ചൈനയിൽ നിന്ന് മടങ്ങിയെത്തിയ മെഡിക്കൽ വിദ്യാർത്ഥികൾ സുപ്രീം കോടതിയില്‍

  • 10/10/2022



ദില്ലി: ചൈനയിൽ നിന്ന് എത്തിയ അവസാന വർഷ മെഡിക്കൽ വിദ്യാർത്ഥികൾക്ക് നൽകിയ ഇളവ് നാലാം വർഷക്കാർക്കും നൽകണമെന്ന് ആവശ്യപ്പെട്ട് മലയാളി അടക്കം മെഡിക്കൽ വിദ്യാർത്ഥികൾ സുപ്രീം കോടതിയിൽ. റൊട്ടേറ്റിംഗ് മെഡിക്കൽ ഇന്റേൺഷിപ്പ് പദ്ധതി നാലാം വർഷക്കാർക്കും നടപ്പാക്കണമെന്നാണ് ഇവരുടെ ആവശ്യം. കൊവിഡ് മഹാമാരിയും റഷ്യ-യുക്രെയ്‌ൻ യുദ്ധവും മൂലം ദുരിതമനുഭവിക്കുന്ന വിദേശത്ത് പഠിച്ച ഇന്ത്യന്‍ മെഡിക്കൽ വിദ്യാ‍ർഥികൾക്ക് ആശ്വാസം പകര്‍ന്നാണ് ദേശീയ മെഡിക്കൽ കമ്മീഷൻ പുതിയ പദ്ധതി പ്രഖ്യാപിച്ചത്. 

വിദേശ മെഡിക്കല്‍ വിദ്യാഭ്യാസ സ്ഥാപനങ്ങളില്‍ നിന്ന് എംബിബിഎസ് കോഴ്സ് പൂർത്തിയാക്കിയ മെഡിക്കൽ ബിരുദധാരികൾക്ക് ഫോറിൻ മെഡിക്കൽ ഗ്രാജ്വേറ്റ് പരീക്ഷയിൽ യോഗ്യത നേടിയാൽ രണ്ട് വര്‍ഷത്തെ റൊട്ടേറ്റിംഗ് മെഡിക്കൽ ഇന്റേൺഷിപ്പ് പൂർത്തിയാക്കി പ്രാക്ടീസിന് അവസരം നൽകുമെന്നാണ് നേരത്തെ പ്രഖ്യാപിച്ചത്. ഇന്റേൺഷിപ്പ് കാലയളവ് ഇരട്ടിയാക്കുന്നത് ക്ലിനിക്കൽ പ്രായോഗിക നൈപുണ്യ പരിശീലനത്തിലെ വിടവ് നികത്താൻ കൂടിയാണ് ഈ പദ്ധതി നടപ്പാക്കിയത്.  

ഈ ഇളവ് ഒറ്റത്തവണ മാത്രമാണെന്നും ദേശീയ മെഡിക്കൽ ഉത്തരവിൽ പറഞ്ഞിരുന്നു. എന്നാൽ കൊവിഡ് പ്രതിസന്ധിയെ തുടർന്ന് 2020ൽ തിരിച്ചെത്തിയ നാലാം വർഷ വിദ്യാർത്ഥികളും അവസാനവർഷക്കാരെ പോലെ ഓൺലൈനിലൂടെയാണ് പഠനം പൂർത്തിയാക്കിയത്. ഈ വിദ്യാർത്ഥികൾ പഠനം പൂർത്തിയാക്കി തുടർ ഇന്റൺഷിപ്പിനായുള്ള നടപടികൾ നിലവിലെ സാഹചര്യത്തിൽ പൂർത്തിയാക്കാൻ കഴിയാതെ പ്രതിസന്ധിയിലായതോടെയാണ് കോടതിയെ സമീപിച്ചത്.  

എഫ്എംജിഇ പരീക്ഷയില്‍ യോഗ്യത ലഭിച്ച അവസാന വർഷക്കാർക്ക് നടപ്പാക്കിയ റൊട്ടേറ്റിംഗ് മെഡിക്കൽ ഇന്റേൺഷിപ്പ് പദ്ധതി നാലാം വർഷക്കാർക്കും നടപ്പാക്കണമെന്നാണ് ഹർജിയിലെ ആവശ്യം. ഒരേ പ്രതിസന്ധി അനുഭവിച്ചവരിൽ ഒരു വിഭാഗത്തിന് മാത്രം ഇളവ് നൽകിയത് ഭരണഘടന ലംഘമെന്നും ഹർജിക്കാർ വാദിക്കുന്നു. 

അവസാന വർഷക്കാർക്ക് ഒരു വർഷത്തെ പഠനമാണ് ഓൺലൈനിലൂടെ പൂർത്തിയാക്കേണ്ടി വന്നത്. എന്നാൽ കൊവിഡ് പ്രതിസന്ധിയിൽ ഇന്ത്യയിൽ തന്നെ രണ്ട് വർഷത്തെ പഠനം 
പൂർത്തിയാക്കേണ്ടി വന്ന നാലാം വർഷക്കാർക്കും ഈ പരിഗണന നൽകണമെന്നാണ് ഹർജിയിലെ പ്രധാന ആവശ്യം. അഭിഭാഷക രശ്മി നന്ദകുമാറാണ് വിദ്യാർത്ഥികൾക്കായി ഹർജി ഫയൽ ചെയ്തത്.  

Related News

എലിവിഷം വച്ച മുറിയില്‍ കിടന്നുറങ്ങി, 2 കുഞ്ഞുങ്ങള്‍ക്ക് ദാരു ...
  • 15/11/2024
പ്രൈമറി സ്കൂളുകള്‍ അടച്ചിടും, ഡീസല്‍ ബസ് വേണ്ട, നിര്‍മ്മാണ പ ...
  • 15/11/2024
ട്രംപിന്റെ വിജയം: അദാനിയുടെ കണ്ണുകള്‍ യുഎസിലേക്ക്, വൻ നിക്ഷേ ...
  • 14/11/2024
'ഞെട്ടിക്കുന്ന അനീതി, കേന്ദ്ര സര്‍ക്കാര്‍ രാഷ്ട്രീയം കളിക്കു ...
  • 14/11/2024
193 പേരുമായി പറക്കുന്നതിനിടെ യാത്രക്കാരന്റെ സംശയം; ഇന്റിഗോ വ ...
  • 14/11/2024
ജന്‍ജാതീയ ഗൗരവ് ദിവസ് നവംബര്‍ 15ന്; മോദി ഉദ്ഘാടനം ചെയ്യും
  • 13/11/2024
ഝാര്‍ഖണ്ഡ് പോളിങ് ബൂത്തില്‍, ആദ്യഘട്ടത്തില്‍ ജനവിധി തേടി ചംപ ...
  • 12/11/2024
അറിഞ്ഞുകൊണ്ട് സെക്‌സിന് സമ്മതം നല്‍കിയാല്‍ വിവാഹവാഗ്ദാന പീഡന ...
  • 12/11/2024
സിദ്ദിഖിന്റെ മുന്‍കൂര്‍ ജാമ്യാപേക്ഷ അടുത്തയാഴ്ചയിലേക്കു മാറ് ...
  • 12/11/2024
വിസ്താരയ്ക്ക് വികാരപരമായ യാത്രയയപ്പ്; അവസാന വിമാനങ്ങള്‍ക്ക് ...
  • 11/11/2024
ഹൈവേയിലൂടെ പോകവേ കണ്ടെയ്നറിനെ വിഴുങ്ങി തീജ്വാലകള്‍, പ്രദേശത് ...
  • 10/11/2024
ഡ്രൈവര്‍ ഉറങ്ങിപ്പോയി, നിര്‍ത്തിയിട്ടിരുന്ന ട്രക്കിലേക്ക് കാ ...
  • 10/11/2024