40 ലക്ഷം ട്രാക്ടറുകൾ അണിനിരത്തി റാലി, ഇന്ത്യാ ഗേറ്റിനരികിലെ പാർക്ക് ഉഴുതുമറിച്ച് കൃഷി; കർഷകരുടെ നീക്കത്തിൽ പ്രതിരോധത്തിലായി കേന്ദ്രം

  • 24/02/2021

ന്യൂ ഡെൽഹി: ട്രാക്ടർ റാലി സംഘടിപ്പിക്കാനുള്ള കർഷകരുടെ നീക്കത്തെ പ്രതിരോധിക്കാനുള്ള തന്ത്രവുമായി വീണ്ടും കേന്ദ്രം. 40 ലക്ഷം ട്രാക്ടർ അണിനിരത്തിയുള്ള കർഷകരുടെ നീക്കമാണ് കേന്ദ്രത്തെ പ്രതിരോധത്തിലാക്കിയിരിക്കുന്നത്. കർഷകർക്കു മുമ്പിൽ തങ്ങൾ വാതിൽ അടച്ചിട്ടില്ലെന്നും പുതുതായി ആവശ്യങ്ങളുണ്ടെങ്കിൽ ഇനിയും ചർച്ചയാവാമെന്നും കേന്ദ്ര കാർഷിക മന്ത്രി നരേന്ദ്ര സംഗ് തോമർ പറഞ്ഞു.

'കർഷകരുടെ വരുമാനം പതിൻമടങ്ങ് ഉയർത്താനും, കാർഷിക രംഗത്ത് ക്ഷേമം നിലനിർത്താനും സർക്കാർ പ്രതിഞ്ജാബദ്ധമാണ്. പല തവണ ചർച്ചകൾ നടത്തിക്കഴിഞ്ഞു. പുതുതായി എന്തെങ്കിലും ഉണ്ടെങ്കിൽ ഇനിയും ചർച്ചക്ക് തയ്യാറാണ്' -തോമർ പറഞ്ഞു. വിവാദ കാർഷിക നിയമങ്ങൾ പിൻവലിക്കാൻ സർക്കാർ ഇനിയും തയാറായില്ലെങ്കിൽ സമരം കടുപ്പിക്കുമെന്ന് കർഷകർ പ്രഖ്യാപിച്ചതിന് പിന്നാലെയാണ് തോമർ രംഗത്തുവന്നത്. പാർലമെൻറ് വളയൽ സമരത്തിലേക്ക് കടക്കുമെന്ന് കർഷക നേതാവ് രാകേഷ് തികായത് പ്രഖ്യാപിച്ചിരുന്നു.

'പാർലമെൻറ് ഞങ്ങൾ ഘെരാവോ ചെയ്യും. ഡെൽഹി ലക്ഷ്യമിട്ടുള്ള മാർച്ച് എപ്പോഴാണെന്ന് ഉടൻ പ്രഖ്യാപിക്കും. നാല് ലക്ഷത്തിന് പകരം 40 ലക്ഷം ട്രാക്ടറുകൾ ഇത്തവണ അണിനിരക്കും - തികായത് പറഞ്ഞു. ഇന്ത്യാ ഗേറ്റിനരികിലെ പാർക്ക് ഉഴുതുമറിച്ച് കൃഷിയിറക്കുമെന്ന് അദ്ദേഹം പറഞ്ഞു. നേതാക്കൾ ചർച്ച ചെയ്ത് പ്രതിഷേധ ദിവസം തീരുമാനിക്കും. ആവശ്യങ്ങൾ അംഗീകരിച്ചില്ലെങ്കിൽ വൻകിട കുത്തകകളുടെ ഗോഡൗണുകൾ കർഷകർ തകർക്കും. അതേസമയം തോമറിൻറെ പ്രസ്താവനക്ക് ഇതുവരെ കർഷക നേതാക്കൾ പ്രതികരിച്ചിട്ടില്ല.

Related News

ലോക്‌സഭാ തെര‌ഞ്ഞെടുപ്പ്: ആദ്യ ഘട്ട വോട്ടെടുപ്പ് അവസാനിച്ചു, ...
  • 19/04/2024
'വോട്ടുകൾ രേഖപ്പെടുത്തി കഴിഞ്ഞ 10 വർഷമായി രാജ്യത്തിന്റെ ആത്മ ...
  • 18/04/2024
ഇനി സൂരജും തനായയും; വിവാദങ്ങള്‍ക്ക് പിന്നാലെ അക്ബര്‍, സീത സി ...
  • 18/04/2024
ശില്‍പ്പ ഷെട്ടിയുടെയും രാജ് കുന്ദ്രയുടെയും 98 കോടിയുടെ സ്വത് ...
  • 18/04/2024
കാസർകോട്ട് മോക് പോളിൽ ബിജെപിക്ക് അധിക വോട്ട്, സുപ്രീംകോടതിയെ ...
  • 18/04/2024
വിമാനത്താവളത്തില്‍ കയറി വീഡിയോ, വൈറലായപ്പോള്‍ പിടികൂടി സുരക് ...
  • 17/04/2024
തെരെഞ്ഞെടുപ്പ് പ്രചാരണത്തിനായി ഉടൻ കേരളത്തിൽ എത്തും: നിതിൻ ഗ ...
  • 17/04/2024
അമേഠിയില്‍ മത്സരിക്കുമോ എന്ന് ചോദ്യം, ബിജെപിയുടെ ചോദ്യമെന്ന് ...
  • 17/04/2024
സൂര്യ തിലകവുമായി രാം ലല്ല, നിമിഷങ്ങള്‍ മാത്രം നീളുന്ന ചടങ്ങി ...
  • 17/04/2024
തെരഞ്ഞെടുപ്പ് ദിനത്തില്‍ തീര്‍ഥാടനം മാറ്റിവെക്കൂ, വോട്ടെടുപ് ...
  • 17/04/2024
വന്ദേഭാരത് ലാഭത്തിലാണോ?; ആ കണക്കില്ലെന്ന് റെയില്‍വേ
  • 16/04/2024
'ബാലറ്റിന്റെ കാലത്ത് നടന്നതൊക്കെ ഞങ്ങള്‍ക്കറിയാം' ; വിവിപാറ് ...
  • 16/04/2024