കുവൈത്ത് സിറ്റിഃ ഐ.സി.എഫ് കുവൈത്ത് നാഷണൽ കമ്മിറ്റി സംഘടിപ്പിക്കുന്ന 'ഗുരുവോർമ്മകൾ' പ്രത്യേക സമ്മേളനം നവമ്പർ 11 വെള്ളി വൈകീട്ട് 7 മണി മുതൽ ഖൈത്താൻ ഇന്ത്യൻ കമ്മ്യൂണിറ്റി സ്കൂളിൽ നടക്കും. ആത്മീയ ഗുരുക്കളായ ശൈഖ് മുഹിയദ്ദീൻ അബ്ദുൽ ഖാദർ ജീലാനി, താജുൽ ഉലമ സയ്യിദ് അബ്ദുൽ റഹ്മാൻ അൽബുഖാരി, നൂറുൽ ഉലമ എം.ഏ അബ്ദുൽ ഖാദർ മുസ്ലിയാർ എന്നിവരെ അനുസ്മരിക്കുന്നതിന് വേണ്ടിയാണ് ഗുരുവോർമ്മകൾ സംഘടിപ്പിക്കുന്നത്.സാഹിത്യ ലോകത്ത് ഏറെ ചർച്ച ചെയ്യപ്പെട്ട് കൊണ്ടിരിക്കുന്ന അറബി മലയാള കൃതിയായ മുഹിയദ്ദീൻ മാലയടക്കമുള്ള വായുടെ ആസ്വാദനവും പഠനവും ചടങ്ങിൽ നടക്കും. ദീർഘകാലം സമസ്ത കേരള ജംഈയ്യത്തുൽ ഉലമയുടെ നേതൃത്വത്തിലിരുന്ന താജുൽ ഉലമയേയും, മദ്റസാ പ്രസ്ഥാനത്തിന്റെ ശില്പിയും എഴുത്ത്കാരനുമായ നൂറുൽ ഉലമയെയും കുറിച്ചുള്ള ജീവിത ദാർശനിക പഠന പ്രഭാഷണങ്ങളുമുണ്ടാകും.ഐ.സി.എഫ് നേതാക്കളായ സയ്യിദ് ഹബീബ് കോയ തങ്ങൾ, അഹമ്മദ് കെ മാണിയൂർ, അഹമ്മദ് സഖാഫി കാവന്നൂർ, അലവി സഖാഫി തെഞ്ചേരി തുടങ്ങിയവർ വിവിധ സെഷനുകൾക്ക് നേതൃത്വം നൽകും.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?