തളര്‍വാതം പിടിപെട്ട അച്ഛനെ കഴുത്ത് ഞെരിച്ചു കൊന്നു; കാരണം കിടക്കയിൽ മൂത്രമൊഴിച്ചത്

  • 06/02/2023

ന്യൂഡല്‍ഹി: തളര്‍വാതം പിടിപെട്ട അച്ഛനെ കൊലപ്പെടുത്തിയ കേസില്‍ 20കാരന്‍ അറസ്റ്റില്‍. കിടക്കയില്‍ അച്ഛന്‍ മൂത്രമൊഴിച്ചതാണ് പ്രകോപനത്തിന് കാരണമെന്ന് പൊലീസ് പറയുന്നു. അച്ഛനെ കഴുത്തുഞെരിച്ചാണ് കൊലപ്പെടുത്തിയത്.


ഡല്‍ഹിയിലെ ആനന്ദ് പര്‍ബത്ത് മേഖലയിലാണ് സംഭവം. സുമിത് ശര്‍മ്മയാണ് അച്ഛന്‍ ജിതേന്ദ്ര ശര്‍മ്മയെ കൊലപ്പെടുത്തിയത്. ജിതേന്ദ്ര ശര്‍മ്മ മരിച്ചതായുള്ള വിവരം ലഭിച്ച്‌ വീട്ടില്‍ എത്തിയപ്പോള്‍ അബോധാവസ്ഥയില്‍ കിടക്കുന്ന നിലയിലാണ് കണ്ടത് എന്ന് പൊലീസ് പറയുന്നു. ഉടന്‍ തന്നെ ആശുപത്രിയില്‍ എത്തിച്ചു. മരിച്ചതായി ഡോക്ടര്‍മാര്‍ സ്ഥിരീകരിച്ചതോടെ, പോസ്റ്റ്‌മോര്‍ട്ടം നടത്തി.

പോസ്റ്റ്‌മോര്‍ട്ടം റിപ്പോര്‍ട്ടാണ് കേസില്‍ നിര്‍ണായകമായത്. കഴുത്തുഞെരിച്ചാണ് കൊലപ്പെടുത്തിയത് എന്നാണ് റിപ്പോര്‍ട്ടില്‍ പറയുന്നത്. ഇതിന്റെ അടിസ്ഥാനത്തില്‍ നടത്തിയ വിശദമായ അന്വേഷണത്തിലാണ് മകന്‍ പിടിയിലായത്.

അന്വേഷണത്തില്‍ സംഭവദിവസം അച്ഛനും മകനും അയല്‍വാസിക്കൊപ്പം വൈകീട്ട് ആറര വരെ മദ്യപിച്ചതായി കണ്ടെത്തി. എന്നാല്‍ ചോദ്യം ചെയ്യലില്‍ ആദ്യം അയല്‍വാസിയാണ് അച്ഛനെ കൊന്നത് എന്നാണ് സുമിത് ശര്‍മ്മ മൊഴി നല്‍കിയത്. മൊഴിയില്‍ സംശയം തോന്നിയ പൊലീസ് വിശദമായി ചോദ്യം ചെയ്തു. ഇതിലാണ് സുമിത് ശര്‍മ്മ കുറ്റസമ്മതം നടത്തിയത് എന്ന് പൊലീസ് പറയുന്നു.

അച്ഛന് തളര്‍വാതം പിടിപെട്ടതായും ഒറ്റയ്ക്കാണ് ജിതേന്ദ്ര ശര്‍മ്മയുടെ കാര്യങ്ങള്‍ നോക്കിയിരുന്നതെന്നും മകന്‍ മൊഴി നല്‍കി. സംഭവദിവസം രാവിലെ മുതല്‍ അച്ഛനൊപ്പം മദ്യപിച്ചു. വൈകീട്ട് അച്ഛന്‍ കിടക്കയില്‍ മൂത്രം ഒഴിച്ചു. ഇതില്‍ രോഷാകുലനായ താന്‍ അച്ഛനെ കൊലപ്പെടുത്തുകയായിരുന്നുവെന്നും മകന്‍ മൊഴി നല്‍കിയതായി പൊലീസ് പറയുന്നു.

വര്‍ഷങ്ങള്‍ക്ക് മുന്‍പ് തന്നെ ജിതേന്ദ്ര ശര്‍മ്മയുമായി ഭാര്യ വേര്‍പിരിഞ്ഞിരുന്നു. മദ്യപിച്ച്‌ ഭാര്യയെ ജിതേന്ദ്ര ശര്‍മ്മ തല്ലുമായിരുന്നു. സഹിക്കാന്‍ വയ്യാതെയാണ് ഭാര്യ ബന്ധം ഉപേക്ഷിച്ച്‌ പോയതെന്നും പൊലീസ് പറയുന്നു. ഫാക്ടറിയില്‍ ജോലി ചെയ്തിരുന്ന ജിതേന്ദ്ര ശര്‍മ്മ പിന്നീട് ഓട്ടോ ഡ്രൈവറായി. 2020ലാണ് ജിതേന്ദ്ര ശര്‍മ്മയ്ക്ക് തളര്‍വാതം പിടിപെട്ടതെന്നും പൊലീസ് പറയുന്നു.

Related News

മണിപ്പൂരില്‍ ക്രൈസ്തവ ദേവാലയങ്ങള്‍ക്ക് തീയിട്ടു; കുക്കി വീടു ...
  • 16/11/2024
ആറ് ദിവസത്തില്‍ മൂന്ന് രാജ്യങ്ങള്‍: മോദി ഇന്ന് നൈജീരിയയിലേക് ...
  • 16/11/2024
മുൻ എസ്പി, ഉന്നത പദവി വാഗ്ദാനം ചെയ്ത് 25 ലക്ഷം തട്ടി; പരാതിയ ...
  • 16/11/2024
3 വര്‍ഷം പ്രണയം; ആളൊഴിഞ്ഞ സ്ഥലത്ത് വെച്ച്‌ കാമുകിയെ ചുംബിച്ച ...
  • 16/11/2024
കൈക്കുഞ്ഞുള്‍പ്പെടെ 2 കുട്ടികളും ഒരു സ്ത്രീയും, അഴുകിയ മൃതദേ ...
  • 16/11/2024
വയനാട് ഉരുള്‍പൊട്ടല്‍ ദുരന്തബാധിതരുടെ കടം എഴുതിത്തള്ളാൻ നിര് ...
  • 16/11/2024
എലിവിഷം വച്ച മുറിയില്‍ കിടന്നുറങ്ങി, 2 കുഞ്ഞുങ്ങള്‍ക്ക് ദാരു ...
  • 15/11/2024
പ്രൈമറി സ്കൂളുകള്‍ അടച്ചിടും, ഡീസല്‍ ബസ് വേണ്ട, നിര്‍മ്മാണ പ ...
  • 15/11/2024
ട്രംപിന്റെ വിജയം: അദാനിയുടെ കണ്ണുകള്‍ യുഎസിലേക്ക്, വൻ നിക്ഷേ ...
  • 14/11/2024
'ഞെട്ടിക്കുന്ന അനീതി, കേന്ദ്ര സര്‍ക്കാര്‍ രാഷ്ട്രീയം കളിക്കു ...
  • 14/11/2024
193 പേരുമായി പറക്കുന്നതിനിടെ യാത്രക്കാരന്റെ സംശയം; ഇന്റിഗോ വ ...
  • 14/11/2024
ജന്‍ജാതീയ ഗൗരവ് ദിവസ് നവംബര്‍ 15ന്; മോദി ഉദ്ഘാടനം ചെയ്യും
  • 13/11/2024