കുവൈറ്റിൽ ആത്മഹത്യ ചെയ്ത വീട്ടമ്മ അനുഭവിച്ചത്‌ ക്രൂര മർദ്ദനം; മുഖ്യമന്ത്രി പിണറായിവിജയന് പരാതി നൽകി കുടുംബം

  • 31/05/2024

കുവൈത്തിൽ ദുരൂഹസാഹചര്യത്തിൽ വീട്ടമ്മ മരിച്ച സംഭവത്തിൽ അന്വേഷണമാവശ്യപ്പെട്ട് കുടുംബം. കാക്കവയൽ ആട്ടക്കര വീട്ടിൽ വിജയന്റെ ഭാര്യ അജിത വിജയൻ(50) ആണ് ജോലിചെയ്തിരുന്ന വീട്ടിൽ ദുരൂഹസാഹചര്യത്തിൽ തൂങ്ങിമരിച്ചനിലയിൽ കണ്ടെത്തിയത്. അജിത ജീവനൊടുക്കിയതല്ല, കുവൈത്തി വനിതയോ അവരുടെ കുടുംബമോ കൊലപ്പെടുത്തിയതാണെന്ന് സംശയമുണ്ടെന്നാണ് വിജയൻ മുഖ്യമന്ത്രിക്ക് നൽകിയ പരാതിയിൽ പറയുന്നത്.


അജിതയ്ക്ക്‌ സ്പോൺസറായ അറബി വനിതയിൽനിന്ന് ക്രൂരമായ പീഡനമേറ്റുവാങ്ങേണ്ടിവന്നിട്ടുണ്ടെന്നാണ് ഭർത്താവ് വിജയനും മക്കളും പറയുന്നത്. ഭക്ഷണംപോലും നൽകാറുണ്ടായിരുന്നില്ല. പലപ്പോഴും പൈപ്പുവെള്ളം കുടിച്ചാണ് വിശപ്പകറ്റിയിരുന്നത്. ചവിട്ടിത്താഴെയിടാറുണ്ടായിരുന്നു. ഒരുതവണ മണിക്കൂറുകളോളം വാഹനത്തിനുള്ളിൽ പൂട്ടിയിട്ടു. വീട്ടുടമയുടെ മർദനമേറ്റ് താടിയെല്ലിന് പരിക്കേറ്റിട്ടുണ്ട്. മരണശേഷമാണ് തങ്ങൾ ഇതെല്ലാം അറിയുന്നത്. ഒപ്പം കുവൈത്തിലേക്കുപോയ മറ്റൊരു സ്ത്രീയോട് പ്രശ്നങ്ങളെല്ലാം അജിത പറഞ്ഞിരുന്നു. അവരാണ് തങ്ങളോട് മരണശേഷം ഈ വിവരങ്ങൾ പറയുന്നത്.

കൊടിയമർദനം കാരണം ആ വീട്ടിലെ ജോലിയിൽനിന്ന് മാറ്റിത്തരണമെന്ന് കുവൈത്തിലേക്ക് കൊണ്ടുപോയ ഏജൻസിേയാട് അജിത ആവശ്യപ്പെട്ടിരുന്നു. പക്ഷേ, അവർ വീട്ടുടമയുടെ മകളുടെ വീട്ടിലേക്കാണ് കൊണ്ടുപോയത്. ഏജൻസി കൃത്യമായി ഇടപെട്ടിരുന്നെങ്കിൽ തങ്ങൾക്ക് അമ്മയെ നഷ്ടമാവുമായിരുന്നില്ലെന്ന് മക്കളായ മിഥുഷയും പ്രത്യുഷും പറയുന്നു.


ആറുമാസംമുമ്പാണ് അജിത കുവൈത്തിലേക്ക് പോയത്. സാന്പത്തികബുദ്ധിമുട്ടുകൊണ്ടാണ് ഗൾഫിൽ ജോലിക്കുപോയത്. വീടും മകന്റെ വിദ്യാഭ്യാസവുമൊക്കെ അജിതയുടെ സ്വപ്നമായിരുന്നു. അവിടെയെത്തി രണ്ടുമാസത്തിനുശേഷമാണ് പ്രശ്നങ്ങൾ തുടങ്ങിയത്. മേയ് 15-ന് അവസാനമായി വിളിച്ചപ്പോൾ നാട്ടിലേക്കുവരാനുള്ള കാര്യങ്ങൾ റെഡിയാക്കിക്കൊണ്ടിരിക്കുകയാണെന്നാണ് അജിത പറഞ്ഞതെന്ന് ഭർത്താവ് വിജയൻ പറയുന്നു. 18-ന് വിമാനടിക്കറ്റ് ബുക്ക് ചെയ്തതായി പറഞ്ഞിരുന്നു. 19-ാം തീയതിയായിട്ടും ഭാര്യയെ ഫോണിൽ കിട്ടാത്തതിനാൽ ഏജൻസിയുമായി ബന്ധപ്പെട്ടെങ്കിലും നാട്ടിലേക്ക് തിരിച്ചില്ലെന്നുമാത്രമാണ് അറിയാൻകഴിഞ്ഞത്. പക്ഷേ, അന്നുതന്നെ ഉച്ചയ്ക്ക് രണ്ടരയ്ക്ക് കുവൈത്തിൽനിന്ന് നാട്ടിലേക്ക് മൃതദേഹം കയറ്റിവിടുന്ന ട്രാവൽസിന്റെ നമ്പറിൽനിന്ന് മകളുടെ േഫാൺനന്പറിലേക്ക് പാസ്പോർട്ടിന്റെ ഫോട്ടോ അയച്ചുതന്ന് ഇതാരാണെന്ന് ചോദിച്ച് മെസേജ്‌ വന്നു. അതിനുശേഷമാണ് മരണവിവരമറിയുന്നത്. സംഭവത്തിൽ രാഹുൽഗാന്ധിക്കും നോർക്കയ്ക്കും പരാതിനൽകിയിട്ടുണ്ട്. നീതികാത്തുകഴിയുകയാണ് ഈ കുടുംബം.

Related News

അസ്ഥിര കാലാവസ്ഥ വൈകുന്നേരത്തോടെ മെച്ചപ്പെടും, കുവൈറ്റ് അഗ്നി ...
  • 27/11/2024
ഗൾഫ് ഉച്ചകോടി; അവന്യൂസ് മാളിൽ ആഭ്യന്തര മന്ത്രാലയത്തിൻ്റെ ബാൻ ...
  • 27/11/2024
ജിഎച്ച്ബി, ജിബിഎൽ; മുന്നറിയിപ്പുമായി ആഭ്യന്തരമന്ത്രാലയം
  • 27/11/2024
പൗരത്വം പിൻവലിക്കൽ; അദ്ധ്യാപകരുടെ ശമ്പളം നിർത്തിവച്ച് വിദ്യാ ...
  • 27/11/2024
ഇന്ത്യൻ എംബസിയുടെ കോൺസുലർ ക്യാമ്പ് വെള്ളിയാഴ്ച വഫ്രയിൽ
  • 27/11/2024
സിവിൽ ഐഡി കാർഡ് ലഭിക്കുന്നതിന് വ്യാജരേഖ ചമച്ച പ്രവാസിക്ക് ശി ...
  • 27/11/2024
സിസിടിവി ക്യാമറ തെളിവുകൾ ; കുവൈറ്റി യുവതിക്ക് വിവാഹമോചനം
  • 26/11/2024
കർശനമായ പ്രവാസി റെസിഡൻസി നിയമം നിലവിൽ വന്നു; നിയമലംഘനങ്ങൾക്ക ...
  • 26/11/2024
വിസ തട്ടിപ്പ്; അറുന്നൂറോളം പ്രവാസികൾ ഇര, കുവൈറ്റ് പൗരനും സിറ ...
  • 26/11/2024
കുവൈത്ത് പൗരത്വം റദ്ദാക്കിയത് വിവാഹമോചനത്തിനും, നിയമപരവും സാ ...
  • 26/11/2024
പത്തനംതിട്ട സ്വദേശിനിയായ നഴ്‌സ് കുവൈത്തിൽ മരണപ്പെട്ടു
  • 26/11/2024
വമ്പൻ കിഴിവുകൾ വാഗ്ദാനം ചെയ്യുന്ന പരസ്യങ്ങൾ; ആഭ്യന്തര മന്ത്ര ...
  • 25/11/2024