പരിസ്ഥിതി സംരക്ഷണം: കേരളത്തിൽ ജനകീയമുന്നേറ്റം അനിവാര്യമെന്ന് ഗാഡ്ഗിൽ

  • 24/10/2021

പരിസ്ഥിതിസംരക്ഷണം ഉറപ്പാക്കാൻ ഭരണഘടനയിൽ ഉൾപ്പെടുത്തിയിട്ടുള്ള നിയമങ്ങൾ നടപ്പാക്കാൻ കേരളത്തിൽ ജനകീയമുന്നേറ്റങ്ങൾ ഉണ്ടാകണമെന്ന് ഡോ. മാധവ് ഗാഡ്ഗിൽ. കേരളത്തിൽ എല്ലാവർഷവും സംഭവിക്കുന്ന പ്രളയക്കെടുതികൾക്ക് പരിഹാരംതേടി പുണെയിലെ അദ്ദേഹത്തിന്റെ വീട്ടിൽ എത്തിയ മുൻ മിസോറാം ഗവർണർ കുമ്മനം രാജശേഖരനുമായി നടത്തിയ ചർച്ചയിലാണ് അദ്ദേഹം ഈകാര്യം പറഞ്ഞത്.

കഴിഞ്ഞകാല ദുരന്തങ്ങളിൽനിന്ന് ഇനിയും പാഠംപഠിച്ചില്ലെങ്കിൽ അതിന് കനത്തവില നൽകേണ്ടിവരും. ഈ സ്ഥിതിതുടർന്നാൽ ഭാവിയിൽ കൂടുതൽദുരിതങ്ങൾ ഉണ്ടാകും. പ്രകൃതി സംരക്ഷണത്തിനും പരിസ്ഥിതി സന്തുലിതാവസ്ഥ ഉറപ്പാക്കുന്നതിനും ആവശ്യമായ ശക്തമായനിയമങ്ങൾ നിലവിലുണ്ട്. എന്നാൽ അതൊന്നും ഇവിടെ പാലിക്കപ്പെടുന്നില്ലെന്നതാണ് ഇപ്പോഴത്തെ പ്രതിസന്ധിക്ക് കാരണം. ജനങ്ങൾ ഇത്തരംകാര്യങ്ങളെക്കുറിച്ച് ബോധവാന്മാരാകണം. പരിസ്ഥിതി സംരക്ഷണത്തെക്കുറിച്ച് സംസാരിക്കാൻപോലും ജനങ്ങൾഭയപ്പെടുന്ന ഇപ്പോഴത്തെ അവസ്ഥക്ക് മാറ്റമുണ്ടാകണം. നിലവിലെ ത്രിതലപഞ്ചായത്ത് നിയമങ്ങളുടെ ബലത്തിൽ ഇത്തരംകാര്യങ്ങളിൽ ഇടപെടാനുള്ള അവകാശം ജനങ്ങൾക്കുണ്ട്. ദുരന്തങ്ങൾക്കുശേഷം ഏറെക്കാലം കഴിഞ്ഞിട്ടും അതിന് ഇരയായവർക്ക് നഷ്ടപരിഹാരം ലഭ്യമാകാത്തഅവസ്ഥയാണ് നിലവിലുള്ളത്.

പ്ലാച്ചിമടയിൽ കോള ഫാക്ടറിക്കെതിരെ ജനകീയമുന്നേറ്റം ഉണ്ടായതിനെത്തുടർന്ന് ഫാക്ടറിപൂട്ടാനും ഇരകൾക്ക് നഷ്ടപരിഹാരം നൽകാനും കോടതി ഉത്തരവിട്ടു. നിയമസഭയും ഇത് അംഗീകരിച്ചു. ഫാക്ടറി പൂട്ടിയെങ്കിലും ദുരിതത്തിന് ഇരയായവർക്ക് ഇതുവരെയും നഷ്ടപരിഹാരം നൽകിയിട്ടില്ല. ഇത്തരം സംഭവങ്ങൾ ആവർത്തിക്കപ്പെടാതിരിക്കാൻ ജനങ്ങളിൽ ഇതേക്കുറിച്ചുള്ള അവബോധം ഉണ്ടാകണം- അദ്ദേഹം പറഞ്ഞു.

ദുരന്തമുഖത്ത് നിൽക്കുന്ന കേരളത്തിലെ ജനങ്ങളെ സമാശ്വസിപ്പിക്കാനും അവർക്ക് വേണ്ട മാർഗനിർദേശങ്ങൾ നൽകാനും കേരളത്തിലേക്ക് മാധവ് ഗാഡ്ഗിലിനെ ക്ഷണിച്ചിട്ടുണ്ടെന്ന് കുമ്മനം രാജശേഖരൻ പറഞ്ഞു.

Related News

രണ്ട് ചക്രവാതച്ചുഴികള്‍, കേരളത്തില്‍ ഇടിയോടുകൂടി മഴയെത്തും, ...
  • 14/11/2024
ആത്മകഥ വിവാദം; ഇ പി ജയരാജന്‍ സിപിഎം സംസ്ഥാന സെക്രട്ടേറിയറ്റി ...
  • 14/11/2024
ആത്മകഥാ വിവാദം; 'ഇപി ജയരാജനോട് പാര്‍ട്ടി വിശദീകരണം ചോദിക്കേണ ...
  • 14/11/2024
കൊച്ചിയിലെത്തിയ വിമാനത്തിൻ്റെ സീറ്റില്‍ ഒരു ടിഷ്യു പേപ്പര്‍; ...
  • 14/11/2024
പ്രത്യേക മുന്നറിയിപ്പുമായി പൊലീസ്; 'വൈദ്യുതി കെണിയൊരുക്കുന്ന ...
  • 14/11/2024
ഇ പിയെ പിന്നില്‍ നിന്ന് കുത്തിയത് പാര്‍ട്ടി നേതാക്കള്‍; അന്വ ...
  • 14/11/2024
ആന എഴുന്നള്ളിപ്പ്; സുപ്രധാന മാര്‍ഗ നിര്‍ദേശവുമായി ഹൈക്കോടതി; ...
  • 14/11/2024
ഇടുക്കി വഴിയുള്ള ശബരിമല തീര്‍ത്ഥാടനം; സുരക്ഷ കേരളവും തമിഴ്നാ ...
  • 13/11/2024
എഡിഎം നവീൻ ബാബുവിന്റെ മരണം; പ്രത്യേക അന്വേഷണ സംഘം കുടുംബത്തി ...
  • 13/11/2024
'ജയരാജന്റെ പുസ്തക പ്രകാശനം മാറ്റി വയ്ക്കാൻ മുഖ്യമന്ത്രിയുടെ ...
  • 13/11/2024
വിലക്ക് ലംഘിച്ച്‌ വാര്‍ത്താസമ്മേളനം, പി വി അന്‍വറിനെതിരെ കേസ ...
  • 12/11/2024
ന്യൂനമര്‍ദ്ദവും ചക്രവാതച്ചുഴിയും; മഴ വീണ്ടും ശക്തമാകുന്നു, 5 ...
  • 12/11/2024