ഉപ്പിലിട്ടത് കഴിച്ചപ്പോള്‍ എരിഞ്ഞു; വെള്ളമെന്നു കരുതി ആസിഡ് കുടിച്ച വിദ്യാര്‍ഥികള്‍ക്ക് പൊള്ളലേറ്റു

  • 15/02/2022

കോഴിക്കോട്: കോഴിക്കോട് ബീച്ചില്‍ വെള്ളമെന്നു കരുതി ആസിഡ് കുടിച്ച വിദ്യാര്‍ഥികള്‍ക്ക് പൊള്ളലേറ്റു. ഉപ്പിലിട്ടത് കഴിച്ചപ്പോള്‍ എരിവ് തോന്നിയതിനെ തുടര്‍ന്നാണ് കുട്ടികള്‍ സമീപത്തുണ്ടായിരുന്ന കുപ്പിയിലെ ദ്രാവകം കുടിച്ചത്. അസ്വസ്ഥത അനുഭവപ്പെട്ട ഇവരെ ഉടന്‍ ആശുപത്രിയില്‍ പ്രവേശിപ്പിച്ചു. പഠനയാത്രക്ക് കോഴിക്കോട്ടെത്തിയ കാസര്‍കോട് തൃക്കരിപ്പൂര്‍ സ്വദേശികളാണ് വിദ്യാര്‍ഥികള്‍.

തൃക്കരിപ്പൂരില്‍ നിന്ന് പഠനയാത്രക്കെത്തിയ മുഹമ്മദെന്ന 14കാരനാണ് വരക്കല്‍ ബീച്ചിലെ തട്ടുകടയില്‍ നിന്ന് ഉപ്പിലിട്ടത് കഴിച്ചത്. എരിവ് തോന്നിയപ്പോള്‍ വെള്ള മെന്ന് കരുതി കടയില്‍ വച്ചിരുന്ന കുപ്പിയിലെ ദ്രാവകം കുടിക്കുകയായിരുന്നു. ഇതോടെ കുട്ടി അവശതയിലായി. ഉടന്‍ ഛര്‍ദ്ദിച്ചു. തൊട്ടടുത്ത് ഉണ്ടായിരുന്ന സാബിദ് എന്ന കുട്ടിയുടെ ശരീരത്തിലാണ് ഛര്‍ദില്‍ വീണത്. ഈ കുട്ടിക്ക് പൊള്ളലേല്‍ക്കുകയും ചെയ്തു. ഇരുവരേയും ആദ്യം കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. പിന്നീട് പയ്യന്നൂരിലെ സ്വകാര്യ ആശുപത്രിയിലേക്ക് മാറ്റി. പിന്നാലെയാണ് ബന്ധുക്കള്‍ സംഭവത്തെക്കുറിച്ച് മാധ്യമങ്ങളെ അറിയിച്ചത്.

മുഹമ്മദിന്‍റെ വായിലും അന്നനാളത്തിലും പൊള്ളലുണ്ടെന്നും വിദഗ്ദ ചികിത്സക്ക് ഡോക്ടര്‍മാര്‍ നിര്‍ദ്ദേശം നല്‍കിയെന്നും ബന്ധുക്കള്‍ പറഞ്ഞു. സംഭവത്തെ തുടര്‍ന്ന് ഭക്ഷ്യ സുരക്ഷ വകുപ്പും കോര്‍പറേഷന്‍റെ ആരോഗ്യ വകുപ്പും വരക്കലിലെ തട്ടുകടകളില്‍ പരിശോധന നടത്തി. സാംപിളുകള്‍ ശേഖരിച്ചു. പഴവര്‍ഗ്ഗങ്ങളും മറ്റും ഉപ്പിലിടാനും വിനാഗരി ഉണ്ടാക്കാനുമായി കടയില്‍ സൂക്ഷിച്ച ഗാഢ അസറ്റിക് ആസിഡാവാം കുട്ടി വെള്ളമെന്ന് കരുതി കുടിച്ചതെന്നാണ് ഭക്ഷ്യ സുരക്ഷ വകുപ്പിന്‍റെ നിഗമനം.

Related News

ഷാനിമോള്‍ ഉസ്മാന്റെ മുറിയിലെ പരിശോധന; വനിതാ കമ്മീഷന് പരാതി ന ...
  • 06/11/2024
തൂങ്ങിമരിച്ചെന്ന് പറഞ്ഞ് ആശുപത്രിയില്‍ എത്തിച്ചു, പോസ്റ്റ്മോ ...
  • 06/11/2024
ഈ ട്രോളി നിറയെ പണം ഉണ്ടായിരുന്നെങ്കില്‍....; നീല ട്രോളി ബാഗു ...
  • 06/11/2024
'റെയ്ഡിന് പിന്നില്‍ ബിജെപി-സിപിഎം ഒത്തുകളി'; ബാഗില്‍ പണമെന്ന ...
  • 06/11/2024
കുര്‍ബാന തര്‍ക്കത്തില്‍ ഇടപെട്ട് വത്തിക്കാന്‍; സഭാ തീരുമാനങ് ...
  • 06/11/2024
പാതിരാറെയ്ഡ്: പ്രതിഷേധം തെരുവിലേക്ക്; എസ് പി ഓഫീസിലേക്ക് യുഡ ...
  • 06/11/2024
തെച്ചിക്കോട്ടുകാവ് രാമചന്ദ്രന് റെക്കോര്‍ഡ് ഏക്കം: മുലയംപറമ്ബ ...
  • 06/11/2024
ദേശീയോദ്യാനത്തില്‍ നിന്ന് കാണാതായത് 25 കടുവകള്‍, അന്വേഷണം
  • 06/11/2024
പണപ്പെട്ടിയുമായി ഇറങ്ങി വരൂ എന്ന് കരയുന്ന 'സിപിഎം ബിജെപി' നേ ...
  • 05/11/2024
കോണ്‍ഗ്രസിന്റെ വനിതാ നേതാക്കള്‍ താമസിച്ചിരുന്ന ഹോട്ടലില്‍ പൊ ...
  • 05/11/2024
ട്രെയിനില്‍ ബോംബ് ഭീഷണി മദ്യലഹരിയില്‍; ആളെ തിരിച്ചറിഞ്ഞു, പത ...
  • 05/11/2024
കണ്ണൂര്‍ കലക്ടര്‍ക്കെതിരെ നടക്കുന്നത് അനാവശ്യ വ്യക്തിഹത്യ; അ ...
  • 05/11/2024