'അദാനി'യിൽ ഇന്നും പ്രതിപക്ഷ ബഹളം, ഇരുസഭകളും നിർത്തിവച്ചു; രാഹുൽ ഗാന്ധി പാർലമെന്റിൽ

  • 16/03/2023

ദില്ലി: വിദേശത്തുനടത്തിയ പരമാർശങ്ങളുടെ പേരിൽ മാപ്പ് പറയണമെന്നാവശ്യപ്പെട്ട് ഭരണപക്ഷം ഇരു സഭകളിലും പ്രതിഷേധിക്കുന്നതിനിടെ രാഹുൽ ഗാന്ധി പാർലമെന്റിൽ എത്തി. വിദേശത്ത് രാഹുൽ നടത്തിയ പരാമർശങ്ങൾ ഇന്ത്യ വിരുദ്ധം എന്നതാണ് ബിജെപിയുടെ ആരോപണം. ഇതിൽ രാഹുൽ മാപ്പ് പറയണമെന്നാണ് ഭരണപക്ഷം തുടർച്ചയായി സഭയിൽ ആവശ്യപ്പെടുന്നത്. വിദേശ സന്ദർശനത്തിന് ശേഷം ഇന്നലെയാണ് രാഹുൽ ഇന്ത്യയിൽ എത്തിയത്. എന്നാൽ ഒന്നും രാജ്യ വിരുദ്ധമായി പറഞ്ഞിട്ടില്ലെന്ന് രാഹുൽ ഗാന്ധി പറഞ്ഞു. അനുവദിക്കുകയാണെങ്കിൽ പാർലമെന്റിന് അകത്ത് സംസാരിക്കുമെന്നും രാഹുൽ വ്യക്തമാക്കി. 

അതേസമയം പാർലമെൻറ്  സമ്മേളനത്തിൻറെ നാലാംദിവസവും ഭരണപക്ഷ പ്രതിപക്ഷ ബഹളത്തെ തുടർന്ന് സഭ തടസ്സപ്പെട്ടു. രാഹുലിൻറെ പരാമർശങ്ങൾ ഉയർത്തി ബിജെപിയും അദാനി വിഷയം ഉയർത്തി പ്രതിപക്ഷവും ലോക്‌സഭയിലും രാജ്യസഭയിലും ബഹളം വെക്കുകയായിരുന്നു. തുടർന്ന് ഇരു സഭകളും രണ്ട് മണി വരെ നിർത്തിവെച്ചു. രാജ്യസഭയിൽ തൃണമൂൽ കോൺഗ്രസ് നേതാവ് ഡെറിക് ഒബ്രിയാൻ ഉൾപ്പെടെയുള്ളവർ വാ മൂടിക്കെട്ടി പ്രതിഷേധിച്ചു. പാർലമെൻറ് ചേരുന്നതിന് മുൻപ് പ്രധാനമന്ത്രി നരേന്ദ്രമോദി  മന്ത്രിമാരുമായി ചർച്ച നടത്തിയിരുന്നു. കോൺഗ്രസിൻറെ നേതൃത്വത്തിൽ പ്രതിപക്ഷ പാർട്ടികളും പാർലമെൻറിൽ യോഗം ചേർന്നിരുന്നു. 

എന്നാൽ ഇതിന് പിന്നാലെ പ്രതിപക്ഷ എംപിമാർ പാർലമെന്റിന് പുറത്ത് പ്രതിഷേധിച്ചു. പാർലമെന്റിന്  പുറത്ത് മനുഷ്യ ചങ്ങല തീർത്താണ് പ്രതിപക്ഷ എംപിമാർ പ്രതിഷേധിച്ചത്. അദാനി വിഷയത്തിൽ ജെപിസി അന്വേഷണം ആവശ്യപ്പെട്ടാണ് പ്രതിഷേധം. അദാനിയാണ് 'ഷോ' നടത്തുന്നതെന്ന് കോൺഗ്രസ് നേതാവ് പവൻ ഖേര ആഞ്ഞടിച്ചു. പാർലമെൻറ് നടത്താൻ അനുവദിക്കാത്തത് ഭരണപക്ഷം എന്നും പവൻ ഖേര കുറ്റപ്പെടുത്തി. ഇന്ത്യയുടെ വിദേശ മന്ത്രി പറയുന്നു ചൈന വലിയ സാമ്പത്തിക ശക്തിയാണെന്ന്. ഇത് രാജ്യത്തെ അപമാനിക്കൽ അല്ലേ എന്ന് പവൻ ഖേര ചേദിച്ചു.

Related News

ആരോഗ്യ പ്രവര്‍ത്തകരുടെ സുരക്ഷ; പ്രത്യേക നിയമം ആവശ്യമില്ലെന്ന ...
  • 17/11/2024
മണിപ്പൂരില്‍ നദിയില്‍ നിന്നും രണ്ടു മൃതദേഹങ്ങള്‍ കൂടി കണ്ടെട ...
  • 17/11/2024
മണിപ്പൂരില്‍ ക്രൈസ്തവ ദേവാലയങ്ങള്‍ക്ക് തീയിട്ടു; കുക്കി വീടു ...
  • 16/11/2024
ആറ് ദിവസത്തില്‍ മൂന്ന് രാജ്യങ്ങള്‍: മോദി ഇന്ന് നൈജീരിയയിലേക് ...
  • 16/11/2024
മുൻ എസ്പി, ഉന്നത പദവി വാഗ്ദാനം ചെയ്ത് 25 ലക്ഷം തട്ടി; പരാതിയ ...
  • 16/11/2024
3 വര്‍ഷം പ്രണയം; ആളൊഴിഞ്ഞ സ്ഥലത്ത് വെച്ച്‌ കാമുകിയെ ചുംബിച്ച ...
  • 16/11/2024
കൈക്കുഞ്ഞുള്‍പ്പെടെ 2 കുട്ടികളും ഒരു സ്ത്രീയും, അഴുകിയ മൃതദേ ...
  • 16/11/2024
വയനാട് ഉരുള്‍പൊട്ടല്‍ ദുരന്തബാധിതരുടെ കടം എഴുതിത്തള്ളാൻ നിര് ...
  • 16/11/2024
എലിവിഷം വച്ച മുറിയില്‍ കിടന്നുറങ്ങി, 2 കുഞ്ഞുങ്ങള്‍ക്ക് ദാരു ...
  • 15/11/2024
പ്രൈമറി സ്കൂളുകള്‍ അടച്ചിടും, ഡീസല്‍ ബസ് വേണ്ട, നിര്‍മ്മാണ പ ...
  • 15/11/2024
ട്രംപിന്റെ വിജയം: അദാനിയുടെ കണ്ണുകള്‍ യുഎസിലേക്ക്, വൻ നിക്ഷേ ...
  • 14/11/2024
'ഞെട്ടിക്കുന്ന അനീതി, കേന്ദ്ര സര്‍ക്കാര്‍ രാഷ്ട്രീയം കളിക്കു ...
  • 14/11/2024