എഞ്ചിനീയേഴ്‌സ് ഫോറം ഇന്ത്യൻ അംബാസഡറുമായി കൂടിക്കാഴ്ച നടത്തി

  • 04/12/2020

കുവൈറ്റ് എൻജിനീയേഴ്‌സ് ഫോറം (കെ. ഇ. എഫ്.) പ്രതിനിധികൾ ഇന്ത്യൻ സ്ഥാനപതി ശ്രീ സിബി ജോർജിനെ സന്ദർശിച്ച്   പ്രവാസികൾ നേരിട്ടുകൊണ്ടിരിക്കുന്ന വിവിധ പ്രശ്നങ്ങൾ ചർച്ച ചെയ്തു. 

ഇഖാമ പുതുക്കുന്നതുമായി ബന്ധപ്പെട്ട് ഏർപ്പെടുത്തിയ കടുത്ത മാനദണ്ഡങ്ങൾ മൂലം പ്രയാസപ്പെടുന്ന എൻജിനീയർമാരുടെയും കുടുംബങ്ങളുടെയും കാര്യങ്ങൾ അദ്ദേഹത്തിന്റെ ശ്രദ്ധയിൽ പെടുത്തി. മുൻ കാലങ്ങളിൽ NOC നിഷേധിക്കപ്പെട്ട ചില വിഭാഗം എഞ്ചിനീയർമാർക്ക് ഇപ്പോൾ വിസ പുതുക്കൽ സാധ്യമായതും നേരത്തെ ഏർപ്പെടുത്തിയിരുന്ന സമ്പൂർണ്ണ വിലക്ക് നീക്കം ചെയ്തതും  അടക്കം ഏതാനും  കാര്യങ്ങൾ എംബസ്സിയുടെ ശക്തമായ ഇടപെടലുകളിലൂടെ സാധ്യമായതിന്റെ സന്തോഷം ഭാരവാഹികൾ പങ്കുവെച്ചു. 

നാട്ടിലേക്ക് പോകുവാൻ കഴിയാതിരിക്കുന്നതും തിരിച്ച് കുവൈത്തിലേക്ക് വരാൻ നിവൃത്തി ഇല്ലാത്തതുമായ സാഹചര്യം നിരവധി പേരെ സാമ്പത്തികമായും മാനസികമായും സമ്മർദ്ദത്തിലാക്കിയ പശ്ചാത്തലത്തിൽ ഇന്ത്യ- കുവൈത്ത് വ്യോമഗതാഗതം എത്രയും വേഗം പുനഃസ്ഥാപിക്കപ്പെടുന്നത് നിരവധിയാളുകൾക്ക് ആശ്വാസമേകും എന്നതിനാൽ ആ രംഗത്ത് വേണ്ട ഇടപെടലുകൾ നടത്തുവാൻ കെ ഇ എഫ് അംബാസഡറോട് അഭ്യർത്ഥിച്ചു.
എംബസ്സിയിലെയും സേവാ കേന്ദ്രങ്ങളിലെയും പ്രവർത്തനങ്ങൾ കാര്യക്ഷമമാക്കിയും  ഉപഭോക്‌തൃസൗഹൃദ അന്തരീക്ഷം സൃഷ്ടിച്ചും ഇവിടങ്ങളിലെ  സന്ദർശനം 'മനോഹരമായ ഒരു അനുഭവം' എന്ന നിലയിലേക്ക് ഉയർത്തുവാനുള്ള ശ്രമങ്ങൾ വിജയം കണ്ടു തുടങ്ങിയതായി പ്രതിനിധികൾ സാക്ഷ്യപ്പെടുത്തി

സാമൂഹ്യ സേവന രംഗത്ത് കെ ഇ എഫ് നടത്തി വരുന്ന പ്രവർത്തനങ്ങളെ അഭിനന്ദിച്ച അംബാസഡർ, ഇപ്പോൾ പ്രഖ്യാപിച്ച പൊതുമാപ്പ് അടക്കമുള്ള സന്ദർഭങ്ങളിൽ പ്രവാസി സംഘടനകളുടെ സഹകരണവും പിന്തുണയും അഭ്യർത്ഥിച്ചു. 

KEF ജനറൽ കൺവീനർ അബ്ദുൽ സഗീർ, നിയുക്ത കൺവീനർ ശ്യാം മോഹൻ, അനുബന്ധ അലുംനി സംഘടനകളുടെ പ്രസിഡന്റ്‌മാർ, പ്രതിനിധികൾ എന്നിവരാണ് സ്ഥാനപതിയെ സന്ദർശിച്ച കെ ഇ എഫ് സംഘത്തിൽ ഉണ്ടായിരുന്നത്.

Related News

പ്രവാസികളുടെ മക്കളുടെ വിദ്യാഭ്യാസ ഉന്നമനത്തിനായി നടപ്പിലാക്ക ...
  • 27/11/2024
'കോട്ടയം ഫെസ്റ്റ് 2024'നവംബര്‍ 29-ന്; ഫ്രാന്‍സിസ് ജോര്‍ജ് എം ...
  • 27/11/2024
ടെക്സാസ് കുവൈത്ത് ഓണം ഈദ് സംഗമം സംഘടിപ്പിച്ചു
  • 26/11/2024
ലത്തീഫ് നീലഗിരിക്ക് സ്വീകരണം നൽകി
  • 26/11/2024
കെ.കെ.ഐ.സി ഫർവാനിയ നോർത്ത്, ഖൈത്താൻ യൂണിറ്റ് പുതിയ ഭാരവാഹികള ...
  • 25/11/2024
അജ്പക് കബ്ദിൽ കുടുംബ സംഗമം
  • 25/11/2024
പാലക്കാട് പ്രവാസി അസോസിയേഷൻ ഓഫ് കുവൈറ്റ് ബാലസമിതിയുടെ ആഭിമുഖ ...
  • 25/11/2024
ഉപതെരെഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു
  • 24/11/2024
അഹ്മദ് അൽ മഗ്‌രിബി കപ്പ് കെ.കെ.എം.എ അഖിലേന്ത്യാ സെവൻസ് പ്രീമ ...
  • 24/11/2024
'തംകീൻ-2024' മഹാ സമ്മേളനത്തിന് പ്രൗഢമായ സമാപനം
  • 23/11/2024
സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024