ട്രാഫിക് ബ്ലോക്കില്‍ വെച്ച്‌ വ്യവസായിയെ വെടിവെച്ചുകൊന്ന കേസിലെ രണ്ട് പ്രതികളെ പൊലീസ് വെടിവെപ്പില്‍ പരിക്കേറ്റ് ആശുപത്രിയില്‍ പ്രവേശിപ്പിച്ചു. വ്യാഴാഴ്ച പുലർച്ചെയായിരുന്നു ഏറ്റുമുട്ടല്‍. കഴിഞ്ഞ മാസമാണ് കേസിന് ആധാരമായ കൊലപാതകം നടന്നത്. അന്നു മുതല്‍ പ്രതികള്‍ പൊലീസിനെ വെട്ടിച്ച്‌ ഒളിവില്‍ കഴിയുകയായിരുന്നു.
വ്യാഴാഴ്ച പുലർച്ചെ സൗത്ത് ഡല്‍ഹിയിലെ ബിആർടി കോറിഡോറിലൂടെ പ്രതികള്‍ ബൈക്കില്‍ സഞ്ചരിക്കുകയായിരുന്നു. ഇവിടെയുള്ള സിഎൻജി പമ്ബിനടത്തുവെച്ച്‌ ഇവർ പൊലീസുകാർക്ക് നേരെ വെടിവെച്ചു. പൊലീസ് തിരിച്ച്‌ നടത്തിയ വെടിവെപ്പിലാണ് രണ്ട് പേർക്ക് പരിക്കേറ്റത്. തുടർന്ന് ഇവരെ ആശുപത്രിയില്‍ പ്രവേശിപ്പിച്ചു.
മേയ് 15നാണ് വ്യവസായിയായ അരുണ്‍ ലോഹിയയെ ഡല്‍ഹി ഛത്താർപൂരില്‍ വെച്ച്‌ കാറില്‍ സഞ്ചരിക്കവെ ഒരു സംഘം വെടിവെച്ചുകൊന്നത്. അച്ഛനൊപ്പം കാറില്‍ സഞ്ചരിക്കുമ്ബോഴായിരുന്നു ഇത്. സാകേതിലെ കോടതിയില്‍ ഹാജരായ ശേഷം മടങ്ങുമ്ബോള്‍ ഒരു ഗുരുദ്വാരയ്ക്ക് സമീപം കാർ ട്രാഫിക് ബ്ലോക്കില്‍ കുരുങ്ങി. ഈ സമയത്താണ് രണ്ട് പേർ കാറിനടുത്തേക്ക് ഓടിയെത്തി തൊട്ടടുത്ത് നിന്ന് അരുണിനെ വെടിവെച്ചത്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?