മോണിംഗ് വാക്കിന് പോയ ആളെ തെരുവുനായ്ക്കൾ കടിച്ചുകീറി കൊന്നു; പേടിയിൽ നാട്ടുകാർ

  • 16/04/2023

തെരുവുനായ്ക്കളുടെ ആക്രമണത്തിൽ കൊല്ലപ്പെട്ടവർ ഏറെയാണ്. ഗുരുതരമായും അല്ലാതെയുമെല്ലാം പരുക്കേറ്റവരും ഏറെയുണ്ട്.  ഇത്തരത്തിലുള്ള ഓരോ സംഭവം ഉണ്ടാകുമ്പോഴും കാര്യമായ ചർച്ചകൾ ഉയരുകയും ഈ ദുരന്തം ആവർത്തിക്കാതിരിക്കാൻ അധികൃതർ വേണ്ട നടപടികൾ കൈക്കൊള്ളണമെന്ന ആവശ്യം ശക്തമാകുന്നതോടെ ഏതെങ്കിലും വിധത്തിൽ അതത് അധികാരകേന്ദ്രങ്ങൾ ഇടപെടൽ നടത്തുകയും ചെയ്യാറുണ്ട്. എന്നാൽ ഈ ഇടപെടലുകൾക്കൊന്നും ഇതുപോലുള്ള ദുരന്തങ്ങളെ പ്രതിരോധിക്കാൻ കഴിയുന്നില്ല എന്നാണ് പല സംഭവങ്ങളും ആവർത്തിക്കപ്പെടുന്നതിലൂടെ മനസിലാക്കാൻ സാധിക്കുക.

ഇപ്പോഴിതാ അതിദാരുണമായ രീതിയിൽതെരുവുനായ്ക്കളുടെ ആക്രമണത്തിൽ ഒരാൾ കൂടി കൊല്ലപ്പെട്ടിരിക്കുകയാണ്. റിട്ടയേഡ് ഡോക്ടർ സഫ്ദർ അലി എന്ന അറുപത്തിയഞ്ചുകാരനാണ് നായ്ക്കളുടെ ആക്രമണത്തെ തുടർന്ന് മരിച്ചത്. ഉത്തർപ്രദേശിലെ അലിഗഡിൽ ഇന്ന് രാവിലെയാണ് സംഭവം നടന്നിരിക്കുന്നത്. താന സിവിൽ ലൈൻസ് ഏരിയയിലുള്ള അലിഗഡ് യൂണിവേഴ്‌സിറ്റി ക്യാംപസിനകത്ത് വച്ചാണ് ഞെട്ടിക്കുന്ന അപകടമുണ്ടായിരിക്കുന്നത്.  സിവിൽ ലൈൻസ് ഏരിയിൽ തന്നെ താമസിക്കുന്ന ഡോക്ടർ  പ്രഭാതനടത്തത്തിലായിരുന്നു. രാവിലെ ആറ് മണി സമയം. നടത്തത്തിനിടെ മൊബൈൽ ഫോൺ നോക്കി ഇവിടെ തന്നെയുള്ള ഒരുദ്യാനത്തിൽ ഏതാനും നിമിഷങ്ങൾ നിന്നതായിരുന്നു അദ്ദേഹം.

ഈ സമയത്ത് നായ്ക്കൾ ഇദ്ദേഹത്തെ ലക്ഷ്യം വച്ച് പാഞ്ഞടുക്കുകയായിരുന്നു. ഇതെല്ലാം ഇപ്പോൾ വ്യാപകമായി പ്രചരിക്കുന്ന വീഡിയോകളിൽ വ്യക്തമായി കാണാം. അര ഡസനിലധികം വരുന്ന നായ്ക്കൾ ചുറ്റും നിന്ന് ഡോക്ടറെ കടിച്ചുകീറി. രക്ഷപ്പെടാൻ സാധിക്കാത്തവണ്ണം ഇദ്ദേഹം തളർന്നുവീഴുന്നത് വീഡിയോയിൽ കാണാം. തീർച്ചയായും പേടിപ്പെടുത്തുന്ന, ഹൃദയം മരവിപ്പിക്കുന്നൊരു കാഴ്ച തന്നെയാണിത്. സംഭവം നടന്ന് വൈകാതെ തന്നെ ആരോ പൊലീസിന് വിവരമറിയിച്ച് പൊലീസ് സ്ഥലത്തെത്തിയെങ്കിലും ഇതിനോടകം തന്നെ ഡോക്ടറുടെ മരണം സംഭവിച്ചിരുന്നു. പോസ്റ്റുമോർട്ടം റിപ്പോർട്ട് കൂടി വന്നാലേ മരണകാരണം വിശദമാക്കാൻ സാധിക്കൂ എന്നാണ് പൊലീസ് അറിയിക്കുന്നത്. 

മാസങ്ങളായി യുപിയിൽ പല സ്ഥലങ്ങളിലായി പൊതുവിടങ്ങളിൽ തെരുവുനായ ആക്രമണം കൂടിയിട്ടുണ്ട്. ഇത്തരത്തിലുള്ള സംഭവങ്ങൾ ഒരുപാട് റിപ്പോർട്ട് ചെയ്യപ്പെടുകയും ചെയ്തിട്ടുണ്ട്. എന്നിട്ടും യാതൊരു നടപടിയും അധികൃതർ കൈക്കൊള്ളാതിരുന്നതോടെയാണ് ഈ ദുരന്തം കൂടി നേരിൽ കാണേണ്ടി വന്നിരിക്കുന്നതെന്നാണ് ജനങ്ങളുടെ ഭാഗത്ത് നിന്ന് വരുന്ന പ്രതികരണം. പ്രത്യേകിച്ച് സോഷ്യൽ മീഡിയയിലെല്ലാം വലിയ രീതിയിലാണ് സംഭവം ചർച്ചയായിരിക്കുന്നത്. 

അത്രയും സുരക്ഷിതമെന്ന് നാം ചിന്തിക്കുന്ന ഒരിടത്ത് എങ്ങനെയാണ് ഇങ്ങനെയൊരു അപകടമുണ്ടാകുന്നതെന്നും, ഈയൊരു സാഹചര്യം ഒരിക്കലും അംഗീകരിക്കാവുന്നതല്ലെന്നുമാണ് വീഡിയോ കണ്ടവരെല്ലാം രോഷത്തോടെ പ്രതികരിക്കുന്നത്.

Related News

ആരോഗ്യ പ്രവര്‍ത്തകരുടെ സുരക്ഷ; പ്രത്യേക നിയമം ആവശ്യമില്ലെന്ന ...
  • 17/11/2024
മണിപ്പൂരില്‍ നദിയില്‍ നിന്നും രണ്ടു മൃതദേഹങ്ങള്‍ കൂടി കണ്ടെട ...
  • 17/11/2024
മണിപ്പൂരില്‍ ക്രൈസ്തവ ദേവാലയങ്ങള്‍ക്ക് തീയിട്ടു; കുക്കി വീടു ...
  • 16/11/2024
ആറ് ദിവസത്തില്‍ മൂന്ന് രാജ്യങ്ങള്‍: മോദി ഇന്ന് നൈജീരിയയിലേക് ...
  • 16/11/2024
മുൻ എസ്പി, ഉന്നത പദവി വാഗ്ദാനം ചെയ്ത് 25 ലക്ഷം തട്ടി; പരാതിയ ...
  • 16/11/2024
3 വര്‍ഷം പ്രണയം; ആളൊഴിഞ്ഞ സ്ഥലത്ത് വെച്ച്‌ കാമുകിയെ ചുംബിച്ച ...
  • 16/11/2024
കൈക്കുഞ്ഞുള്‍പ്പെടെ 2 കുട്ടികളും ഒരു സ്ത്രീയും, അഴുകിയ മൃതദേ ...
  • 16/11/2024
വയനാട് ഉരുള്‍പൊട്ടല്‍ ദുരന്തബാധിതരുടെ കടം എഴുതിത്തള്ളാൻ നിര് ...
  • 16/11/2024
എലിവിഷം വച്ച മുറിയില്‍ കിടന്നുറങ്ങി, 2 കുഞ്ഞുങ്ങള്‍ക്ക് ദാരു ...
  • 15/11/2024
പ്രൈമറി സ്കൂളുകള്‍ അടച്ചിടും, ഡീസല്‍ ബസ് വേണ്ട, നിര്‍മ്മാണ പ ...
  • 15/11/2024
ട്രംപിന്റെ വിജയം: അദാനിയുടെ കണ്ണുകള്‍ യുഎസിലേക്ക്, വൻ നിക്ഷേ ...
  • 14/11/2024
'ഞെട്ടിക്കുന്ന അനീതി, കേന്ദ്ര സര്‍ക്കാര്‍ രാഷ്ട്രീയം കളിക്കു ...
  • 14/11/2024