മംഗഫ് ദുരന്തം : തീപിടിത്തമുണ്ടായത് ഗാര്‍ഡ് റൂമില്‍ നിന്ന്, കാരണം ഷോര്‍ട്ട് സര്‍ക്യൂട്ടെന്ന് ഫയര്‍ഫോഴ്‌സ്

  • 13/06/2024


കുവൈറ്റ് സിറ്റി: കുവൈറ്റിലെ കെട്ടിടത്തിലെ തീപിടിത്തതിന് കാരണം ഷോര്‍ട്ട് സര്‍ക്യൂട്ടെന്ന് കുവൈറ്റ് ഫയര്‍ഫോഴ്‌സ് അന്വേഷണ റിപ്പോര്‍ട്ട്. ഗാര്‍ഡിന്റെ റൂമില്‍ നിന്നാണ് തീപിടിത്തമുണ്ടായതെന്നും ഫയര്‍ഫോഴ്‌സ് പ്രസ്താവനയില്‍ വ്യക്തമാക്കി.

കുവൈറ്റിലെ മംഗഫില്‍ കമ്പനി ജീവനക്കാര്‍ താമസിച്ച കെട്ടിടത്തിലാണ് തീപിടിത്തമുണ്ടായത്. അപകടത്തില്‍ മരിച്ചത് 49 ഇന്ത്യക്കാരെന്നാണ് ഔദ്യോഗിക സ്ഥിരീകരണം. ഇതില്‍ 46 പേരെ തിരിച്ചറിഞ്ഞു. മൂന്ന് പേരെ തിരിച്ചറിയാനുണ്ടെന്നും നോര്‍ക്ക റൂട്ട്‌സ് സിഇഒ അജിത് കോളശ്ശേരി അറിയിച്ചു. 25 മലയാളികള്‍ മരിച്ചതായാണ് അനൗദ്യോഗിക വിവരം. 23 മലയാളികളെ തിരിച്ചറിഞ്ഞിട്ടുണ്ട്. 40 പേര്‍ വിവിധ ആശുപത്രികളില്‍ ചികിത്സ തേടി. ഒമ്പത് പേരുടെ നില ഗുരുതരമാണ്. ചികിത്സയില്‍ കഴിയുന്നതില്‍ കൂടുതല്‍ പേരും മലയാളികളാണ്.

മരിച്ച 23 മലയാളികളുടെ മൃതദേഹങ്ങളും നാളെ രാവിലെ കൊച്ചിയിലെത്തിക്കും. രാവിലെ 8.30നാണ് മൃതദേഹങ്ങള്‍ എത്തിക്കുക. ഇവിടെ നിന്ന് തയ്യാറാക്കിയിരിക്കുന്ന പ്രത്യേക ആംബുലന്‍സുകളില്‍ മൃതദേഹങ്ങള്‍ വീടുകളില്‍ എത്തിക്കാനാണ് തീരുമാനിച്ചിരിക്കുന്നത്. മുഖ്യമന്ത്രിയുള്‍പ്പടെ നാളെ കൊച്ചിയിലെത്തും.

അതേസമയം കേന്ദ്രം അനുമതി നിഷേധിച്ചതിനെ തുടര്‍ന്ന് ആരോഗ്യമന്ത്രി വീണ ജോര്‍ജിന്റെ കുവൈറ്റ് യാത്ര റദ്ദാക്കി. കേന്ദ്രം യാത്രയ്ക്കുള്ള പൊളിറ്റിക്കല്‍ ക്ലിയറന്‍സ് നല്‍കാതിരുന്നതോടെയാണ് മന്ത്രിയുടെ യാത്ര മുടങ്ങിയത്. ആരോഗ്യമന്ത്രി കൊച്ചി വിമാനത്താവളത്തില്‍ എത്തിയിരുന്നു. ഓരോ സംസ്ഥാനങ്ങളും പ്രതിനിധികളെ അയക്കേണ്ടതില്ലെന്ന നിലപാടിലാണ് കേന്ദ്രസര്‍ക്കാര്‍. രേഖാമൂലമുള്ള മറുപടിയില്‍ അനുമതിയില്ലെന്ന് മാത്രമായിരുന്നു വിശദീകരണം.

Related News

ഗൾഫ് ഉച്ചകോടി; അവന്യൂസ് മാളിൽ ആഭ്യന്തര മന്ത്രാലയത്തിൻ്റെ ബാൻ ...
  • 27/11/2024
ജിഎച്ച്ബി, ജിബിഎൽ; മുന്നറിയിപ്പുമായി ആഭ്യന്തരമന്ത്രാലയം
  • 27/11/2024
പൗരത്വം പിൻവലിക്കൽ; അദ്ധ്യാപകരുടെ ശമ്പളം നിർത്തിവച്ച് വിദ്യാ ...
  • 27/11/2024
ഇന്ത്യൻ എംബസിയുടെ കോൺസുലർ ക്യാമ്പ് വെള്ളിയാഴ്ച വഫ്രയിൽ
  • 27/11/2024
സിവിൽ ഐഡി കാർഡ് ലഭിക്കുന്നതിന് വ്യാജരേഖ ചമച്ച പ്രവാസിക്ക് ശി ...
  • 27/11/2024
സിസിടിവി ക്യാമറ തെളിവുകൾ ; കുവൈറ്റി യുവതിക്ക് വിവാഹമോചനം
  • 26/11/2024
കർശനമായ പ്രവാസി റെസിഡൻസി നിയമം നിലവിൽ വന്നു; നിയമലംഘനങ്ങൾക്ക ...
  • 26/11/2024
വിസ തട്ടിപ്പ്; അറുന്നൂറോളം പ്രവാസികൾ ഇര, കുവൈറ്റ് പൗരനും സിറ ...
  • 26/11/2024
കുവൈത്ത് പൗരത്വം റദ്ദാക്കിയത് വിവാഹമോചനത്തിനും, നിയമപരവും സാ ...
  • 26/11/2024
പത്തനംതിട്ട സ്വദേശിനിയായ നഴ്‌സ് കുവൈത്തിൽ മരണപ്പെട്ടു
  • 26/11/2024
വമ്പൻ കിഴിവുകൾ വാഗ്ദാനം ചെയ്യുന്ന പരസ്യങ്ങൾ; ആഭ്യന്തര മന്ത്ര ...
  • 25/11/2024
മൊബൈൽ ഇൻ്റർനെറ്റ് വേഗത; ആ​ഗോള തലത്തിൽ മൂന്നാം സ്ഥാനത്തെത്തി ...
  • 25/11/2024