ ആക്രമിക്കുകയാണ് സർക്കാർ. സിപിഐഎം യാത്ര പൊറാട്ട് നാടകമാണ്. സത്യത്തെ പ്രതിരോധിക്കാനാണ് ഈ പ്രച്ഛന്ന യാത്ര നടത്തുന്നതെന്നും അദ്ദേഹം ആരോപിച്ചു. 

ഭരണപരാജയവും പാർട്ടിക്ക് അകത്തെ ആഭ്യന്തര പ്രശ്‌നവും മറച്ചുവയ്ക്കാനാണ് യാത്ര. കേരളം സാമ്പത്തികമായി കൂപ്പുകുത്തുകയാണ്. എന്നിട്ടും ധൂർത്തിനും ദുർവ്യയത്തിനും കുറവില്ല. വിലക്കയറ്റം രൂക്ഷമായതോടെ ജനജീവിതം ദുസഹമായിരിക്കുകയാണ്. മുഖ്യമന്ത്രി സ്വർണക്കടത്ത് നടത്തുമ്പോൾ ആകാശ് തില്ലങ്കേരിക്ക് എന്തുകൊണ്ട് ആയിക്കൂടാ എന്നാണ് ചിന്ത. പകലിൽ ലഹരി വിരുദ്ധതയും രാത്രി ലഹരി വ്യാപാരവുമാണ് സിപിഐഎംകാരുടെ പ്രധാന പണി.

സിപിഐഎമ്മിൽ ചേരിപ്പോരാണ് നടക്കുന്നത്. ഇപി ജയരാജൻ ജാഥയിൽ നിന്ന് വിട്ടുനിൽക്കാൻ കാരണം ഇതാണ്. സ്വന്തം ജില്ലയിൽ പോലും ജയരാജൻ പങ്കെടുക്കുന്നില്ല. പാർട്ടിയിലെ പ്രശ്‌നം കേരളത്തിന്റെ തെരുവിൽ വരെ എത്തിയിരിക്കുകയാണ്. ആലപ്പുഴയിൽ സിപിഐഎമ്മിനുള്ളിലെ തമ്മിലടി കവലയിൽ വരെ എത്തിയത് എല്ലാവരും കണ്ടതാണല്ലോ.

കോഴിക്കോട് നടന്നത് ജനാധിപത്യ പ്രതിഷേധമാണ്. പ്രവർത്തകനെ ആദ്യം മർദിച്ചത് പൊലീസ് തന്നെയാണ്. പലർക്കും ഗുരുതരമായി പരിക്കേറ്റിരുന്നു. ഇവർക്ക് ചികിത്സ ലഭ്യമാക്കിയത് കോടതിയിടപെട്ടാണ്. ഇതെന്ത് പൊലീസാണെന്നാണ് മനസിലാകാത്തത്. ചില പൊലീസ് ഓഫീസർമാർ മാർക്‌സിസ്റ്റ് ചമയുകയാണ്. പാർലമെന്റ് തെരഞ്ഞെടുപ്പ് കെ. സുരേന്ദ്രൻ നയിക്കുമെന്നും തങ്ങൾക്ക് അക്കാര്യത്തിൽ സംശയമില്ലെന്നും അദ്ദേഹം വ്യക്തമാക്കി.

Related News

രണ്ട് ചക്രവാതച്ചുഴികള്‍, കേരളത്തില്‍ ഇടിയോടുകൂടി മഴയെത്തും, ...
  • 14/11/2024
ആത്മകഥ വിവാദം; ഇ പി ജയരാജന്‍ സിപിഎം സംസ്ഥാന സെക്രട്ടേറിയറ്റി ...
  • 14/11/2024
ആത്മകഥാ വിവാദം; 'ഇപി ജയരാജനോട് പാര്‍ട്ടി വിശദീകരണം ചോദിക്കേണ ...
  • 14/11/2024
കൊച്ചിയിലെത്തിയ വിമാനത്തിൻ്റെ സീറ്റില്‍ ഒരു ടിഷ്യു പേപ്പര്‍; ...
  • 14/11/2024
പ്രത്യേക മുന്നറിയിപ്പുമായി പൊലീസ്; 'വൈദ്യുതി കെണിയൊരുക്കുന്ന ...
  • 14/11/2024
ഇ പിയെ പിന്നില്‍ നിന്ന് കുത്തിയത് പാര്‍ട്ടി നേതാക്കള്‍; അന്വ ...
  • 14/11/2024
ആന എഴുന്നള്ളിപ്പ്; സുപ്രധാന മാര്‍ഗ നിര്‍ദേശവുമായി ഹൈക്കോടതി; ...
  • 14/11/2024
ഇടുക്കി വഴിയുള്ള ശബരിമല തീര്‍ത്ഥാടനം; സുരക്ഷ കേരളവും തമിഴ്നാ ...
  • 13/11/2024
എഡിഎം നവീൻ ബാബുവിന്റെ മരണം; പ്രത്യേക അന്വേഷണ സംഘം കുടുംബത്തി ...
  • 13/11/2024
'ജയരാജന്റെ പുസ്തക പ്രകാശനം മാറ്റി വയ്ക്കാൻ മുഖ്യമന്ത്രിയുടെ ...
  • 13/11/2024
വിലക്ക് ലംഘിച്ച്‌ വാര്‍ത്താസമ്മേളനം, പി വി അന്‍വറിനെതിരെ കേസ ...
  • 12/11/2024
ന്യൂനമര്‍ദ്ദവും ചക്രവാതച്ചുഴിയും; മഴ വീണ്ടും ശക്തമാകുന്നു, 5 ...
  • 12/11/2024