കുവൈത്ത് സിറ്റി : കഴിഞ്ഞ ദിവസം മരണപ്പെട്ട ഫൈസല്‍ വിന്നേഴ്സിന്‍റെ വിയോഗത്തില്‍ അന്ത്യോപചാരമര്‍പ്പിച്ച് കുവൈത്ത് പ്രവാസികള്‍.ഹൃദ്യമായ പുഞ്ചിരിയുമായി ഏവരുടെയും മനസ്സ് കീഴടക്കുന്ന അദ്ധേഹത്തിന്റെ വിയോഗം തീര്‍ത്ത ഞെട്ടലില്‍ നിന്നും പ്രവാസി സുഹൃത്തുക്കള്‍ ഇപ്പോഴും മുക്തരായിട്ടില്ല. വെല്‍ഫെയര്‍ കേരള കുവൈത്ത് സംഘടിപ്പിച്ച അനുശോചന സംഗമം വികാര നിര്ഭരമായിരുന്നു . വിവിധ മേഖലകളില്‍ നിന്നും നിരവധി പേര്‍ അനുശോചനം രേഖപ്പെടുത്തി സംസാരിച്ചു . ഫൈസലിന്റെ വിയോഗം ഉള്‍കൊള്ളാനാകാതെ ചടങ്ങില്‍ സംസാരിച്ചവരില്‍ പലര്‍ക്കും വാക്കുകള്‍ പൂര്‍ത്തിയാക്കാന്‍ സാധിച്ചില്ല.ബിസിനസ് കലാ കായിക ജീവകാരുണ്യ മേഖലകളിലെല്ലാം ഫൈസല്‍ തീര്‍ത്ത സേവനങ്ങള്‍ ചടങ്ങില്‍ അനുസ്മരിക്കപ്പെട്ടു. വലിയ സൌഹൃദ വലയത്തിനുടമയായ ഫൈസല്‍ വിന്നേര്‍സ് വ്യത്യസ്ത മേഖലകളില്‍ നടത്തിയ സേവനങ്ങള്‍ കണക്കിലാക്കുമ്പോള്‍ യഥാര്‍ത്ഥ വിജയിയായാണ് ഈ ലോകത്ത് നിന്നും വിട ചൊല്ലിയതെന്നും അനുശോചന സംഗത്തില്‍ സംസാരിച്ചവര്‍ പറഞ്ഞു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?