കാറില്‍ ലിഫ്റ്റ് ചോദിച്ചു കയറിയതിനുശേഷം പീഡിപ്പിച്ചെന്നാരോപിച്ചു പണം തട്ടാന്‍ ശ്രമിച്ച യുവതി ഒടുവില്‍ കുടുങ്ങി. ഹൈദരബാദ് നഗരത്തിലെ ജൂബിലി ഹില്‍സില്‍ ചൊവ്വാഴ്ച രാത്രിയാണു സംഭവം.യുവതി വസ്ത്രങ്ങള്‍ സ്വയം വലിച്ചുകീറി ബഹളം വെയ്ക്കാന്‍ ശ്രമിച്ചതോടെ ഡ്രൈവര്‍ കാര്‍ പൊലീസ് സ്റ്റേഷനിലേക്ക് ഓടിച്ചു കയറ്റുകയായിരുന്നു.
വ്യാഴാഴ്ച രാത്രി ജോലി കഴിഞ്ഞു മടങ്ങുകയായിരുന്ന ടാക്സി ഡ്രൈവറോട് ജൂബിലി ഹില്‍സ് ചെക്ക് പോസ്റ്റിനു സമീപം വച്ച്‌, യുവതി കൈകാണിക്കുകയായിരുന്നു. തൊട്ടടുത്തുള്ള ജംഗ്ഷന്‍ വരെ ലിഫ്റ്റ് നല്‍കാമോയെന്നായിരുന്നു ചോദ്യം.
യുവതിയെ കാറില്‍ കയറ്റിയ ഡ്രൈവര്‍ ജംഗ്ഷനിലെത്തി നിര്‍ത്തിയെങ്കിലും ഇറങ്ങാൻ കൂട്ടാക്കിയില്ല. കാറില്‍ നിന്ന് ഇറങ്ങണമെങ്കില്‍ 5000 രൂപ നല്‍കണമെന്നും ഇല്ലെങ്കില്‍ യാത്രക്കിടെ പീഡിപ്പിക്കാന്‍ ശ്രമിച്ചെന്നാരോപിച്ചു പൊലീസില്‍ പരാതി നല്‍കുമെന്നും ഇവര്‍ ഭീഷണിപ്പെടുത്തി.ഇതിനിടയില്‍ സ്വയം വസ്ത്രങ്ങളും ഇവര്‍ വലിച്ചു കീറി.
യുവതിയുടെ അപ്രതീക്ഷിത പ്രതികരണത്തില്‍ ഭയന്ന ഡ്രൈവര്‍ പണം എടിഎമ്മില്‍ നിന്ന് എടുത്തുതരാമെന്നു പറഞ്ഞ് സമാധാനിപ്പിച്ച ശേഷം യാത്രക്കിടെ കാര്‍ സമീപത്തെ പൊലീസ് സ്റ്റേഷനിലേക്ക് ഓടിച്ചു കയറ്റി പോലീസിനോട് തനിക്കുണ്ടായ അനുഭവം വിവരിക്കുകയായിരുന്നു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?