എസ്എ പദവികളാഗ്രഹിക്കാതെ, നിലപാടുകളിലുറച്ചുനിന്ന നേതാവ്: കൊടിയേരി ബാലകൃഷ്ണൻ.

  • 04/10/2020

ഐഎംസിസി ജിസിസി കമ്മറ്റി ഇന്ത്യൻ നാഷണൽ ലീഗിന്റെ സംസ്ഥാന പ്രസിഡണ്ടായിരുന്ന എസ്എ പുതിയവളപ്പിൽ അനുസ്മരണം സംഘടിപ്പിച്ചു. .  ഐ എം സി സി ജി സി സി സി ചെയർമാൻ സത്താർ കുന്നിലിന്റെ അദ്യക്ഷതയിൽ ചേർന്ന യോഗം സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണൻ  ഉദ്ഘാടനം ചെയ്തു. പദവികളിൽ നിന്നെല്ലാം വഴിമാറി നിൽക്കുകയും  ബാബ്റി മസ്ജിദ് വിഷയവുമായി ബന്ധപ്പെട്ടുണ്ടായ  രാഷ്ട്രീയ സാഹചര്യത്തിൽ എടുത്ത നിലപാടിൽ അവസാന കാലം വരെ ഉറച്ചുനിൽക്കുകയും ഇടതുപക്ഷത്തിന് കരുത്തു പകർന്ന  നിസ്വാർത്ഥനായ നേതാവായിരുന്നു എസ് പുതിയവളപ്പിലെന്ന് കൊടിയേരി അനുസ്മരിച്ചു.    എസ് എ പദവികൾ ആഗ്രഹിക്കാതെ നിലപാടിൽ ഉറച്ചു നിന്ന നേതാവായിരുന്നു . പ്രവർത്തിച്ച കാലഘട്ടം മുഴുവൻ എസ്.എ .മതേതരത്വത്തിനും ബഹുസ്വരതക്ക് വേണ്ടിയും പ്രവർത്തിച്ചു.  . ഇന്ന് യുഡിഎഫും  ബിജെപിയും ഒന്നിച്ച് ഒരു മുന്നണിപോലെ, ജനാധിപത്യ വിരുദ്ധമായി കടന്നാക്രമിക്കുമ്പോൾ, അതിനെതിരെ  കർമ്മനിരതനായി രംഗത്തിറങ്ങുമായിരുന്ന എസ്.എയുടെ അഭാവം ഇടതുപക്ഷത്തിന് വലിയ നഷ്ടമാണെന്നും കൊടിയേരി അഭിപ്രായപ്പെട്ടു.
 
കുലീനമായ പെരുമാറ്റം, സൗമ്യമായ സംസാരം, നിഷ്ക്കളങ്കമായ പുഞ്ചിരി എന്നീ ഗുണത്രയങ്ങളുടെ ആൾരൂപമായിരുന്ന എസ്.എയുടെ ഭാവത്തിലോ നടപടികളിലോ, അദ്ദേഹം തലശേരിയിലെ പ്രശസ്തമായ കേയി കുടുംബത്തിലെ അംഗമെന്നോ പ്രഗത്ഭ നേതാവിന്റെ മകനെന്നോ തോന്നിക്കുന്ന ലാഞ്ചന പോലുമുണ്ടായിരുന്നില്ലെന്ന് മുഖ്യ പ്രഭാഷണം നിർവഹിച്ച ഐഎൻഎൽ സംസ്ഥാന പ്രസിഡണ്ട് പ്രൊഫ. എ.പി അബ്ദുൽ വഹാബ് അഭിപ്രായപ്പെട്ടു.
 
നിഷ്കളങ്കവും സ്നേഹമസൃണവുമായ ശൈലിയോടൊപ്പം നിലപാടുകളിലെ കൃത്യതയും വ്യക്തതയും വഴി, പൊതുരംഗത് അദ്ദേഹവുമായി ഇടപെട്ടവരുടെയെല്ലാം മനസ്സിൽ വലിയ സ്ഥാനം എസ്എ നേടിയിരുന്നുവെന്നും ഐഎൻഎൽ പ്രതിസന്ധികളെ നേരിട്ടപ്പോഴൊക്കെ ദിശാബോധത്തോടെ നയിക്കാൻ അദ്ദേഹത്തിന് കഴിഞ്ഞെന്നും സിപിഐ ദേശീയ എക്സിക്യൂട്ടീവ് അംഗം ബിനോയ് വിശ്വം എംപി പറഞ്ഞു.
 
ഐഎൻഎൽ അഖിലേന്ത്യാ സെക്രട്ടറി അഹമ്മദ് ദേവർകോവിൽ, കുന്ദമംഗലം എംഎൽഎ പിടിഎ റഹീം, തലശേരി എംഎൽഎ, എ.എൻ. ഷംസീർ, മുൻ മന്ത്രിയും ജനതാദൾ നേതാവുമായ കെപി മോഹനൻ, ഐഎൻഎൽ സംസ്ഥാന ജനറൽ സെക്രട്ടറി കാസിം ഇരിക്കൂർ എന്നിവരും എസ്.എ പുതുവളപ്പിലിനെ അനുസ്മരിച്ചു.
 
ഐഎൻഎൽ സംസ്ഥാന വൈസ് പ്രസിഡണ്ട് സി.എച് മുസ്തഫ, സെക്രട്ടറി നാസർ കോയ തങ്ങൾ, സെക്രട്ടേറിയറ്റ് അംഗം എൻകെ അബ്ദുൽ അസീസ്, എസ്.എ പുതിയവളപ്പിലിന്റെ മകൻ സൽമാൻ ഫാരിസ്, വിവിധ ഐഎംസിസി ഘടകങ്ങളെ പ്രതിനിധീകരിച്ച് കുഞ്ഞാവുട്ടി ഖാദർ, എ.എം. അബ്ദുള്ളക്കുട്ടി, പുളിക്കൽ മൊയ്തീൻകുട്ടി, ഷരീഫ് താമരശ്ശേരി, റഷീദ് ഇകെകെ, ശരീഫ് കൊളവയൽ തുടങ്ങിയവർ സംസാരിച്ചു. ജിസിസി ജനറൽ കൺവീനർ ഖാൻ പാറയിൽ സ്വാഗതവും ട്രഷറർ സയ്യിദ് ഷാഹുൽ ഹമീദ് മംഗലാപുരം നന്ദിയും പറഞ്ഞു.
 
ഐഎംസിസി ഭാരവാഹികളായ റഫീഖ് അഴിയൂർ, എൻഎം അബ്ദുള്ള,  സുബൈർ ചെറുമോത്ത്, ഹനീഫ് അറബി, ഹാരിസ് വടകര, ഗഫൂർ ഹാജി, ഇല്യാസ് മട്ടന്നൂർ, ഹമീദ് മധുർ, നൗഷീർ ടിടി, മുഫീദ് കൂരിയാടൻ, അക്സർ മുഹമ്മദ്, കരീം മൗലവി കട്ടിപ്പാറ, റഷീദ് തൊമ്മിൽ, താഹിറാലി പൊറപ്പാട്, എം. റിയാസ് തിരുവനന്തപുരം, അഷ്റഫ് തച്ചറോത്ത്, റൈസൽ വടകര, നിസാർ അഴിയൂർ, യൂനുസ് മൂന്നിയൂർ, അബൂബക്കർ എ.ആർ. നഗർ, ജാബിർ പിഎൻഎം, അബ്ദുൽകരീം പയമ്പ്ര, ഫാറൂഖ് അതിഞ്ഞാൽ , നബീൽ ആഹ്മെദ് ഉൾപ്പടെയുള്ളവർ സംബന്ധിച്ചു.

Related News

പ്രവാസികളുടെ മക്കളുടെ വിദ്യാഭ്യാസ ഉന്നമനത്തിനായി നടപ്പിലാക്ക ...
  • 27/11/2024
'കോട്ടയം ഫെസ്റ്റ് 2024'നവംബര്‍ 29-ന്; ഫ്രാന്‍സിസ് ജോര്‍ജ് എം ...
  • 27/11/2024
ടെക്സാസ് കുവൈത്ത് ഓണം ഈദ് സംഗമം സംഘടിപ്പിച്ചു
  • 26/11/2024
ലത്തീഫ് നീലഗിരിക്ക് സ്വീകരണം നൽകി
  • 26/11/2024
കെ.കെ.ഐ.സി ഫർവാനിയ നോർത്ത്, ഖൈത്താൻ യൂണിറ്റ് പുതിയ ഭാരവാഹികള ...
  • 25/11/2024
അജ്പക് കബ്ദിൽ കുടുംബ സംഗമം
  • 25/11/2024
പാലക്കാട് പ്രവാസി അസോസിയേഷൻ ഓഫ് കുവൈറ്റ് ബാലസമിതിയുടെ ആഭിമുഖ ...
  • 25/11/2024
ഉപതെരെഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു
  • 24/11/2024
അഹ്മദ് അൽ മഗ്‌രിബി കപ്പ് കെ.കെ.എം.എ അഖിലേന്ത്യാ സെവൻസ് പ്രീമ ...
  • 24/11/2024
'തംകീൻ-2024' മഹാ സമ്മേളനത്തിന് പ്രൗഢമായ സമാപനം
  • 23/11/2024
സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024