'കോൺഗ്രസ് ഗുജറാത്തിൽ പരാജയപ്പെട്ടതിന് കാരണം ബിജെപിയുടെ ബി ടീം'; ആംആദ്മിക്കെതിരെ വിമർശനവുമായി രാഹുൽ ഗാന്ധി

  • 16/12/2022

കോൺഗ്രസിന്റെ ഗുജറാത്തിലെ പരാജയത്തിന് കാരണം ആം ആദ്മി പാർട്ടിയാണെന്ന് രാഹുൽ ഗാന്ധി. ആം ആദ്മി പാർട്ടി ബിജെപിയുടെ ബി ടീമാണെന്നും കോൺഗ്രസിന് ദ്രോഹം ചെയ്യാനാണ് അവർ ബിജെപിയുമായി കൂട്ടുകൂടിയിരിക്കുന്നതെന്നും രാഹുൽ ഗാന്ധി ആഞ്ഞടിച്ചു. ഗുജറാത്തിൽ എഎപി മത്സരരംഗത്തിൽ ഇല്ലായിരുന്നെങ്കിൽ കോൺഗ്രസ് ഗുജറാത്തിൽ വിജയിക്കുമായിരുന്നെന്നും രാഹുൽ ഗാന്ധി പറഞ്ഞു. എന്നാൽ ഗുജറാത്തിൽ എഎപിയുടെ വിജയത്തിന് തടസം നിന്നതും ബിജെപിയെ വിജയിപ്പിച്ചതും കോൺഗ്രസ് ആണെന്ന് ആം ആദ്മി പാർട്ടി തിരിച്ചടിച്ചു. ഭാരത് ജോഡോ യാത്രയുടെ ഭാഗമായി രാജസ്ഥാനിൽ നടത്തിയ വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം. 

ഭാരത് ജോഡോ യാത്രയ്ക്ക് രാജ്യത്തെല്ലായിടത്തും വലിയ സ്വീകരണമാണ് ലബിച്ചതെന്ന് രാഹുൽ പറഞ്ഞു. മഹാരാഷ്ട്രയിലും മധ്യപ്രദേശിലും ഇപ്പോൾ രാജസ്ഥാനിലും വൻ ജനക്കൂട്ടമാണ് യാത്രയെ സ്വീകരിച്ചത്. കേരളത്തിലും കർണാടകത്തിലും ഭാരത് ജോഡോ യാത്ര ജനപിന്തുണയിൽ ഏറ്റവും മികച്ചു നിന്നു. പാർട്ടി ഭരണത്തിൽ ഇല്ലാത്ത മധ്യപ്രദേശിൽ ജനം യാത്രയ്ക്ക് വലിയ പിന്തുണ നൽകിയെന്നും അദ്ദേഹം പറഞ്ഞു.

രാജസ്ഥാൻ തർക്കത്തെക്കുറിച്ചുള്ള മാധ്യമപ്രവർത്തകരുടെ ചോദ്യത്തോട്, അക്കാര്യം മല്ലികാർജ്ജുൻ ഖാർഗെജിയോട് ചോദിക്കണമെന്നായിരുന്നു അദ്ദേഹത്തിന്റെ മറുപടി. താൻ കോൺഗ്രസ് അധ്യക്ഷനല്ലെന്നും അദ്ദേഹം ചൂണ്ടിക്കാട്ടി. മാധ്യമങ്ങൾ ബിജെപിക്കൊപ്പം ചേർന്ന് കോൺഗ്രസ് കാര്യക്ഷമമല്ലെന്ന് വരുത്തിത്തീർക്കാൻ പരിശ്രമിക്കുന്നുവെന്ന് അദ്ദേഹം കുറ്റപ്പെടുത്തി. ബിജെപിയുടെയും ആർഎസ്എസിന്റെയും ലക്ഷ്യം മറ്റുള്ളവരെ അപകീർത്തിപ്പെടുത്തുകയാണ്. ഇവരെ ഏറ്റവും കൂടുതൽ സഹായിച്ചത് മാധ്യമങ്ങളാണെന്നും അദ്ദേഹം പറഞ്ഞു.

Related News

ആറ് ദിവസത്തില്‍ മൂന്ന് രാജ്യങ്ങള്‍: മോദി ഇന്ന് നൈജീരിയയിലേക് ...
  • 16/11/2024
മുൻ എസ്പി, ഉന്നത പദവി വാഗ്ദാനം ചെയ്ത് 25 ലക്ഷം തട്ടി; പരാതിയ ...
  • 16/11/2024
3 വര്‍ഷം പ്രണയം; ആളൊഴിഞ്ഞ സ്ഥലത്ത് വെച്ച്‌ കാമുകിയെ ചുംബിച്ച ...
  • 16/11/2024
കൈക്കുഞ്ഞുള്‍പ്പെടെ 2 കുട്ടികളും ഒരു സ്ത്രീയും, അഴുകിയ മൃതദേ ...
  • 16/11/2024
വയനാട് ഉരുള്‍പൊട്ടല്‍ ദുരന്തബാധിതരുടെ കടം എഴുതിത്തള്ളാൻ നിര് ...
  • 16/11/2024
എലിവിഷം വച്ച മുറിയില്‍ കിടന്നുറങ്ങി, 2 കുഞ്ഞുങ്ങള്‍ക്ക് ദാരു ...
  • 15/11/2024
പ്രൈമറി സ്കൂളുകള്‍ അടച്ചിടും, ഡീസല്‍ ബസ് വേണ്ട, നിര്‍മ്മാണ പ ...
  • 15/11/2024
ട്രംപിന്റെ വിജയം: അദാനിയുടെ കണ്ണുകള്‍ യുഎസിലേക്ക്, വൻ നിക്ഷേ ...
  • 14/11/2024
'ഞെട്ടിക്കുന്ന അനീതി, കേന്ദ്ര സര്‍ക്കാര്‍ രാഷ്ട്രീയം കളിക്കു ...
  • 14/11/2024
193 പേരുമായി പറക്കുന്നതിനിടെ യാത്രക്കാരന്റെ സംശയം; ഇന്റിഗോ വ ...
  • 14/11/2024
ജന്‍ജാതീയ ഗൗരവ് ദിവസ് നവംബര്‍ 15ന്; മോദി ഉദ്ഘാടനം ചെയ്യും
  • 13/11/2024
ഝാര്‍ഖണ്ഡ് പോളിങ് ബൂത്തില്‍, ആദ്യഘട്ടത്തില്‍ ജനവിധി തേടി ചംപ ...
  • 12/11/2024