നരേന്ദ്രമോദി നാളെ കുവൈത്തിൽ, 43 വർഷത്തിനു ശേഷം കുവൈത്തിലെത്തുന്ന ആദ്യ ഇന്ത്യൻ പ്രധാനമന്ത്രി

  • 20/12/2024



കുവൈത്ത്‌ സിറ്റി: ഇന്ത്യ കുവൈറ്റ് ബന്ധം ശക്തിപ്പെടുത്തുന്നതിന്റെ ഭാഗമായി ഇന്ത്യൻ പ്രധാനമത്രി നാളെ ശനിയാഴ്ച കുവൈത്തിൽ എത്തും, നീണ്ട 43 വർഷത്തിനു ശേഷം കുവൈത്തിലെത്തുന്ന ആദ്യ ഇന്ത്യൻ പ്രധാനമന്ത്രിയാണ് നരേന്ദ്രമോദി. പ്രധാനമന്ത്രിയ്ക്ക് ഊഷ്മള വരവേൽപ് നൽകാൻ ഒരുങ്ങി രാജ്യം. രാജ്യമെങ്ങും മോദിയുടെ ചിത്രങ്ങളും കൂറ്റൻ ഫ്ളക്സ് ബോർഡുകളും നിറഞ്ഞു കഴിഞ്ഞു. നിരത്തുകളിൽ ഇന്ത്യൻ പതാകകൾ ഉയർന്നു പാറി.  

കുവൈത്തിലെ ബസ്സുകളിലും മോദിയുടെ കൂറ്റന്‍ ചിത്രങ്ങൾ പതിച്ചാണ് കുവൈത്ത് നിരത്തിലോടുന്നത്. കുവൈത്തിലെ റോഡുകളിൽ ഇന്ത്യൻ പതാകകൾ ഉയർത്തിയിട്ടുണ്ട്. 43 വര്‍ഷത്തിന് ശേഷം കുവൈത്തില്‍ എത്തുന്ന ഒരു ഇന്ത്യന്‍ പ്രധാനമന്ത്രിയെ ആവേശപൂര്‍വ്വമാണ് സമൂഹം കാത്തിരിക്കുന്നത്.ഗള്‍ഫ് രാജ്യങ്ങളില്‍ ഇതുവരെ മോദി സന്ദര്‍ശിക്കാത്ത ഏക രാജ്യവുമാണ് കുവൈത്ത്. രാവിലെ എത്തുന്ന പ്രധാനമന്ത്രിയുമായി ക്ഷണിക്കപ്പെട്ട കമ്മ്യൂണിറ്റി നേതാക്കൾ കൂടിക്കാഴ്ച നടത്തും. തുടര്‍ന്ന് ലേബര്‍ ക്യാംപുകൾ സന്ദർശിക്കും. അതിന്‌ശേഷമാണ് ഇന്ത്യൻ പ്രവാസികളെ അഭിസംബോധന ചെയ്തു കൊണ്ടുള്ള പൊതുസമ്മേളനം. 

പൊതുപരിപാടി നാളെ 3.50-ന് സബാ അല്‍ സാലെമിലുള്ള ഷെയ്ഖ് സാദ് അല്‍ അബ്ദുല്ല അല്‍ സലേം അല്‍ സബാഹ് ഇന്‍ഡോര്‍ സ്പോര്‍ട്സ് ഹാളിലാണ് നടക്കുക. 12.30 മുതല്‍ പ്രവേശനം അനുവദിക്കും. പരിപാടിയ്ക്ക് ഒരു മണിക്കൂര്‍ മുൻപ് എല്ലാ ഗേറ്റുകളും അടയ്ക്കും. മുന്‍കൂട്ടി റജിസ്റ്റർ ചെയ്തവര്‍ക്കും പ്രത്യേകം ക്ഷണിച്ചവര്‍ക്കും ഇന്നലെ മുതല്‍ പാസ്, ഡിജിറ്റല്‍ ടിക്കറ്റുകള്‍ നല്‍കിയിട്ടുണ്ട്. ഒരോ ടിക്കറ്റിലും സിവില്‍ ഐ.ഡി,പാസ്‌പോര്‍ട്ട്,മൊബൈല്‍ ഫോണ്‍ നമ്പര്‍, സോണ്‍,ഗേറ്റ് അടക്കം രേഖപ്പെടുത്തിയിട്ടുണ്ട്. പ്രിന്റ് കോപ്പിയോ, ഫോണിലോ ടിക്കറ്റ് കാണിക്കണം. ഒറിജിനല്‍ സിവില്‍ ഐഡിയോ,മൊബൈല്‍ ഐഡിയോ ടിക്കറ്റിനൊപ്പം ഉണ്ടായിരിക്കണം.

മൊബൈല്‍ ഫോണോ പേഴ്‌സോ അല്ലാതെ മറ്റൊന്നും കൈവശം പാടില്ല. ഫോണ്‍ സൈലന്റ് മോഡിൽ ആയിരിക്കണമെന്നും ടിക്കറ്റില്‍ നിഷ്കർഷിച്ചിട്ടുണ്ട്. സോണ്‍ ഒന്ന്, സോണ്‍ രണ്ട്, വെല്‍ തുടങ്ങി വിവിധ വിഭാഗങ്ങളായി തരം തിരിച്ചിട്ടുണ്ട്. ടിക്കറ്റില്‍ പറഞ്ഞ പ്രകാരമുള്ള സീറ്റ് നമ്പറിൽ തന്നെ വേണം ഇരിക്കാൻ.സോണ്‍ രണ്ടില്‍ സീറ്റ് നമ്പറുകള്‍ ഇല്ല.സീറ്റ് കിട്ടുന്ന മുറയ്ക്ക് ഇരിക്കാമെന്നാണ് ടിക്കറ്റില്‍ വ്യക്തമാക്കിയിരിക്കുന്നത്.

പൊതുസമ്മേളനത്തിന് ശേഷം അര്‍ദ്ദിയായിലെ ഷെയ്ഖ് ജാബിര്‍ സ്‌റ്റേഡിയത്തില്‍ നടക്കുന്ന ജി.സി.സി കപ്പ് ഫുഡ്‌ബോള്‍ മല്‍സരവേദിയും മോദി സന്ദർശിക്കും. ഞായറാഴ്ച കുവൈത്ത് ഭരണാധികാരികളുമായി കൂടിക്കാഴ്ച നടത്തും.

കുവൈറ്റ് വാർത്തകൾ കൃത്യതയോടെ ഏറ്റവും ആദ്യമറിയാൻ വാട്സാപ്പ് ഗ്രൂപ്പിൽ ചേരാം 👇 

തത്സമയം വാർത്തകൾ ലഭിക്കാൻ വാട്സാപ്പ് ചാനലിൽ ചേരാം👇 

Related News

കുവൈത്തിൽ ഗാർഹിക തൊഴിലാളിയെ കൊന്ന് പൂന്തോട്ടത്തിൽ കുഴിച്ചിട് ...
  • 30/12/2024
മന്ത്രവാദവും ആഭിചാരവും; കുവൈത്തിൽ 12 പേർ അറസ്റ്റിൽ
  • 30/12/2024
കുവൈത്തിൽ കേസുകളുടെ എണ്ണത്തില്‍ വര്‍ധനയുണ്ടായതായി പബ്ലിക് പ് ...
  • 30/12/2024
ഗൾഫ് കപ്പ് ഫുട്ബോൾ ചാംപ്യൻഷിപ്പ് ഫൈനൽ മത്സരം മാറ്റി
  • 30/12/2024
പ്രവാസികളുടെ ശ്രദ്ധയ്ക്ക്; ബയോമെട്രിക് നടപടിക്രമങ്ങൾ പൂര്‍ത് ...
  • 30/12/2024
കുവൈത്തിനെ ഞെട്ടിച്ച് രണ്ട് കൊലപാതക കേസുകൾ; ആസൂത്രിത കൊലപാതക ...
  • 30/12/2024
വിസിറ്റ് വിസ കാലാവധി കഴിഞ്ഞ് രാജ്യത്ത് തുടര്‍ന്നാൽ 2000 ദിനാ ...
  • 30/12/2024
മൈ ഐഡൻ്റിറ്റി വഴിയുള്ള ഡ്രൈവിംഗ് പെർമിറ്റ് എല്ലാ ഇടപാടുകളിലു ...
  • 30/12/2024
മലപ്പുറം ജില്ലാ അസോസിയേഷൻ കുവൈറ്റ്: സക്കീർ ഹുസൈൻ തൂവ്വൂരിന് ...
  • 29/12/2024
മൻമോഹൻസിങ് അനുശോചന യോഗം സംഘടിപ്പിച്ച് ഒഐസിസി കുവൈറ്റ്
  • 29/12/2024
ബയോമെട്രിക് വിരലടയാളം പൂർത്തിയാക്കാത്ത ​ഗാർഹിക തൊഴിലാളികൾക്ക ...
  • 29/12/2024
ഏഷ്യൻ ​ഗാർഹിക തൊഴിലാളിയെ കൊലപ്പെടുത്തിയ ശേഷം സ്വയം കീഴടങ്ങി ...
  • 28/12/2024