മണിപ്പൂര്‍ ബിഷ്ണുപൂര്‍ ജില്ലയിലെ ഹയോതക് ഗ്രാമത്തില്‍ വെടിവെപ്പ് നടന്നതായി റിപ്പോര്‍ട്ട്. പ്രദേശത്തുനിന്ന് നാല് പേരെ കാണാനില്ലെന്ന് പരാതി ഉയര്‍ന്നു. ബിഷ്ണുപൂര്‍ - ചുരാചന്ദ്പൂര്‍ മലനിരകള്‍ക്ക് സമീപം വിറക് ശേഖരിക്കാൻ പോയവരെയാണ് കാണാതായത്. കേന്ദ്രസേനയുടെ സഹായത്തോടെ ഇവര്‍ക്കായി തിരച്ചില്‍ ആരംഭിച്ചതായി പൊലീസ് അറിയിച്ചു.
ദാരാ സിംഗ്, ഇബോംച സിംഗ്, റോമൻ സിംഗ്, ആനന്ദ് സിംഗ് എന്നിവരാണ് കാണാതായത്. വെടിവെപ്പുണ്ടായ സ്ഥലത്തിന് സമീപത്തുനിന്നാണ് ഇവരെ കാണാതാകുന്നത്.
കാണാതായവരുടെ ബന്ധുക്കളില്‍നിന്ന് വലിയ രീതിയിലുള്ള പ്രതിഷേധം ഉയര്‍ന്നിട്ടുണ്ട്. ഇതിനെ തുടര്‍ന്നാണ് തിരച്ചില്‍ ഊര്‍ജിതമാക്കിയത്. അതേസമയം, ഇവര്‍ ഏതെങ്കിലും തീവ്രസംഘങ്ങളുടെ കൈവശം അകപ്പെട്ടിട്ടുണ്ടോ എന്ന സംശയം പൊലീസിനുണ്ട്. അതിനാല്‍ വലിയ ആശങ്കയിലാണ് കുടുംബങ്ങള്‍.
പ്രദേശത്ത് വലിയരീതിയിലുള്ള വെടിവെപ്പ് കഴിഞ്ഞദിവസങ്ങളില്‍ നടന്നിരുന്നു. ആറ് റൗണ്ട് വെടിവെച്ചുവെന്നാണ് പ്രദേശവാസികള്‍ പറയുന്നത്. സ്ത്രീകള്‍ക്കും കുട്ടികള്‍ നേരെയും വെടിയുതിര്‍ത്തതായും റിപ്പോര്‍ട്ടുണ്ട്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?