ഐ ഫോണ്‍ എന്നത് വളരെ സാധാരണക്കാര്‍ക്ക് ചിന്തിക്കാനാകുന്നതിനും അപ്പുറത്താണ്. അപ്പോള്‍ യാചകവൃത്തിയിലേര്‍പ്പെടുന്നവരുടെ കാര്യമോ. കീറിപ്പറിഞ്ഞ വസ്ത്രവുമിട്ട്, കരി പുരണ്ട് മുഷിഞ്ഞ ശരീരവുമായി ഒരാള്‍ ഐ ഫോണ്‍ 15 വാങ്ങാൻ കടയിലേക്ക് കയറിച്ചെന്നാല്‍ എങ്ങനെയായിരിക്കും പ്രതികരണം.
ഇത്തരത്തില്‍ കീറിപ്പറിഞ്ഞ മുഷിഞ്ഞ വേഷവും കയ്യില്‍ ചാക്കുകെട്ടുമായി ഐഫോണ്‍ വാങ്ങാൻ ചെന്ന യുവാവിന്റെ വീഡിയോ സമൂഹമാധ്യമങ്ങളില്‍ വൈറലായി മാറി. ജോധ്പുരില്‍ നിന്നുള്ള വിഡിയോ ആണ് പ്രചരിക്കുന്നത്. ഒരു ചാക്ക് നിറയെ നാണയങ്ങളുമായി കീറിയ തുണിയുടുത്താണ് യുവാവ് വിഡിയോയില്‍ പ്രത്യക്ഷപ്പെടുന്നത്.
പ്രസന്ന ഭാവത്തോടെ എത്തിയ യുവാവിനെ പല ജീവനക്കാരും കടയ്ക്കുള്ളിലേക്ക് പോലും കയറ്റുന്നില്ല. ചിലര്‍ നാണയങ്ങള്‍ സ്വീകരിക്കാനുള്ള മടിയും പറഞ്ഞ് യുവാവിനെ മടക്കുന്നു. പിന്നീട് ഒരു കടയിലെ ജീവനക്കാര്‍ യുവാവിന്റെ ആവശ്യം സ്വീകരിച്ച്‌ ഐഫോണ്‍ കാണിച്ചു കൊടുക്കുന്നു. നാണയങ്ങള്‍ സ്വീകരിക്കാനും അവര്‍ തയ്യാറാകുന്നു.
യുവാവിന്റെ കയ്യിലുണ്ടായിരുന്ന ചാക്കിലെ നാണയങ്ങള്‍ തറയിലേക്ക് ചൊരിഞ്ഞ്, ജീവനക്കാര്‍ പണം എണ്ണി തിട്ടപ്പെടുത്തുന്നു. തുടര്‍ന്ന് ഐ ഫോണും നല്‍കുന്നു. ജീവനക്കാര്‍ക്കൊപ്പം സെല്‍ഫിയുമെടുത്ത ശേഷമാണ് യുവാവ് ഐഫോണുമായി കടയില്‍ നിന്നും പോകുന്നത്.
ഭിക്ഷയെടുത്തു നടക്കുന്ന ഒരാള്‍ ഐഫോണ്‍ വാങ്ങാന്‍ ശ്രമിച്ചാല്‍ എന്തെല്ലാം സംഭവിക്കും, കടക്കാരുടെ പ്രതികരണം എങ്ങനെയായിരിക്കും എന്നറിയാനായി ഇന്‍സ്റ്റഗ്രാം ചാനലായ ' എക്സ്പെരിമെന്റ് കിങ്' നടത്തിയ പരീക്ഷണവിഡിയോ ആണ് വൈറലായി മാറിയത്. വീഡിയോ ഇതിനോടകം 34 മില്യണ്‍ വ്യൂസ് പിന്നിട്ടിട്ടുണ്ട്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?