ഓണത്തനിമ 2022, ഏറ്റവും വലിയ സ്വർണ്ണ കപ്പിനായുള്ള വടംവലി മത്സരം ഒക്ടോബർ 28ന് .

  • 25/10/2022

രണ്ട് വർഷത്തെ കോവിഡ് കാലത്തിന്റെ കാത്തിരിപ്പിനൊടുവിൽ തനിമ കുവൈത്ത് വർഷാവർഷം സംഘടിപ്പിക്കുന്ന ദേശിയ വടംവലി മത്സരത്തിന്റെ 16ആമത്‌ ‌ എഡിഷനുള്ള തയ്യാറെടുപ്പുകൾ പൂർത്തിയായതായി സംഘാടകർ അറിയിച്ചു. മധ്യപൂർവേഷ്യയിലെ ഏറ്റവും വലിയ വടംവലി മത്സരത്തിന് സമ്മാനമായി മധ്യപൂർവ്വേഷ്യയിലെ തന്നെ ഏറ്റവും ഉയരം കൂടിയ ട്രോഫിയാണ് സമ്മാനിക്കുന്നത്. 

ദി ടഗ്‌ ഓഫ്‌ വാർ ഫെഡറേഷൻ ഓഫ്‌ ഇൻറർനാഷണലിൻ്റെയും, ടഗ്‌ ഓഫ് ദി വാർ ഏഷ്യൻ ഫെഡറേഷൻ്റെയും അംഗീകാരത്തോടെ ‌കുവൈത്ത്‌ ഇന്ത്യൻ സ്കൂളിൽ  2022 ഒക്ടോബർ 28നു ഉച്ചക്ക് 2 മണി  മുതൽ ആരംഭിക്കുന്ന സാൻസിലിയ എവർറോളിംഗ്‌ സ്വർണ്ണക്കപ്പിനും ക്യാഷ്‌ അവാർഡിനും വേണ്ടി 18 ഓളം ടീമുകൾ തമ്മിലുള്ള വാശിയേറിയ 16ആമത്‌ ദേശീയ വടംവലി മത്സരം നടക്കുന്നത്. രണ്ട്, മൂന്ന്, നാല് സ്ഥാനങ്ങൾ കരസ്ഥമാക്കുന്നവർക്ക് യഥാക്രമം ബ്ലൂലൈൻ, നെസ്റ്റ് & മിസ്റ്റ്, ലൈഫ് ഫിറ്റ്നസ്സ് എവർ റോളംഗ് ട്രോഫികളും  മെഡലുകളും ക്യാഷ് അവാർഡുകളും നൽകി ആദരിക്കും. 

കുവൈത്ത്‌ ഇന്ത്യൻ സ്കൂളിന്റെ ഫ്ലഡ്‌ ലൈറ്റ്‌ ഓപൺ എയർ ഓഡിറ്റോറിയത്തിൽ വർണ്ണപകിട്ടാർന്ന ഘോഷയാത്രയോടെ ആരംഭിക്കുന്ന പരിപാടിയിൽ കുട്ടനാടിന്റെ എം എൽ എ  ശ്രീ. തോമസ്സ് കെ തോമസ് മുഖ്യപ്രഭാഷണം നടത്തും. . ഭൂട്ടാൻ അംബാസഡർ ബഹു. ചിറ്റെം ടെൻസിൻ ഉത്‌ഘാടനം ചെയ്യുന്ന ചടങ്ങിൽ ഇന്ത്യൻ എംബസി ഫസ്റ്റ് സെക്രട്ടറി ബഹു. വിനോദ് ഗെയ്ക്ക്‌വാദ് അടക്കം ഇതര മഹത്‌വ്യക്തികൾ സംബന്ധിക്കും. 

ഈ കാലയളവിൽ നമ്മെ വിട്ട് പിരിഞ്ഞ പോയ ജീവിതങ്ങളുടെ ഓർമയ്ക്കായി സ്‌മൃതിപൂജയും, തുടർന്ന് 25 ഇന്ത്യൻ സ്‌കൂളുകളിൽ  നിന്നും കൃത്യമായ മാനദണ്ഡങ്ങളിലൂടെ തിരഞ്ഞെടുക്കുക്കപ്പെട്ട അക്കാദമിക് - കലാ- സാഹിത്യ ഇതരതലങ്ങളിൽ കഴിവ്‌ തെളിയിച്ച 25  വിദ്യാർത്ഥികൾക്ക്‌ എപിജെ അബ്ദുൽ കലാം പേൾ ഒഫ്‌ സ്കൂൾ അവാർഡുകളും വിതരണം ചെയ്യും.  കാണികൾക്കായി  മഴവിൽ മനോരമ ജൂനിയർ സൂപ്പർ4 റിയാലിറ്റി ഷോ വിന്നർ കുമാരി റൂത്ത് ആൻ ടോബി നയിക്കുന്ന മനംകുളിർക്കും ഗാനമേളയും, വ്യത്യസ്ത ഫുഡ് സ്റ്റാൾ സൗകര്യങ്ങളും, കുടുംബങ്ങൾക്ക് പ്രത്യേകം ഇരിപ്പിടങ്ങളും ഉണ്ടായിരിക്കും  എന്നും ഭാരവാഹികൾ അറിയിച്ചു.  

കുവൈത്തിലെ പ്രവാസ സമൂഹം ഉറക്കമിളച്ചും  നേരിട്ടും ഓൺലൈൻ ലൈവ് ആയും വീക്ഷിക്കുന്ന ഈ ഓണത്തനിമ മാമാങ്കം ആവേശത്തോടെ ജനം കാത്തിരിയ്ക്കുകയാണ്. എല്ലാ തയ്യാറെടുപ്പുകളുമായ് തനിമ കുവൈത്ത് അംഗങ്ങളുടെ പരിശ്രമവും ഏറ്റവും വലിയ എവർറോളിങ് കപ്പിനായുള്ള കാത്തിരിപ്പും ഇനി മണിക്കൂറുകൾ മാത്രം.

പത്രസമ്മേളനത്തിൽ ഓണത്തനിമ ജോയിന്റ്‌ കൺവീനർ വിനോദ്‌,  പേൾ ഓഫ്‌ ദി സ്കൂൾ കൺവീനർ ദീലീപ്‌ ഡികെ,  ഓണത്തനിമ കൺവീനർ ജോജിമോൻ, തനിമ ജെനറൽ കൺവീനർ ബാബുജി ബത്തേരി, പ്രൊഗ്രാം കൺവീനർ ബിനോയ്‌, പൊസ്സഷൻ കൺവീനർ അഷറഫ്‌ ചൂരൂട്ട്‌, ജോയിന്റ്‌ കൺവീനർ മിസ്‌. ഉഷ ദിലീപ്‌ എന്നിവർ കാര്യപരിപാടികൾ വിശദീകരിച്ചു. റിസപ്ഷൻ കൺവീനർ ഹബിബ്‌ മുറ്റിചൂർ, മീഡിയ കൺവീനർ മുബാറക്ക്‌ കാമ്പ്രത്ത്‌, ഫൂഡ്‌കൺവീനർ റുഹൈൽ, സ്പോർട്ട്സ്‌ കൺവീനർ ജിൻസ്‌, കൾച്ചറൽ കൺവീനർ ഷൈജു പള്ളിപ്പുറം, സ്പൊർട്ട്സ് ജോയിന്റ്‌ കൺവീനർ ജിനു, ഫെസിലിറ്റി മാനേജ്‌മന്റ്‌ റാണ, ‌ പ്രെസെന്റ്രെഷൻ കൺവീനർ ജിനോ എന്നിവരും സന്നിഹിതരായിരുന്നു.. 

കുവൈത്തിൽ നിന്നും ദേശീയ അന്തർദ്ദേശിയ തലത്തിലേക്ക്‌ ഔദ്യോഗികമായ്‌ തന്നെ കുവൈത്തിലെ വടംവലിക്കാരായ ഇന്ത്യക്കാർക്ക്‌‌ അവസരം ലഭ്യമാക്കാനുള്ള സാധ്യതകൾ തനിമയുടെ മുഖ്യപരിഗണനയിലാണെന്നും അതിനായ്‌ ഔദ്യോഗികതലത്തിൽ പരിശ്രമങ്ങൾ നടക്കുന്നുണ്ട്‌ എന്നും തനിമ ടീം അറിയിച്ചു.. ‌‌

കെകെഡിഎ, ഐ.എ.കെ , ഐ.എ.കെ-ബി, രാജു ചലഞ്ചേർസ്സ്‌,     സിൽവർ സെവൻ, ലെജന്റ്സ്‌ ഓഫ്‌ കെകെബി, സെറാ കെകെബി, ബോസ്കോ കെകെബി, യുഎൽസി കെകെബി, ടീം അബ്ബാസിയ, ടീം അബ്ബാസിയ-സി, ഫ്രണ്ട്സ്‌ ഓഫ്‌ രജീഷ്‌, അലി ബിൻ അലി ഫ്രണ്ട്സ്‌ ഓഫ്‌ കുവൈത്ത്‌, ഫ്രണ്ട്സ്‌ ഓഫ്‌ രാജു ഫ്രണ്ട്സ്‌ ഓഫ്‌ കുവൈത്ത് -ബി‌, ഫ്രണ്ട്സ്‌ ഓഫ്‌ രാജു ഫ്രണ്ട്സ്‌ ഓഫ്‌ കുവൈത്ത് -സി‌, ഫ്ലൈ വേൾഡ്‌ ടൂർസ്സ്‌ & ട്രാവൽസ്‌ ആഹാ കുവൈത്ത്‌ ബ്രദേർസ്സ്‌, ‌ എ. എം ഓട്ടോമോട്ടീവ്‌ ആഹാ കുവൈത്ത്‌ ബ്രദേർസ്സ്‌, ‌ എന്നീ ടീമുകൾ ആണു ഇത്തവണ മത്സര രംഗത്ത്‌ ഉള്ളത്‌. 

കുവൈറ്റ് വാർത്തകൾ കൃത്യതയോടെ ഏറ്റവും ആദ്യമറിയാൻ, താഴെ കാണുന്ന ലിങ്ക് വഴി വാട്സ്ആപ്പ് ഗ്രൂപ്പിൽ ചേരാം 👇

വർത്തകളെക്കുറിച്ചുള്ള കമെന്റുകളും, അഭിപ്രായങ്ങളും രേഖപ്പെടുത്താൻ താഴെ കാണുന്ന ലിങ്കിൽ ക്ലിക്ക് ചെയ്യുക👇

Related News

പ്രവാസികളുടെ മക്കളുടെ വിദ്യാഭ്യാസ ഉന്നമനത്തിനായി നടപ്പിലാക്ക ...
  • 27/11/2024
'കോട്ടയം ഫെസ്റ്റ് 2024'നവംബര്‍ 29-ന്; ഫ്രാന്‍സിസ് ജോര്‍ജ് എം ...
  • 27/11/2024
ടെക്സാസ് കുവൈത്ത് ഓണം ഈദ് സംഗമം സംഘടിപ്പിച്ചു
  • 26/11/2024
ലത്തീഫ് നീലഗിരിക്ക് സ്വീകരണം നൽകി
  • 26/11/2024
കെ.കെ.ഐ.സി ഫർവാനിയ നോർത്ത്, ഖൈത്താൻ യൂണിറ്റ് പുതിയ ഭാരവാഹികള ...
  • 25/11/2024
അജ്പക് കബ്ദിൽ കുടുംബ സംഗമം
  • 25/11/2024
പാലക്കാട് പ്രവാസി അസോസിയേഷൻ ഓഫ് കുവൈറ്റ് ബാലസമിതിയുടെ ആഭിമുഖ ...
  • 25/11/2024
ഉപതെരെഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു
  • 24/11/2024
അഹ്മദ് അൽ മഗ്‌രിബി കപ്പ് കെ.കെ.എം.എ അഖിലേന്ത്യാ സെവൻസ് പ്രീമ ...
  • 24/11/2024
'തംകീൻ-2024' മഹാ സമ്മേളനത്തിന് പ്രൗഢമായ സമാപനം
  • 23/11/2024
സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024