എൻ.ബി.ടി.സി കായിക മേളക്ക് വർണ്ണാഭമായ തുടക്കം

  • 07/11/2022


കുവൈറ്റ്: മൂന്ന് മാസം നീണ്ടുനിൽക്കുന്ന എൻ.ബി.ടി.സി കായികമേളയുടെ ഈ വർഷത്തെ ഉത്‌ഘാടനത്തിന് എൻ.ബി.ടി.സി കോർപ്പറേറ്റ് ഗ്രൗണ്ടിൽ 2022 നവംബർ 03-ന് പ്രൗഡഗംഭീരമായ പരിപാടികളോടെ തുടക്കം കുറിച്ചു. എല്ലാ വർഷവും സംഘടിപ്പിക്കുന്ന എൻ.ബി.ടി.സി ജീവനക്കാരുടെ ഉത്സവമായ "വിന്റർ കാർണിവൽ 2023"-ന് കായികമേളയോട് കൂടിയാണ് സമാരംഭം കുറിക്കുന്നത്. ജോലിയിടങ്ങളിലും കായിക മത്സരങ്ങൾക്കിടയിലും ജീവനക്കാരുടെ സുരക്ഷ ഉറപ്പു വരുത്തുന്നതിന്റെ ഭാഗമായി സുരക്ഷാ ബോധവത്ക്കരണത്തിലൂടെയാണ് ഉദ്ഘാടന പരിപാടി ആരംഭിച്ചത്. 

എൻ.ബി.ടി.സി മാനേജിംഗ് ഡയറക്ടർ കെ.ജി. എബ്രഹാം എൻബിടിസി പതാക ഉയർത്തി കായികമേള ഔപചാരികമായി ഉദ്ഘാടനം ചെയ്തു. "വൺ ടീം, വൺ ഫാമിലി" എന്ന എൻബിടിസിയുടെ ആപ്തവാക്യം അന്വർത്ഥമാക്കുന്നതിനും ജീവനക്കാർക്കിടയിൽ കൂടുതൽ ഐക്യവും സ്നേഹവും ഊട്ടിയുറപ്പിക്കുന്നതിനും കായികമേള സഹായകരമാകുമെന്നും കെ.ജി. എബ്രഹാം അഭിപ്രായപ്പെട്ടു.

സമ്മേളനത്തെ അഭിസംബോധന ചെയ്ത എൻ.ബി.ടി.സി ചെയർമാൻ മുഹമ്മദ് അൽ-ബദ്ദ, ജീവനക്കാരുടെ കായികമേഖലയിലെ താത്പര്യത്തെ അഭിനന്ദിക്കുകയും കൂടുതൽ ആവേശത്തോടെയും മത്സരബുദ്ധിയോടെയും കായികരംഗത്ത് കഴിവ് തെളിയിക്കാൻ ജീവനക്കാർക്ക് ആശംസകൾ നേരുകയും ചെയ്തു. ഉത്‌ഘാടന സമ്മേളനത്തിൽ, കായിക മത്സരങ്ങളിൽ പങ്കെടുക്കുന്നതിന്റെ നേട്ടങ്ങളെക്കുറിച്ചും മാനസികമായും ശാരീരികമായും ആരോഗ്യവൻമാരാകാൻ അത് എങ്ങനെ സഹായിക്കുന്നുവെന്നും എൻ.ബി.ടി.സി കോർപ്പറേറ്റ് ഡയറക്ടർ (ഓപ്പറേഷൻസ്) കെ.എസ് വിജയചന്ദ്രൻ വിശദീകരിച്ചു. കായിക താരങ്ങൾക്ക് എൻ.ബി.ടി.സി ഗ്രൂപ്പ് ചീഫ് ഫിനാൻഷ്യൽ ഓഫീസർ അനിന്ദ ബാനർജി അഭിനന്ദനങ്ങളും ആശംസകളും അറിയിച്ചു സംസാരിച്ചു.

എൻ.ബി.ടി.സി മാനേജ്‌മെന്റിൽ നിന്ന് ലഭിക്കുന്ന അകമഴിഞ്ഞ പിന്തുണയുടേയും പ്രോത്സാഹനത്തിന്റെയും ഫലമാണ് ആയിരക്കണക്കിന് ജീവനക്കാരെ പങ്കെടുപ്പിച്ച് സംഘടിപ്പിക്കുന്ന ഈ കായിക മേളയെന്നും അതിന്റെ ആവേശം ജീവനക്കാർക്കിടയിൽ പ്രകടമാണെന്നും എൻ.ബി.ടി.സി അഡ്മിൻ & എച്ച്ആർ (കോർപ്പറേറ്റ്) ജനറൽ മാനേജർ മനോജ് നന്തിയാലത്ത് അഭിപ്രായപ്പെട്ടു.

ഉത്‌ഘാടനത്തോടനുബന്ധിച്ച് വിവിധ ഗ്രൂപ്പുകളുടെ ദീപശിഖ പ്രയാണവും എൻ.ബി.ടി.സി ഡയറക്ടർ ഷിബി എബ്രഹാമിന്റെ നേതൃത്വത്തിൽ കായികതാരങ്ങളുടെ പ്രതിജ്ഞയും നടന്നു. സെഡ്.ഒ.ആർ ടെർമിനേറ്റേഴ്‌സും സി.എഫ്.പി വാരിയേഴ്‌സും തമ്മിലുള്ള സൗഹൃദ ക്രിക്കറ്റ് മത്സരവും സംഘടിപ്പിച്ചു. എൻ.ബി.ടി.സി മാനേജിംഗ് ഡയറക്ടർ, കോർപ്പറേറ്റ് ഡയറക്ടർ (ഓപ്പറേഷൻസ്), ട്രേഡിംഗ് ഡിവിഷൻ ജനറൽ മാനേജർ ഉൾപ്പെടെയുള്ള എൻ.ബി.ടി.സി മാനേജ്‌മെന്റ് പ്രതിനിധികൾ സൗഹൃദ ക്രിക്കറ്റ് മത്സരം വീക്ഷിക്കാൻ സന്നിഹിതരായിരുന്നു.

Related News

ലോക നേഴ്സ് ദിനത്തോടനുബന്ധിച്ചു ജോയ് ആലുക്കാസ് എക്സ്ചേഞ്ച് കു ...
  • 14/05/2024
കല കുവൈറ്റ്‌ സംഘടിപ്പിക്കുന്ന സ. ഇ കെ നായനാർ അനുസ്മരണ സമ്മേള ...
  • 13/05/2024
മലപ്പുറം ജില്ലാ അസോസിയേഷൻ കുവൈറ്റ് ഏഴാം വാർഷികം - ഫിനിക്സ് മ ...
  • 13/05/2024
എയർ ഇന്ത്യാ എക്സ്പ്രസ്സ്; യാത്രക്കാർക്ക് നിയമ സഹായം ലഭ്യമാക് ...
  • 13/05/2024
ഫോക്ക് നിർമ്മിച്ചു നൽകിയ കുഴൽ കിണറുകളുടെ ഔദ്യോഗിക കൈമാറ്റ ചട ...
  • 11/05/2024
അബ്ദുൽ റഹ്മാൻ പുഞ്ചിരിക്ക് ഒഐസിസി കുവൈറ്റ് ആലപ്പുഴ ജില്ലാ കമ ...
  • 11/05/2024
ലീവിന് നാട്ടിൽ പോയ കുവൈറ്റ് പ്രവാസി അപകടത്തിൽ മരണപ്പെട്ടു
  • 10/05/2024
ഇന്ത്യന്‍ നഴ്‌സുമാരുടെ കൂട്ടായമ(NOK) 'നൈറ്റിംഗ്ഗേല്‍സ് ഗാല 2 ...
  • 09/05/2024
കെ.എഫ്.സി.ൽ സീസൺ 10 ൽ ടീം കണ്ണൂർ ക്രിക്കറ്റ്‌ ക്ലബ്‌ കൂവൈത്ത ...
  • 09/05/2024
ട്രാക്ക് സാമ്പത്തിക സഹായം കൈമാറി
  • 07/05/2024
കെ . കെ. ഐ.സി ത്രിദിന ഇസ് ലാമിക്‌ റെസിഡൻഷൽ പഠനക്യാമ്പ് സംഘടി ...
  • 07/05/2024
കാഴ്ച്ചകാരുടെ മനം കവർന്ന സർഗോത്സവ വേദിയായി ബാലകലാമേള 2024
  • 07/05/2024